Heber 4:9 - Nouveau Testament en Ngienboum

⁹ Á lɔgɔ pú’u, ńgɔɔn ngie: Asẅétè gie e Ssé la fa’ mefà’ mé tà ńgẅiin nà lyɛ’ɛ́ lá’ mbɔ́ɔntè sɔɔn mbʉ́a, gíŋe ńtyé tyé ńne ńzẅí’te pʉ̀a Ssé.

Heber 4:9 ပူးပေါင်းရင်းမြစ်များ

Matio 1:21

À ge táa zyé múɔ mbàŋa, ɔ̀ tsẅi lezíŋ sé lê Yěsô, ńdɔgɔ ńgɔɔn ngie: Ssé ge gÿo mé tsẅɛ́, é tóŋo yé pú’u, mélà’mie yé zɔ ge gÿo pʉ̀a lá’ pɔ́b tsẅɛ́ ndòon menò tepòŋ mɔ́b

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Heber 11:25

À la gyá yé, á gwɔ́ mbòŋ mbwo yé lékúu nùɔ pʉ̀a Ssé pâ pɔ̌ púte ńgyá ngɔ́’, ńtɔ́gɔ yé lé jú’ mboŋó ná mûɔ méfʉ̀’ tá ńké ńgwɔ́ tsɛ̀ɛ mefʉa.

Heber 3:11

Áa mmó gie á la gÿo n dɔgɔ lóŋ ńkʉa ngie: Pɔ́ téen ńdá’a ńkúu tsɛ̀ɛ sẅétè gie n da ka’a mbwo pɔ́b wɔ́.

Heber 4:1

Tá’ le gwɔ́ gẅie e Ssé la ka’a sẅétè gie ńgwɔ́ pʉ̀a kúu tsoló à nyě pɔ́ wó. Pá’ wɛ̌ nkʉ̀ gíŋe ńgwɔ́ wégè la, pi pɔ́ɔn pá’ à lɔɔn ńgwɔ́ tsɔ̌ tà’ nyìŋ tsetsɛ̀ɛ pi lá’ le tsoló kú.

Heber 4:10

Á nue nyìŋ gẅie à kǔ tsɛ̀ɛ sẅétè gie e Ssé la nyɛte ńtí yé, à giŋé ńzẅɛte yé nà mefà’ mé pá’ e Ssé la fa’ mé yé tà ńzẅɛte

Heber 4:3

Á gʉa ná pege pie pege ka jǔ’ tà ńzáb ntʉ́m mǒ, pege ge gÿo kúu tsɛ̀ɛ yɛ̌ sẅétè. Á gwɔ́ yɛ̌ ŋwɛ́ gie e Ssé la gɔɔn nò mǒ, á ná pá’ à la gɔɔn ngie: Mèŋ n ně ńdɔgɔ lóŋ ńkʉa ngie: Pɔ́ téen ńdá’a ńkúu tsɛ̀ɛ sẅétè gie n da nyɛte ńtí wɔ́b gwɔ́. E Ssé la gwaa gɔɔn pá’ɔɔn, mbà à la lá’ fa’ mefà’ mé á fʉ̀’ gie à la nyɛte njÿó tà é mag.

Heber 4:8

Á zɔɔn ńgwe’e ńgwɔ́ gie Yeshua la lɔg pʉ̀a ńgʉa tà pɔ́ kúu tsɛ̀ɛ yɛ̌ sẅétè, mbà à lɔɔn ńgwɔ́ e Ssé le gíŋe ńkíme tsɔ́ lyɛ’ɛ́ ndyɛ̀’ɛ wɔ́.

1 Piɛ 2:10

Pi pie pi laa tsɔ́ fʉ̀’, pi tè pʉ̀a Ssé wɔ́, pi kéen ńcʉ́’ pʉ̀a pé. Pi pie pi la tè tsɔ́ɔn mezìŋe Ssé zsé e Ssé kéen ńtsɔ́ɔn mezìŋe mí.

Ŋwà’ne Ngyà jʉ’ 14:13

N jú’ tsɔ̌ ngyè nyìŋ fóo tÿǒ lepwó ńgɔɔn ngie: Ŋwe’e ngie: Á ge fó fʉ̀’ɔɔn, pà shÿó mbòŋo gwɔ́ pʉ̀a pie pɔ́ ge gwɔ kwé, é kwé ncwò fà’ Cʉ̀apʉ̀a: A Zẅìge ndʉalʉ̌a zẅíŋ ngie áa nò, pɛ̌ pʉ̀a ge gʉa zẅɛte ná mefà’ lÿò mɔ́b. Á nue pɔ́ ge lɔgɔ Píte mefà’ mɔ́b é gʉa.

Ŋwà’ne Ngyà jʉ’ 21:4

À ge gÿo tsí’i ntse nÿɔ́g mɔ́b ntsèm. Legwé tè gÿo gíŋe gwɔ́ wó wɔ́. Mé le gíŋe ńdʉa legwé wɔ́. Mé le gíŋe ńga’te wɔ́. Mé le gíŋe ńgyá ngɔ́’ wɔ́. Á nue ngwòŋ we nzẅìŋ kéen ḿmag.