Heber 2:2 - Nouveau Testament en Ngienboum

² pege ne ńzsé ngie, nò gie *mecÿɔ́’ Ssé la lɔg ńtó fʉ̀’e mvfò, á la tè méjʉ’ʉ nò wɔ́. Wɔ̌wɔ́ɔ gẅie à lɔ̌ɔn fʉa yɛ̌ nò, ńtʉʉ twó mǒ, e Ssé lɔ̌ɔn ńnéŋe ngʉ̀ngʉ̀ ná ye pɔ́ ná pá’ á ne ńzɛ́te.

Heber 2:2 ပူးပေါင်းရင်းမြစ်များ

Megàŋ ntúm 7:53

N gɔɔn pi pɛ̂ pie *cÿɔ́’ Ssé la lɔg mbʉ̌ Ssé ńtó ńnáa mbwo pi, pi ké tè mǒ giŋ.

Galatia 3:19

Ngwɔ́ nyìŋ jú’ ńzɛ́te ngie tà Ssé laa pá’ɔɔn ḿbiŋe ńzába *lepʉ̌ ńtí pɔ́ kɔ́ wɔ́? À lɔ̌ɔn ńzába pɔ́ lélɔg ńgÿo nyìŋ fʉa nò ńzsé ngie à fʉ̌a. Lepʉ̀ la fa’a yé fà’ tà ńdá’ ńkú fʉ̀’ gie nyìŋ Ábalam gẅie Ssé la ka’a mmó ngie áa ye ngàŋ la tó. Á gʉa ná sɛ̌ *lepʉ̌, mbà Ssé la túm mecÿɔ́’ pé, pɔ́ náa mbwo mámekěm.

Heber 1:1

Á laa tsɔ́ fʉ̀’, e Ssé gɔɔn nò mbwo pà mangʉa njʉ̀’ pégè, á nà mekwò tà ńgyɔ́ɔn, mbɔɔ ná mentí tà ńgyɔ́ɔn. Pú’u, ńcʉa ná pàntsẅì nkʉ̀ pé.

Heber 10:28

Mé zɔɔn ńzsé ngie, nyìŋ lɔɔn fʉa *lepʉ̌ Mǒsê, mé zẅé ngàŋ, pɔ́ tè tsɔ̌ɔn mezìŋe mé, pá’ pàjÿò ńgyá mépʉ́a kà métá wɔ́ lɔɔn ńgɔɔn ngie áa nò.

Heber 10:35

Pú’u la, tà pi kʉ́a lézáb ntʉ́m nà Ssé, á nue máamáa ntsɔ’ɔ́ fà’ aa mǒ.

Heber 11:26

À la ne ńgyá ngie mé lɔɔn ńgwága yé pá’ mé la gÿo ńgwága *Nzà’nkÿo, mbà le gwɔ́ pú’u, ge gwɔ́ mbwo yé gwɔ́ mbòŋ é cʉa fù’ gie áa Egipto, á nue nÿɔ́g mé la tyé pɔ́ nà ntsɔ’ɔ́ fà’ gẅie à ge lá’ gẅiin.

Heber 11:6

Mé lɔgɔ ńgyá ngie nyìŋ lɔɔn tè záb ntʉ́m nà Ssé wɔ́, mbà shÿó pá’ ńgwɔ́ nò yé poŋ Ssé té wó wɔ́. Nyìŋ lɔɔn ńne sẅɛ’te nnɛ́ nê lejʉ́ŋ Ssé á gẅiin lé zɔɔn ḿvɔg ńzẅíŋ ngie e Ssé ee wó, ḿbiŋ ńne ńtsɔ́’ɔ fà’a pʉ̀a pie pɔ́ ne fa’a yé.

Heber 12:25

Pú’u la, pi pɔ́ɔn le lʉ’ʉ lézẅí’te nò gie á kẅɛɛ ncwò nyìŋ gẅie à ne ńgɔɔn nò mbwo pi, á nue á lɔɔn ńgwɔ́ gie mé la néŋ ntsaŋ twó pʉ̀a pie pɔ́ la lʉ’ʉ lé jú’u nò gie Mǒsê laa ndùmo ssé tsetsá’ ńne ńkága tuŋó yɔ́b mǒ, mbà pege lɔɔn ńtém nzèm Ssé gẅie aa tÿǒ lepwó, ńne shwóŋó wégè nò, mbà á ge gǎ tá pege e le kú pɔ́ ngɔ́’ gie e tɔ́g yɛ̌ wɔ́.

2 Piɛ 1:19

Á té ndà’ pú’u wɔ́ pege giŋé ńgẅiin shwóŋè pà *ntsẅì nkʉ̀ Ssé gie à lɔɔn ńgwɔ́ mé le jú’ ḿmʉ’te wɔ́. Á póŋ ngie pi cwòŋo ńjú’u yɛ̌ shwóŋè. Áa pá’ lâm gẅie à kyɛ’ɛ jʉ’ gie á ne síŋe. Pi cwoŋo ne ńjú’u ńdɔg ńzẅí’te lyɛ̌’ gie Yěsô ge lá’ gíŋ tó. Pá’ cÿɔ́’ saŋ gẅie à kwɔ̌’, njÿó gwóon ńdʉ́a. À ge tó kyɛ’ jʉ’ mbwo mentʉ́m mi.

Jẅide 1:5

Mèŋ n ne ńkwoŋo lékímte gẅi tsɔ́ nò gie pi cwoŋo ńne ńzsé mboŋó, á gwɔ́ pá’ Cʉ̀apʉ̀a la kẅile pʉ̀a pé pà Israel tsɛ̀ɛ ngwòŋ Egipto tà pɔ́ tsẅɛ́, á gÿo ńgʉa tsetsɛ̀ɛ pɔ́b ńgÿo pʉ̀a pie pɔ́ kaa záb ntʉ́m ná yé wɔ́ kwéte.