Heber 5:9 - Nouveau Testament en Ngienboum

⁹ ḿbiŋ ńjú’ tà ńku’u nyìŋ gẅie ńgwɔ́ á gÿo pʉ̀a pie é jú’u ncwò wé pú ńtsẅɛ́ ndà’ ndà’.

Heber 5:9 ပူးပေါင်းရင်းမြစ်များ

Matio 17:5

Á nyé ńgɔɔn gɔɔn, etsɔ́ melɔ́ɔn, mie é ŋwʉŋe ŋwʉŋe sẅɛ́’ ńkábte wɔ́b, ngyè nyìŋ fó tsɛ̀ɛ wó ńgɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág, pi jú’ ncwò wé.

Lukase 13:32

Yěsô gɔɔn né pɔ́b ngie: Pi gʉa ńgɔɔn né mengyé shʉ̀shʉ̀ áwɛ̌ ngie: Mèŋ, n kě ńnyé ńgẅiin lyɛ̌’ɔɔn, mbɔɔ jǔɔ lélɔg ńjwoŋ *messé tepòŋ mie é pue pʉ̀a, é piŋ gíŋ gÿo megàŋa gùɔ zeŋe. À gwɔ́ nà mbɔ́ɔntè lyɛ̌’ tá, m mege fà’ yɔ́ɔn.

Ŋwà’ne Jâŋ 19:30

Á sẅíte ńgɔɔn ngie: Ayɔ́ɔn fà’ magá, ńdeen ńké ńcʉ́ŋe twó yé, ńkwé.

Megàŋ ntúm 3:15

Pi ka gÿo pú’u, ńzẅé nyìŋ gẅie yé zɔ gÿo tá mé gwɔ́ wó. Tá e Ssé ké ńzíme yé nà legwé tà peg gyá yé lê nÿɔ́g még, peg ne sá’a shwóŋó gẅí.

Megàŋ ntúm 4:12

Epʉ̀a ké ńgẅiin lécʉa pɔ́ ná Yěsô tá ńtsẅɛ, á nue atsɔ̌ nyìŋ ndyɛ̀’ɛ tè tsɛ̀ɛ yɔɔn njÿó ńgwɔ́ gẅie e Ssé la zába yé légwɔ́ gie pege ge cʉa nà yé tsẅɛ wɔ.

Megàŋ ntúm 5:32

Peg gɔɔn pá’ɔɔn ńgwɔ́ pàjÿó ńgyá nà mɔɔn menò. À Zẅìge Ndʉalʉ̌a gie Ssé ne náa mbwó pʉ̀a pie é ne ńjú’u ncwò wé zɔ̌ tsóte weg légɔɔn.

Roma 1:5

E Ssé la cʉa pɔ́ nà yé Kristo ńcÿó gem yɔ́ɔn, ńdɔgɔ wɔɔn ńgÿo ngàŋ ntúm Yěsô Kristo légwɔ́ gie mèŋ n ge gʉa shwóŋó nò Ssé, tsɛ̀ɛ mengwòŋ ntsèm. Epʉ̀a záb ntʉ́m nà yé, ńjú’ ncwò wé, à cʉa pú’u, pɔ́ ná mekù’ mbwo Yěsô Kristo.

Roma 10:16

Tá’ pʉ̀a metsèm la tè jú’ nkʉ̀ mbòŋo ńzẅíŋ wɔ́. *Ntsẅì nkʉ̀ Ssé Esǎya la zɔɔn ńgɔɔn ngie: «Cʉ̀apʉ̀a, peg la gɔɔn nò jú à wɔ̌ ké ńzẅíŋ»?

Roma 15:18

Á nue n dɔɔn ńgɔɔn kɔ́ wɔ́ gie n dǎ gÿo ná fa’a Ssé, mbà á gwɔ́ pɔ́ gie Kristo zɔ la lɔgɔ wɔ̀ɔn ńgÿo. Pú’u, légÿo pʉ̀a pie é té pà Yuda wɔ́ pɔ́ jú’ ncwò Ssé, á cʉa nà shwóŋè gie mèŋ n gɔɔn mbɔɔ ná mefà’ mie mèŋ fa’a,

Roma 2:8

Tá á ké ńgʉa ná pʉ̀a pie pɔ́ tʉʉ twó mbwo Ssé, ńdʉ’ʉ nò gie áa nénʉ́, ńgiŋe pɔ́ ná mánzsè gẅie e Ssé tè ne ńkwoŋo wɔ́, pɔ́ gyá pá’ e Ssé gyáŋa lóŋ ná pɔ́b, mbɔɔ pá’ nò yɔ́b pÿɔ́gɔ Ssé.

Roma 6:17

Pege ké sie Ssé, mélà’mie pi laa tsɔ́ fʉ̀’ ńgwɔ́ nkwɔɔn nò tepòŋ, pi ee fʉ̀’ɔɔn, mbà pi kéen ńdɔg ntʉ́m gẅi ntsèm, ńzẅíŋe mmó gie mé ka zí’i gẅí. Á gwɔ́ gie á ne ńzɛ́te ngie pi vɔg ńzsé,

2 Korento 10:5

Peg ne ńnyɛɛ ngie meshwóŋè mie pʉ̀a lɔgɔ ńŋá’te, é ne ńtáte pʉ̀a lézsé nò Ssé, é té tsɔ́ nò wɔ́, ńkaga tʉ̀ ńkúbe mmó gie pʉ̀a gẅiin ntʉ́m pɔ́b, ńgÿo pɛ̌ pʉ̀a cʉ́’ʉ ńjú’u pɔ́ ncwò Kristo.

Filipo 2:12

Á cʉa pú’u, mbà mefɛ́ pɔ́ɔn pè ntʉ̀ nzẅìŋ, pá’ pi ee ńké ńzɔɔn ńjú’u pɔ́ ncwò Ssé tà fó pá’ n daa tsetsɛ̀ɛ pi la, pi kě ne ńgíŋe ńtÿɔ́gɔ kwò pɔ́ mǒ á nà fʉ̀’ɔɔn gie mèŋ n te tsetsɛ̀ɛ pi wɔ́ lɔɔn. Pi kag tʉ̀, tà nyìŋ gÿo megʉa. E Ssé kéen ńgÿo pi tsẅɛ́, pi lêen ńké fa’ mefà’ mie é pumo ná pʉ̀a pie é kéen ńtsẅɛ́.

2 Tesalonika 1:8

À ge lá’ gwaa tó pege gyá mmɔ̌g tÿɔ́’ɔ yé ńnéŋ soŋ, à gÿo pʉ̀a pie pɔ́ la lʉ’ Nkʉ̀ Mbòŋo wé gyá ngɔ́’.

2 Tesalonika 2:16

Tá wege Ssé la kwoŋo wégè, ńdɔgɔ lécÿó gʉm yégè, pege cʉ́’ pʉ̀a pé, ńkẅiŋte wégè ná ntí gie e těen ńdá’a ḿmaga wɔ́, ḿbiŋ ńgÿo pege ńnéŋe ne ńzẅí’te mmó mbòŋo gie à la ka’a mbwo pʉ̀a pé. Pú’u, peg ne ńdúɔ mbwo yé mbɔɔ mbwo Cʉ̀apʉ̀a wege Yěsô Kristo ngie:

2 Timote 2:10

Áa mmó gie á gÿo mèŋ n ne ńgyá ngɔ́’ pɔ́ lêkɔ́ wɔ́, ńtíi pʉ̀a pie e Ssé tsɔ’ɔ́ wɔ́b, éshÿɔgɔ shÿɔg, ńzsé ngie Kristo ge gÿo pɔ́b yɔ́b tsẅɛ́. Pɔ́ fo pú’u, ńgẅiin legú’ tèmì.

Heber 1:14

Anò *mecÿɔ́’ Ssé zɔɔn pá’a ńgwɔ́ kɔ́? Pɔ́ gwɔ́ pɔ́ mezẅìge mie é fa’a mbwo Ssé, á ne ńtúmo wɔ́b ngie pɔ́ gʉa fa’a fà’ gie á ge kẅéte pʉ̀a pie yé Ssé ge tâ gÿo pɔ́ tsẅɛ́.

Heber 11:40

Pú’u mélà’mie e Ssé la kwaŋa tsɔ́ nò ńzáb, á gwɔ́ ye mbòŋo mbwo pege tɛ’. À la ne ńkwoŋo ngie pega pɔ̌ pú ńgwɔ́ métsèm, tá à gÿo pega pɔ̌ ku’ pʉ̀a pé ndà’ ndà’.

Heber 11:8

Á la fó pɔ́ ná pá’ Ábalam la záb ntʉ́m wé nà Ssé, tá e Ssé tóŋo yé á jú’ ncwò wé, ńgʉa lê tsɛ̀ɛ tsɔ́ ngwòŋ gẅie e lɔ́ɔn ńge gÿo cʉ́’ gwɔ́ pɔ́ we, ńdu ssé ńgʉa té zsé jʉ’ gie à gee tà kúu wó.

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.

Heber 2:10

E Ssé la gÿo shúm ntsèm sie ée tsɛ̀ɛ njÿó é gwɔ́ wó, ńgwɔ́ pɔ́ shúm sé. Pá’ à la piŋ ne ńkwoŋo ngie pʉ̀a tà ńgyɔ́ɔn ge cʉ́’ púɔ pé, é gwɔ́ tsɛ̀ɛ legú’ we la, Yěsô zɔ̌ piŋ ńgẅiin légÿo pɔ́ tsẅɛ́ la, á la ne ńzɛ́te ngie à gÿo Yěsô fó nà ngɔ́’ gie à gyǎ, ńku’u nyìŋ gẅie à ge gÿo pɔ́ tsẅɛ́.

Heber 2:3

Pá’ á laa pú’u la, pege lɔɔn ńgwágte nò ná máamáa nò gẅie aa pá’ e Ssé la gÿo pege tsẅɛ́, e Ssé gǎ tà ńnyé wégè? Cʉ̀apʉ̀a Yěsô lê twó yé la vɔg ńzye létsẅii yɛ̌ nò. Epʉ̀a pie pɔ́ la jú’u ncwò yé, gÿo ńkwa’ shwóŋó wégè ngie aa kwà’ máamáa nò.

Heber 9:12

Kristo la kúu kwà’ tsɛ̀ɛ jʉ’ gie e Ssé ee wó. À la kú pɔ́ tà’ legʉ̀a á ku’. Á la gwɔ kú, à tè gẅiin metse mbÿɔ́b, kà me púɔ fòŋ lényɛɛ mbwo Ssé wɔ́. À la lɔg pɔ́ kwà’ metse mé ńkú. Wɔɔn aa pá’ à la kẅile wégè ndá tsǎŋ pú’u, pɔ́ ndà’.

Heber 9:15

Yɔɔn áa mmó gie á gÿo Kristo gwɔ́ ná nò tsɔ́ *kʉ̀a gie áa ye sẅé, á gie á gíŋe ńdɔgɔ ńgwɔ́ pá’ ŋwà’ne lɔg ńtÿɔ́g legwé, ńgwɔ́ màmekěm. À la kwé á gwɔ́ lélɔg pú’u, éfóo ndá tsǎŋ gie menò tepòŋ pʉ̀a mesoŋ la ńnéŋe wɔ́b wó, á fʉ̀’ gie mé la nyé ńgwɔ́ nà nò ndùŋ mvfò *kʉ̀a, ńkẅile wɔ́b. Á lêen ńké fó pú’u, pʉ̀a pie mé la tsɔ́’ɔ wɔ́b, é ku’u lékẅé shúm mbòŋo sie à la pÿé, é gwɔ́ sie é ge lá’a gwɔ́ pɔ́ wó.

Heber 9:28

áa ndʉŋ ndʉŋ pá’ à la gÿo Kristo lɔgɔ twó mbùm ye, ńnuŋe pwɔ́’ pɔ́ tà’ legʉ̀a, lélɔg ńzyɛ́b menò tepòŋ pʉ̀a tà ńgyɔ́ɔn. À ge gÿo gíŋe kẅɛɛ ná mbɔ́ɔntè yépʉ́a. Á le gíŋe ńtóo fʉ̀’ó lézyɛ́b menò tepòŋ pʉ̀a mesoŋ wɔ́. À tóo pú’u, légÿo pʉ̀a pie pɔ́ ne ńzẅí’te yé tsẅɛ́.

1 Piɛ 1:22

Pi ka lɔgɔ lézẅíŋe nò gie áa nénʉ́, ésɔg ntʉ́m gẅí. Légwɔ́ gie pi ge kwoŋ mefɛ́ pi pie pia pɔ̌ zába ntʉ́m nà Ssé, é kwoŋo wɔ́b tà shwóŋó nò. Pú’u la, pi gẅiin kwà’ nkwòŋe tsetsɛ̀ɛ pi, nyìŋ kwoŋo fɛ́ we lê ntʉ́m we ntsèm.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

Jẅide 1:21

Pi gÿo e Ssé ké ńne ńkẅi’i ńkwoŋo gẅi kwoŋ, ńne ńzẅí’te ngie Cʉ̀apʉ̀a wege Yěsô Kristo ge gÿo gÿo pi gẅiin le gwɔ́ tèmì, á nue à tsɔ́ɔn mezìŋe mí.