Heber 5:2 - Nouveau Testament en Ngienboum

² Pá’ yé nùŋe pwɔ́’ giŋé ńkʉ́a yé kʉ́a nà meshÿó ntsèm la, ńgwɔ́ á jú’u mmó gie á gÿo tá pʉ̀a pie pɔ́ té ne ńzsé mmó gie pɔ́ gÿo yɛ̌ wɔ́, mbɔɔ pʉ̀a pie é fʉa mánzsè, éfʉa nò mbwo Ssé.

Heber 5:2 ပူးပေါင်းရင်းမြစ်များ

Lukase 22:32

Tá’, mèŋ n ně sẅíŋte Ssé nà twó ɔ́, légwɔ́ gie ɔ̀ tè pú kʉ́a kʉ́a nà lezǎb ntʉ́m ná mèŋ wɔ́. Ɔ̀ gÿo ńgwɔ́ tà ḿbiŋe nzèm mèŋ, ɔ̀ ne ńnéŋe ntʉ́m mefɛ́ pú.

2 Korento 11:30

Á gwé’e ne ńzɛ́te ngie mé ka’te, mbà ńgwɔ́ ńdɔg pɔ́ pá’ m bÿɛ́ pÿɛ̌ ńka’te.

2 Korento 12:5

ńgwɔ́ n dɔgɔ nyìŋ áwɛ̌ ńka’te. Tá ńgʉa nà lelɔgɔ twó mbùm yɔ́ɔn ńka’te, mbà ńgwɔ́ n gwɔ lɔg ka’te, éfó pɔ́ ná pá’ mèŋ m bÿɛ́ pÿɛ̌.

Galatia 4:13

Pi kímte ngie ammó gie á là gÿo n tsẅi nkʉ̀ mbòŋo mbwo pi à mvɔ́g mvfò fʉ̀’ gie n da tóo mbʉ̀a pi á laa pá’ n da ne ńguɔ.

Efeso 4:18

Menkwaŋá mɔ́b gwɔ́ pɔ́ me tsɛ̀ɛ nzěm. Pɔ́ gʉa nà leńnéŋe we sẅé gẅie Ssé ne náa, ńgwɔ́ pɔ́ megʉ̀, ńtí nue pɔ́ té mánzsè Ssé zsé. Mbà ntʉ́m wɔ́b léen shÿɔg.

1 Timote 1:13

Tà mbɔɔ pá’ á laa tsɔ́ fʉ̀’, mèŋ shwóŋó ná yé té poŋ, ńtsɔ́’ɔ kwò pʉ̀a pé té poŋ, ńzoonte yé. E Ssé la tsɔ́ɔn mezìŋe mɔ́ɔn, mélà’mie n dɔ̌ɔn ńgÿo té zsé mmó gie mèŋ n gÿo yɛ̌, mbà mèŋ n kaa záb ntʉ́m ná yé wɔ́.

Heber 12:13

Pi giŋe ná mánzsè gẅie à tyé ndʉŋ ndʉŋ, légwɔ́ gie lejÿɔgɔ́ kwò nyìŋ gẅie à ne ńnyí’i té mege pwɔ́’ɔ wɔ́, tà ńcʉ́’ pú’u, ésẅéte sẅeté.

Heber 2:17

Á laa pú’u, ńne ńzɛ́te ngie à gʉa nà kɔ̀ɔkɔ́ɔ ḿbú ńgwɔ́ yé pɔ́ pá’ mefɛ́ pé, à cʉa pú’u, à gwɔ́ *nùŋe pwɔ́’ we lÿò gẅie à neŋé ńtsɔ́ɔn mezìŋe pʉ̀a, ńzsé yé pɔ́ ndà’ léfa’a mbwo Ssé, légwɔ́ gie à ge gÿo e Ssé lege mefʉa pʉ̀a mesoŋ.

Heber 2:18

Á zɔɔn fó ná pá’ Yěsô lê twó yé la gyá ngɔ́’, nkwà’te gíŋe ńkúu yé, á ku’u lékẅéte pʉ̀a pie nkwà’te ne ńkúu wɔ́b yɔ́b.

Heber 4:15

À wege *nùŋe pwɔ́’ we lÿò ŋwɛ́ zɔɔn ḿbú ńzsé ntí gie menò gyá wégè pú’u, menò la gyá yé, nkwà’te mentí mentí kúu yé yé pá’ pege, tá á ké ńdá’ tè tsɔ́ nò fʉa.

Heber 7:28

*Lepʉ̌ Mǒsê zɔɔn ńgÿo mé lɔgɔ nyìŋ mesoŋ gẅie à kʉ́a kʉ̌a pá’ petsɔ́ ńgÿo *nùŋe pwɔ́’ we lÿò. Tá anò gie e Ssé la záb *lepʉ̌ Mǒsê ḿbiŋ tâ ńgɔɔn tà ńkʉa, á la gÿo á lɔgɔ Míŋ we gẅie à léen ńdá’ ńku’u nà kɔ̀ɔkɔ́ɔ gie yé Ssé la ne ńzẅí’te yé mǒ, ńdɔg gÿo *nùŋe pwɔ́’ we lÿò ná ngù’ nkɔ́ɔn nê nkɔ̌ɔn.

Heber 9:7

Tá ńgʉa ná lûm we tsoló, *anùŋe pwɔ́’ we lÿò gílé yé zɔ̌ kúu jʉ’ó tà’ legʉ̀a ná ngù’u lá’, ńké těen ńkúu jʉ’ó té gẅiin metse mie à lɔgɔ ńtóo mvfò Ssé ńnyɛɛ ńtí menò tepòŋ mé yé, mbɔɔ me petsɔ́ pʉ̀a wɔ́.

Ŋwà’ne Jâg 5:19

Mefɛ́ pɔ́ɔn, nyìŋ gẅi lɔɔn fʉa mánzsè, ńnyé nò gie áa nénʉ́, mé piŋ ńtÿɔ́gte yé, tà á piŋ nzèm,

1 Piɛ 2:25

Á gwɔ́ ngie pi laa tsɔ́ fʉ̀’ ńgwáa ḿbúu pá’ *menjʉ̀njÿò mie é fʉ̌a mánzsè. Tá’ pi kéen ńké ḿbiŋ nzèm, ńcʉ́me nzèm nyìŋ gẅie à ne ńdíe gẅí, yé zɔ̌ ne ḿbyɛ́bɛ gẅí.