Heber 4:2 - Nouveau Testament en Ngienboum

² Pege ka zɔɔn ńgíŋe ńjú’ yégè nkʉ̀ mbòŋo ŋwɛ́ pɔ́ pá’ pʉ̀a pie pɔ́ laa nkwòŋo tsẅɛ la jú’ yɔ́b. Tá pɔ́ la ké ńjú’ yɔ́b é té wɔ́b kẅétè, á nue pɔ́ la tè záb ntʉ́m wɔ́b mǒ wɔ̌.

Heber 4:2 ပူးပေါင်းရင်းမြစ်များ

Megàŋ ntúm 13:46

Pɔl pɔ́ Panebâse lêen ńké shʉ̀ashʉ̀a ńgɔɔn né pɔ́b ngie: Peg kě ńzɔɔn ńgẅiin lévɔg shwóŋó nò Ssé pɔ́ mbwo pi pà Yuda. Pá’ pi kě ńdʉ’ lʉ’, ńnyɛ ngie pi kaa ku’ pá’ ńgwɔ́ pi gẅiin le gwɔ́ tèmì wɔ́ lá, peg ge sele nnɛ́ é gʉa fa’ pʉ̀a pie é té pà Yuda wɔ́,

Megàŋ ntúm 3:26

Áa yɛ̌ tá Ssé la gwaa tsɔ́’ɔ ngàŋa fà’ wé é túm, ńzɔɔn ntíi pɔ́ twó sí, ńtúmo yé ngie à tó ńnéŋ mbʉ́lè nà pi, ńgÿo awɔ̌wɔɔ tsetsɛ̀ɛ pi wɔ́ gwá’ mefà’ tepòŋ.

Roma 2:25

Áa nénʉ́ ngie ɔ̀ lɔɔn ńgiŋe ná pá’ *lepʉ̌ ne ńzɛ́te, mbà le gwɔ́ gẅie mé la pú’u gú pá’ ɔ̀ ge gwɔ́ nyìŋ Ssé à ge kẅéte. Tá ńké té giŋe ná pá’ *lepʉ̌ ně ńzɛ́te wɔ́, mbà mé la tsɛ ḿbú’u gú tá’, ɔ̀ ge cʉ́’ gwɔ́ pɔ́ pá’ nyìŋ gẅie mé la tè yé pú’ la,

Roma 3:3

Á piŋ ńgʉa nà pá’ etsɔ́ pà Yuda la nyé yɛ̌ shwóŋè pé’è, á ge cʉa pú’u, e Ssé nyé menò mie à la ka’a mbwo pɔ́b keen?

1 Korento 13:3

À lɔɔn ńgwɔ́ mèŋ n gabte shúm sɔ́ɔn ntsèm ńnáa mbwo pʉ̀a pie nzyè ne ńgyáŋa wɔ́b, à lɔɔn ńgwɔ́ n zẅíŋ ngie mé túɔ wɔ̀ɔn, tá á gwaa gwɔ́ pú’u, n tè kwoŋo nyìŋ mesoŋ wɔ́, mbà á té kẅéte wɔ̀ɔn nà tsɔ́ mmó wɔ́.

Galatia 3:2

N ge zɛ́te gẅi tà’a nò, pi ka lɔg pɔ́ pá’ pi ka ne ńgÿo mmó gie *lepʉ̌ ne ńzɛ́te tá Ssé náa Zẅìge Ndʉalʉ̌a né pi keen? Kà pi ka lɔg pɔ́ pá’ pi jǔ’ Nkʉ̀ Mbòŋo ńzáb ntʉ́m mǒ tá Ssé ná né pi?

Galatia 3:8

Aŋwà’ne Ssé la zɔɔn ńtʉ́ njÿó ńnyɛ ngie: E Ssé ge lá’ fó ná pá’ pʉ̀a pie é té pà Yuda wɔ́, ge lá’ záb ntʉ́m ná yé à zẅíŋe wɔ́b pá’ pʉ̀a pie ée mvfò yé ńgwɔ́ ndʉŋ ndʉŋ. Áa yɛ̌ tá ŋwà’ne Ssé la tʉ́ njÿó ńtsẅi wɔɔn nkʉ̀ mbòŋo mbwo Ábalam ngie: E Ssé ge lá’ cʉa ná gù é néŋ mbʉ́lè nà melá’ ntsèm mie ée ndùmo ssé tsetsá’.

Galatia 4:13

Pi kímte ngie ammó gie á là gÿo n tsẅi nkʉ̀ mbòŋo mbwo pi à mvɔ́g mvfò fʉ̀’ gie n da tóo mbʉ̀a pi á laa pá’ n da ne ńguɔ.

1 Tesalonika 1:5

Á nue peg ka tè lɔg pɔ́ shwóŋè ndà’ ńtsẅi nkʉ̀ mbòŋo lá’ pi wɔ́, peg ka lɔg pɔ́ metʉ̀ Zẅìge Ndʉalʉ̌a, ḿbiŋ ne ńcwoŋo ńzsé ngie Nkʉ̀ gẅie peg kɔ̌ɔn ńtsẅii kaa nénʉ́, pi ne ńzsé mmó gie peg la gÿo fʉ̀’ gie peg laa tsetsɛ̀ɛ pi, á la gwɔ́ pɔ́ lélɔg ńkẅéte gẅí.

1 Tesalonika 2:13

Atsɔ́ mmó gie á gÿo peg sie Ssé fʉ̀’ ntsèm, áa nue peg la shwóŋó nò Ssé mbwo pi, pi jú’, ńzẅíŋ ngie áa shwóŋè Ssé, ńgie á té shwóŋè nyìŋ mesoŋ wɔ́. Á ne fa’a tsɛ̀ɛ ntʉ́m gẅí, pi pie pi ka záb ntʉm gẅi ná Yěso.

1 Timote 4:8

Nyìŋ lɔɔn ńkÿo ndʉ̌, mbà é ge kẅéte ndà’ mbùm ye. Tá legÿo mmó gie á poŋ Ssé, á kẅéte nà shúm ntsèm. Pege fó mǒ ńzsé ngie pege ge gwɔ́ wó nà fʉ̀’ɔɔn tà mbɔɔ ná fʉ̀’ gie á ge gÿo tá tó.

Heber 11:6

Mé lɔgɔ ńgyá ngie nyìŋ lɔɔn tè záb ntʉ́m nà Ssé wɔ́, mbà shÿó pá’ ńgwɔ́ nò yé poŋ Ssé té wó wɔ́. Nyìŋ lɔɔn ńne sẅɛ’te nnɛ́ nê lejʉ́ŋ Ssé á gẅiin lé zɔɔn ḿvɔg ńzẅíŋ ngie e Ssé ee wó, ḿbiŋ ńne ńtsɔ́’ɔ fà’a pʉ̀a pie pɔ́ ne fa’a yé.

Heber 3:12

Pú’u la, mbà mefɛ́ pɔ́ɔn, pi laga twó gí, tà ntʉ́m tsɔ̌ nyìŋ gẅi é le tiŋ ndʉ̀’ á fó ná Ssé gẅie aa ńgwɔ́ pɔ́ wó ńzyɛ́b ntʉ́m wé wɔ́.

Heber 4:6

E Ssé la záb ngie etsɔ́ pʉ̀a ge gÿo kúu tsoló, tá mevɔ́g mvfò pʉ̀a le jú’ nkʉ̀ mbòŋo la piŋ ńké tè tsoló kú, ńtí nue pɔ́ la jú’ pɔ́ té zẅíŋ.

Ŋwà’ne Jâg 1:21

Pú’u la, pi gwá’ menò ncÿǒ ntsèm, ńgwá’a mà gẅie à fóo nà lecÿɔ́g cÿɔ́g. Pi nuŋe ssé mvfò Ssé, ńzẅíŋe shwóŋè gie á ka pye tsɛ̀ɛ ntʉ́m pi. Á nue à ku’u légÿo pi tsẅɛ́.

1 Piɛ 1:12

E Ssé la gÿo pɔ́ zsé ngie anò gie pɔ́ lɔ́ɔn ńtsẅii, lɔ́ɔn těen ńge gÿo gÿo ná yɔ́b fʉ̀’ wɔ́, á lɔ́ɔn ńge gÿo gÿo pɔ́ nà gí fʉ̀’. Áa yɛ̌ nò ŋwɛ́ gie pi ee fʉ̀’ɔɔn ńne ńzsé, á fó pɔ́ nà nò gie pà Ntsẅì Nkʉ̀ mbòŋo ne ńgɔɔn, ńgwɔ gɔɔn, ńdɔgɔ pɔ́ metʉ̀ Zẅìge Ndʉalʉ̌a gie Ssé ka fǒ tÿǒ lepwó ńtúm. *Mecÿɔ́’ Ssé ne ńdʉa ńtsɔ́ɔn lézsé yɛ̌ nò.