Heber 4:1 - Nouveau Testament en Ngienboum

¹ Tá’ le gwɔ́ gẅie e Ssé la ka’a sẅétè gie ńgwɔ́ pʉ̀a kúu tsoló à nyě pɔ́ wó. Pá’ wɛ̌ nkʉ̀ gíŋe ńgwɔ́ wégè la, pi pɔ́ɔn pá’ à lɔɔn ńgwɔ́ tsɔ̌ tà’ nyìŋ tsetsɛ̀ɛ pi lá’ le tsoló kú.

Heber 4:1 ပူးပေါင်းရင်းမြစ်များ

Matio 24:48

Tá’ ńké ńgwɔ́ gie à lɔɔn ńgwɔ́ ngàŋa fà’ we tepòŋ, ńgɔɔn lóŋ yé ngie: Tá fà’ wɔ̀ɔn tè lwo tó wɔ́,

Megàŋ ntúm 3:19

Pú’u lá, pi ké ńkúbe mà gẅi, ḿbiŋe mbwo Ssé. À lege menò tepòŋ mí.

Roma 11:20

Oon mé la ké ńkɔ́’ɔ wɔ́b ńgwá’, á gwɔ́, mélà’mie pɔ́ kaa záb ntʉ́m ná Kristo wɔ́. Ɔ̀ piŋ ńgwɔ́ jʉ’ó, mélà’mie ɔ̀ zǎb ntʉ́m ná Kristo, tá’ tè ké ńŋá’te, tà ńcʉ́’ pú’u, ɔ̀ lag pɔ́ twó jú.

Roma 3:23

á nue pɔ́b metsèm la zɔɔn ḿbú ńgÿo menò tepòŋ tà sɔ́ɔn legú’ gẅie aa lejʉ́ŋ Ssé.

1 Korento 10:12

Pege fǒ ná yɔɔn nò ńjú’ ngie lenyě ńgee ge ńzɔb, à tè poŋ

2 Korento 6:1

Pá’ pega Ssé zɔ puté ne fa’a la, peg ne ńkẅiŋte gẅi ngie tà pi gÿo ná ntí gie, légwɔ́ gie é Ssé tsɔ̌ɔn gẅí, ńcÿó gʉm gí, à ge cʉa sẅɛ̀ɛ.

Galatia 5:4

Pi pie pi ne fa’a légÿo shúm sie *lepʉ̌ ŋwɛ́ ne ńzɛ́te tá lɔg ku’ pʉ̀a pie ée mvfò Ssé ńgwɔ́ ndʉŋ ndʉŋ, pi ee pɛ́’ɛ̀ ńdɔgɔ ńgwɔ́ pʉ̀a pie pi fǎg nnɛ́ ná Kristo. Á gwɔ́ pú’u pi lɔgɔ sɔ́ɔn nò gie e Ssé kɔ’ɔ́ lɔg cÿó gʉm gí cÿó.

2 Timote 2:13

Á lɔɔn ńgwɔ́ gie pege neŋé ḿmoŋo yé, mbà à ké tè wégè moŋe Á nue à lɔɔn ńgwɔ́ á le gÿo mmó té gwɔ́ gie áa nà we mà wɔ́

Heber 12:15

Pi pɔ́ɔn pá’ à lɔɔn ńgwɔ́ nyìŋ tém nzèm Ssé gẅie à ne ńdɔgɔ lékwoŋo wégè ńcÿó gʉm yégè, ḿbɔ́ɔn nyìŋ gẅi lésele, tà ngÿǒ menò mé cʉ́’ lelaŋ tepòŋ, mbà à ge nɔ́g petsɔ́ pʉ̀a tsɛ̀ɛ cú’tè gí, pʉ̀a tà ńgyɔ́ɔn gÿo pá’ ye.

Heber 12:25

Pú’u la, pi pɔ́ɔn le lʉ’ʉ lézẅí’te nò gie á kẅɛɛ ncwò nyìŋ gẅie à ne ńgɔɔn nò mbwo pi, á nue á lɔɔn ńgwɔ́ gie mé la néŋ ntsaŋ twó pʉ̀a pie pɔ́ la lʉ’ʉ lé jú’u nò gie Mǒsê laa ndùmo ssé tsetsá’ ńne ńkága tuŋó yɔ́b mǒ, mbà pege lɔɔn ńtém nzèm Ssé gẅie aa tÿǒ lepwó, ńne shwóŋó wégè nò, mbà á ge gǎ tá pege e le kú pɔ́ ngɔ́’ gie e tɔ́g yɛ̌ wɔ́.

Heber 13:7

Pi kímte pʉ̀a pie pɔ́ la vɔgɔ létsyeen gẅi ná mánzsè Ssé, é pʉ̀a pie pɔ́ la shwóŋó gẅi nò Ssé, ńkímte ntí gie pɔ́ la lɔg ńnéŋe tà ńdá’ ńkwé, pi pí fʉ̀’ nà yɔb ntí lezǎb ntʉ́m nà Ssé.

Heber 3:11

Áa mmó gie á la gÿo n dɔgɔ lóŋ ńkʉa ngie: Pɔ́ téen ńdá’a ńkúu tsɛ̀ɛ sẅétè gie n da ka’a mbwo pɔ́b wɔ́.

Heber 4:11

Pú’u la, pege kag tʉ̀, ńkúu tsɛ̀ɛ yɛ̌ sẅétè, pege gÿo nà ntí gie à tsɔ̌ tà’ nyìŋ ná pege à tě ge tʉʉ twó pá’ metá pégè, ésɔ́ɔn wɔ́.

Heber 4:9

Á lɔgɔ pú’u, ńgɔɔn ngie: Asẅétè gie e Ssé la fa’ mefà’ mé tà ńgẅiin nà lyɛ’ɛ́ lá’ mbɔ́ɔntè sɔɔn mbʉ́a, gíŋe ńtyé tyé ńne ńzẅí’te pʉ̀a Ssé.