Heber 5:1 - Nouveau Testament en Ngienboum

¹ Mé zɔɔn ńgʉa pɔ́ tsetsɛ̀ɛ pʉ̀a mesoŋ ńtsɔ́’ɔ *nùŋe pwɔ́’ we lÿò pɔ́ légwɔ́ gie à ge fa’a mbwo Ssé, á nà twó pʉ̀a mesoŋ. À yé fà’ gwɔ́ lélɔg shúm ńtóo mvfò Ssé ńnyɛɛ yé mbɔɔ lénuŋe pwɔ́’ ńdɔg sẅíŋte yé ngie à lege menò tepòŋ pʉ̀a mesoŋ.

Heber 5:1 ပူးပေါင်းရင်းမြစ်များ

Roma 15:17

Mèŋ n dɔg pá’ n da nnɛ́ ná Yěsô Kristo, ńku’u lélɔgɔ fa’a Ssé gie mèŋ n ne fa’a ńka’te.

1 Korento 15:3

N da cʉ́me nò gie mé la cʉ́me pɔ́ mbwo mèŋ á mbwo pi, á gwɔ́ ná nkʉ̀ mbòŋo ńgwɔ́ kwòŋ. Yɛ̌ nò gwɔ́ ngie: Kristo la kwé nà menò tepòŋ mégè, á gwɔ́ pá’ ŋwà’ne Ssé la tʉ́ njÿó ńgɔɔn.

Heber 10:11

Á gʉa ná nùŋe pwɔ́’ we nzẅìŋe *kʉ̀a, mbà à gwɔ́ lyɛ̌’ ntsèm, ńtyé pɔ́ ncwò fà’ ye, ńké ńnuŋe pɔ́ tà’ ntí pwɔ́’ gie e lɔɔn ńgwɔ́ é le lá’a tsɔ́ lyɛ̌’ ńku’u léfóo ná nyìŋ ńzyɛ́b menò tepòŋ mé wɔ́.

Heber 10:12

Tá á ké ńgʉa ná Kristo, mbà à la nuŋe pwɔ́’ ńtí menò tepòŋ pʉ̀a mesoŋ, á tà’ legʉ̀a á ku’ pɔ́ ndà’ ndà’. Á gʉa sẅɛ́’ ńnéŋe nà gwǒŋo pwó Ssé ye tʉ̀.

Heber 11:4

Á la fó pɔ́ ná pá’ Abe la záb ntʉ́m wé nà Ssé, tá á nuŋe wé pwɔ́’ é poŋo mbwo Ssé ńcʉa we Kain. Á la fó pɔ́ mǒ, e Ssé líe yé tà ngie, aa ndʉŋ ndʉŋ mvfò yé, mbà à la cʉ́’ʉ lényɛ, ńzẅíŋe mmó gie Abe lɔ̌g ńtóo mvfò yé. Á la fó pɔ́ ná pá’ Abe la záb ntʉ́m wé nà Ssé, à nyé lyɛ̌’ɔɔn ńgɔɔn nò mbwo pege gɔɔn, tá mbà à léen ńkwé.

Heber 2:17

Á laa pú’u, ńne ńzɛ́te ngie à gʉa nà kɔ̀ɔkɔ́ɔ ḿbú ńgwɔ́ yé pɔ́ pá’ mefɛ́ pé, à cʉa pú’u, à gwɔ́ *nùŋe pwɔ́’ we lÿò gẅie à neŋé ńtsɔ́ɔn mezìŋe pʉ̀a, ńzsé yé pɔ́ ndà’ léfa’a mbwo Ssé, légwɔ́ gie à ge gÿo e Ssé lege mefʉa pʉ̀a mesoŋ.

Heber 7:27

À tè pá’ petsɔ́ pànuŋe pwɔ́’ pe melÿò pie pɔ́ la gẅiin lénuŋe pwɔ́’ lyɛ̌’ ntsèm wɔ́. Pɔ́ lɔ́ɔn ḿvɔgɔ ńnuŋe pwɔ́’ ná mɔ́b menò tepòŋ, tá ḿbiŋe ńnuŋe pwɔ́’ ná menò tepòŋ petsɔ́ pʉ̀a. À la nuŋe wé pwɔ́’ pɔ́ tà’ legʉ̀a, á gwɔ́ pá’ à la náa twó mbùm yé nà tÿǒ nkǐ, á ku’ pú’u.

Heber 8:3

Mé zɔɔn ńzába *nùŋe pwɔ́’ we lÿò pɔ́ légwɔ́ gie à ge lɔg shúm tóo mvfò Ssé nyɛɛ yé mbɔɔ pá’ à ge nùŋe pwɔ́’ mvfò Ssé. Áa mmó gie á gÿo á ne ńzɛ́te ngie wege *nùŋe pwɔ́’ we lÿò à gíŋe ńgẅiin yé mmó gie à ge náa mbwo Ssé.

Heber 8:4

Kristo la gwé’e ńgwɔ́ ndùmo ssé tsetsá’, mbà à zɔɔn fó tè nùŋe pwɔ́’ wɔ́, á nue pànuŋe pwɔ́’ ná pá’ *lepʉ̌ Mǒsê ne ńzɛ́te, é léen ńdá’ ńgwɔ́ wó.

Heber 9:9

Áa mbwo pege ná fʉ̀’ɔɔn ńgwɔ́ liŋé gie mé lɔgɔ ńnyɛɛ wégè nò. Yɛ̌ nò gwɔ́ ngie: Ammó gie mé náa mbwo Ssé lâ pwɔ́’ gẅie mé nuŋe mvfò yé, ńgwɔ́ é le gÿo tà ntʉ́m nyìŋ gẅie à gu’te Ssé ná yɛ̌ ntí, é nyé té ké ne ńŋaga yé ŋag wɔ́.