Heber 7:2 - Nouveau Testament en Ngienboum

² Á gabte shúm sie à lɔ̌g fóo ncù nzsè legém, ńnáa tà’ nzsè né yé. Lezíŋ Melekisedeg é zɔɔn ńdɔgɔ ńgɔɔn ngie: «Fùɔ nò gie á tyé ndʉŋ ndʉŋ», à gǐŋ ńgwɔ́ fùɔ pʉ̀a Salem pú’u, ńdɔgɔ ńgwɔ́ fùɔ mbʉ́lè.

Heber 7:2 ပူးပေါင်းရင်းမြစ်များ

Matio 1:23

Mé ge lá’ gwaa gyá, mùɔ ngùɔ nyé té zsé mámbàŋa ńgwɔ́ shwoŋ, ńzyé múɔ mbàŋa, mè tsẅi lezíŋ sé lê Emanuel, e lɔgɔ ńgɔɔn ngie: «E Ssé ee nùɔ pege».

Lukase 2:14

Legu’ gwɔ́ mbwo Ssé á tàa tÿǒ lepwó, asẅétè gwɔ́ mbwo pʉ̀a mesoŋ ndùmo Ssé tsetsá’. E Ssé kwoŋo wɔ́b.

Roma 3:26

À kaa fʉ̀’ó ne shÿɔgɔ shÿɔg ńzẅí’te, tá’ áa fʉ̀’ɔɔn, á ne ńnyɛɛ ngie àa ndʉŋ ndʉŋ, ńgíŋe ńnyɛɛ ngie à líe nyìŋ gẅie à záb ntʉ́m wé ná Kristo á gwɔ́ pɔ́ ndʉŋ ndʉŋ mvfò yé.

Heber 7:1

Melekisedeg ŋwɛ́ à laa fùɔ pʉ̀a Salem, ńgíŋe ńgwɔ́ nùŋe pwɔ́’ we Ssé, é Ssé gẅie à pi’i kɔ̀ɔkɔ́ɔ. Ábalam laa lyɛ̌’ gie à la gʉa ncù, ńtó ńdÿɔ́’ mefùɔ tà ńgyɔ́ɔn, ńjÿó wɔ́b, ńne ḿbiŋe nzèm, Melekisedeg gʉa ńzá’a yé, ńnéŋ mbʉ́lè ná yé.

Heber 7:3

Mé té tá pà Melekisedeg zsé. Mé té má we zsé, ńké tè zsé tsìŋe ndá gie á fóo mǒ wɔ́, mé té tóo tsɔ́ jʉ’ tsɛ̀ɛ ŋwà’ne Ssé ńjú’ mé gɔɔn nò ná lezyě yé wɔ́, ńké tè jú’ mé gɔɔn nò ná legwé we wɔ́. Á gwɔ́ pú’u, ńdɔgɔ ńgwɔ́ pá’ Míŋ Ssé, á nue aa nùŋe pwɔ́’ gẅie à gwɔ́ pɔ́ wó.