Heber 2:5 - Nouveau Testament en Ngienboum

⁵ E Ssé la zɔɔn tè gÿo ngie mecÿɔ́’ pé gẅiin nò ná lesǎ’ ngwòŋ gẅie é ne ńtóo wɔ́, é ngwòŋ gẅie pege ne ńgɔɔn nò mǒ.

Heber 2:5 ပူးပေါင်းရင်းမြစ်များ

Matio 24:14

Mé ge lá’ tsẅi wɔɔn nkʉ̀ mbòŋo we nò *lefùɔ Ssé á nzɔ̌ nzɔ̌ ndùmo ssé tsetsá’, légwɔ́ gie melá’ melá’ ntsèm ge jú’, njÿó leen ńké ḿmag.

Heber 13:14

Á nue à tÿǒsoŋ yégè ye ndùmo ssé tsetsá’ jʉ’ɔɔn á té gie á ge lá’a gwɔ́ pɔ́ wó wɔ́, tá peg ké ńně fa’a gie á ge gÿo tá tó.

2 Piɛ 3:13

Tá’ e Ssé la pÿé lefaŋ se sẅé, ḿbÿé tsetsá’ ye sẅé, á jʉ’ gie mé ge lá’ gwɔ́ wó é gÿo pɔ́ mmó gie áa ndʉŋ ndʉŋ mvfò yé. Áa mmó gie pege neŋé ne ńzẅí’te.

Ŋwà’ne Ngyà jʉ’ 11:15

*Cÿɔ́’ Ssé mbɔ́ɔntè sɔɔn mbʉ́a tóŋ wé ntaŋ. Mé jú’ *Mecÿɔ́’ Ssé gwɔ́ tÿǒ lepwó ńdɔgɔ ngyè tetʉ́ʉ ńgɔɔn ngie: Lesǎ’ njÿó cʉ̌’ ńgwɔ́ pɔ́ nà mbwo Cʉ̀apʉ̀a wege mbɔɔ ná mbwo *Nzà’nkÿo gẅie à la tsɔ́’. Wɛ̌ lésá’ ge lá’ gwɔ́ nà ngù’ nkɔ́ɔn nê nkɔ̌ɔn.