Heber 2:3 - Nouveau Testament en Ngienboum

³ Pá’ á laa pú’u la, pege lɔɔn ńgwágte nò ná máamáa nò gẅie aa pá’ e Ssé la gÿo pege tsẅɛ́, e Ssé gǎ tà ńnyé wégè? Cʉ̀apʉ̀a Yěsô lê twó yé la vɔg ńzye létsẅii yɛ̌ nò. Epʉ̀a pie pɔ́ la jú’u ncwò yé, gÿo ńkwa’ shwóŋó wégè ngie aa kwà’ máamáa nò.

Heber 2:3 ပူးပေါင်းရင်းမြစ်များ

Matio 23:33

Pi ee ngẅɛ̀ mennú, ńgwɔ pà másèm nnú, ńgwɔ́ pí gǎ ńdá’ ńtsó té kúu tsɛ̀ɛ mmɔ̌g?

Matio 4:17

Yěsô gwɔ́ Kapernawúm pú’u, ńzye léshwóŋó nò Ssé, ńně ńgɔɔn ngie: Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte

Malékuse 1:14

Mé la gwɔ́ tà ńgwoon Jâŋ ńnéŋe ndá tsǎŋ, Yěsô gʉa nê Galilea. À lɔ̌ɔn ńtsẅii nkʉ̀ mbòŋo gẅie é fóo mbwo Ssé ńgɔɔn ngie:

Lukase 1:2

ńŋwe’e kwà’ pá’ pʉ̀a pie pɔ́ la gyá pá’ nò yɔɔn zyete, ḿbiŋ ńgyá pá’ á giŋe pú’u.

Lukase 1:69

À tumó *Nzà’nkÿo we lÿò né pege. À kẅɛɛ nà ngẅɛ̀ nda ngàŋa fà’ wé, fùɔ Ndavid,

Lukase 24:19

Á zɛ́te wɔ́b ngie akɔ́ kà gÿo? Pɔ́ gɔɔn ngie, peg kě ḿmɔɔn pɔ́ menò mie é kà gÿo Yěsô nyìŋ Nǎzarɛd. À kaa kwà’ *ntsẅì nkʉ̀ Ssé we lÿò, á nà mefà’ mé, mbɔɔ nà shwóŋè yé á mvfò Ssé mbɔɔ mvfò pʉ̀a mesoŋ.

Ŋwà’ne Jâŋ 15:27

Pi gí gíŋe ńgwaa shwóŋó nò gie pi zsé ná mèŋ, à gwɔ́ pɔ́ pá’ pege zɔ gwɔ́ tà fó nzyetě.

Megàŋ ntúm 2:22

Piɛ gíŋe ńgɔɔn ngie: Pà Israel, pi teŋe tuŋo gí ńjú’u nò yɔɔn gie mèŋ n gee gɔɔn lɔɔn. Yěsô múɔ Nǎzarɛd, aa pá’a ńgwɔ́ nyìŋ gẅie Ssé ka kwà’ ńnyɛɛ mbwo pi ngie yé zɔ ka tumo yé. À ka lɔg pá’ à ka cʉa na yé ńgÿo menò mmɔɔn mmɔɔn, ńgÿo ndaa gyá, ńgíŋ ńnyɛɛ gẅi meliŋé menò ntí ntí. Tà pi cwoŋo ne ńzsé.

Megàŋ ntúm 4:12

Epʉ̀a ké ńgẅiin lécʉa pɔ́ ná Yěsô tá ńtsẅɛ, á nue atsɔ̌ nyìŋ ndyɛ̀’ɛ tè tsɛ̀ɛ yɔɔn njÿó ńgwɔ́ gẅie e Ssé la zába yé légwɔ́ gie pege ge cʉa nà yé tsẅɛ wɔ.

Roma 11:14

Méŋ n ké ńgwɔ́ ne fa’a tsetsɛ̀ɛ pi, ńne ńtsɔ́ɔn ngie mefɛ́ pɔ́ɔn pà Yuda gyá mefà’ Ssé ná pi lóŋ wɔb kwɔ́’, ńzsé ngie n ge gÿo e Ssé fó mǒ ńgÿo etsɔ́ ntá’ tsetsɛ̀ɛ pɔ́b tsẅɛ́.

Roma 2:3

Gù gẅie ɔ̀ túu *melɔ̌’ pʉ̀a pie pɔ́ gÿo yɛ̌ ntí menò, ḿbiŋe ne ńgÿo jù pɔ́ pá’ pɔ́b, ɔ̀ kwǎŋ ngie ɔ̀ ge gǎ tá tsẅɛ́ tà Ssé lénéŋ ngʉ̀ngʉ̀ twó gù wɔ́?

1 Korento 1:21

Áa pú’u, pá’ɔɔn á nue pʉ̀a mesoŋ la tè lɔgɔ yɔ́b zse nò, ńzsé Ssé wɔ́, tà mbɔɔ pá’ e Ssé ne shʉ̀ashʉ̀a ńnyɛɛ zsé nò yé. Áa mmó gie á la gÿo e Ssé záb ngie à ge gÿo pʉ̀a pie pɔ́ zǎb ntʉ́m ná ye tsẅɛ́, éfó ná yɔɔn nò gie pege ne ńgɔɔn, epʉ̀a ne ńgyá ngie é gwɔ pɔ́ menò pʉ̀a lɔɔn.

1 Tesalonika 5:3

Pʉ̀a mesoŋ ge lá’ gwɔ́ tà ne gɔɔn ngie: Mbʉ́lè ee tsɛ̀ɛ lá’, pɔ́ té gíŋ ne ńcÿɔ’ɔ wɔ́, tá máamáa ngɔ́’ lêen ńké ńtóo ná pɔ́b pá’ múɔ neŋé tà ńgwoon mánzwě shwòŋ la. Atsɔ̌ wɔb á le lÿɔ́’te tà ńtsẅɛ́ wɔ́.

1 Timote 1:15

Yěsô Kristo la tóo tsɛ̀ɛ njÿó légÿo pʉ̀a tepòŋ tsẅɛ́, yɛ̌ nò áa jʉ’ó ńgwɔ́ pú’u, à lɔɔn ńgwɔ́ nyìŋ záb ntʉ́m wé mǒ ntsèm ntsèm. Mèŋ m biŋ ńgwɔ́ tsetsɛ̀ɛ pʉ̀a tepòŋ ńgwɔ́ ndúm.

Titus 2:11

Áa pá’ pʉ̀a Ssé gẅiin légÿo, á nue e Ssé la kwà’ nyɛɛ mbwo pʉ̀a ngie à kwoŋó wɔ́b, ńcÿó gʉm yɔ́b, tà ńgÿo légwɔ́ gie ńgwɔ́ pɔ́b métsèm tsẅɛ́.

Heber 1:1

Á laa tsɔ́ fʉ̀’, e Ssé gɔɔn nò mbwo pà mangʉa njʉ̀’ pégè, á nà mekwò tà ńgyɔ́ɔn, mbɔɔ ná mentí tà ńgyɔ́ɔn. Pú’u, ńcʉa ná pàntsẅì nkʉ̀ pé.

Heber 1:14

Anò *mecÿɔ́’ Ssé zɔɔn pá’a ńgwɔ́ kɔ́? Pɔ́ gwɔ́ pɔ́ mezẅìge mie é fa’a mbwo Ssé, á ne ńtúmo wɔ́b ngie pɔ́ gʉa fa’a fà’ gie á ge kẅéte pʉ̀a pie yé Ssé ge tâ gÿo pɔ́ tsẅɛ́.

Heber 1:2

Á kéen ńgwɔ́ nà yégè kème njÿó yɔɔn gie á cʉ́’ ńgwɔ́ pɔ́ ye lɔg ńzsote, á gɔɔn nò né pege, ńgwɔ gɔɔn, ńcʉa pɔ́ ná Míŋ we. Á gwɔ́ yé gẅie à la cʉa ná yé, ńnyɛte njÿó ntsèm, ḿbiŋ ńgíŋ ńzába yé pá’ kɔ̀ɔkɔ́ɔ ge lá’ gwɔ́ pɔ́ yé.

Heber 12:25

Pú’u la, pi pɔ́ɔn le lʉ’ʉ lézẅí’te nò gie á kẅɛɛ ncwò nyìŋ gẅie à ne ńgɔɔn nò mbwo pi, á nue á lɔɔn ńgwɔ́ gie mé la néŋ ntsaŋ twó pʉ̀a pie pɔ́ la lʉ’ʉ lé jú’u nò gie Mǒsê laa ndùmo ssé tsetsá’ ńne ńkága tuŋó yɔ́b mǒ, mbà pege lɔɔn ńtém nzèm Ssé gẅie aa tÿǒ lepwó, ńne shwóŋó wégè nò, mbà á ge gǎ tá pege e le kú pɔ́ ngɔ́’ gie e tɔ́g yɛ̌ wɔ́.

Heber 4:1

Tá’ le gwɔ́ gẅie e Ssé la ka’a sẅétè gie ńgwɔ́ pʉ̀a kúu tsoló à nyě pɔ́ wó. Pá’ wɛ̌ nkʉ̀ gíŋe ńgwɔ́ wégè la, pi pɔ́ɔn pá’ à lɔɔn ńgwɔ́ tsɔ̌ tà’ nyìŋ tsetsɛ̀ɛ pi lá’ le tsoló kú.

Heber 4:11

Pú’u la, pege kag tʉ̀, ńkúu tsɛ̀ɛ yɛ̌ sẅétè, pege gÿo nà ntí gie à tsɔ̌ tà’ nyìŋ ná pege à tě ge tʉʉ twó pá’ metá pégè, ésɔ́ɔn wɔ́.

Heber 5:9

ḿbiŋ ńjú’ tà ńku’u nyìŋ gẅie ńgwɔ́ á gÿo pʉ̀a pie é jú’u ncwò wé pú ńtsẅɛ́ ndà’ ndà’.

Heber 9:28

áa ndʉŋ ndʉŋ pá’ à la gÿo Kristo lɔgɔ twó mbùm ye, ńnuŋe pwɔ́’ pɔ́ tà’ legʉ̀a, lélɔg ńzyɛ́b menò tepòŋ pʉ̀a tà ńgyɔ́ɔn. À ge gÿo gíŋe kẅɛɛ ná mbɔ́ɔntè yépʉ́a. Á le gíŋe ńtóo fʉ̀’ó lézyɛ́b menò tepòŋ pʉ̀a mesoŋ wɔ́. À tóo pú’u, légÿo pʉ̀a pie pɔ́ ne ńzẅí’te yé tsẅɛ́.

1 Jâŋ 1:1

Peg ŋwe’e yɔɔn ŋwà’ne ńnáa né pi ńdɔgɔ shwóŋó gẅi nò ná shwóŋè gie á gÿo mé gwɔ́ wó, á gie aa ńgwɔ́ pɔ́ wó tà fó nzyète shúm ntsèm, peg la lɔg metuŋó még ńjú’, ńdɔg nÿɔ́g még ńgyá, ńnyɛte ńdíe ńdɔg mbwó még ńkíbe.

Jẅide 1:17

Tá á gʉa ná pi, mbà meshǔ pɔ́ɔn, pi kímte menò mie megàŋ ntúm Cʉ̀apʉ̀a wege Yěsô Kristo la tʉ́ʉ njÿó ńtsẅii mbwo pi.

Ŋwà’ne Ngyà jʉ’ 7:10

ńne ńdɔgɔ ngyè tetʉ́ʉ ńgɔɔn ngie: Nyìŋ létsẅɛ́ à fóo mbwo Ssé yege gẅie à ńnéŋe nà lʉŋe lefùɔ mbɔɔ mbwo Mûɔ *Njʉ̀njÿò.