Heber 12:3 - Nouveau Testament en Ngienboum

³ Pi zɔɔn ńnéŋe ńkwaŋte pɔ́ Yěsô, megàŋ mefʉa lɔ́ɔn ḿbʉa yé, ńgege yé, á ké shÿɔgɔ shÿɔg. Pi gÿo pú’u, ńzsé ngie ntʉ́m gẅi té pÿɛ́ pi kʉ́a wɔ́.

Heber 12:3 ပူးပေါင်းရင်းမြစ်များ

Matio 11:19

*Míŋ Nyìŋ keen ńtó yé fʉ̀’ɔɔn, ńne ḿpfɛ́ɛ mmó ḿbiŋe ńnúu melù’, pɔ́ gɔɔn ngie mé líe yé tà ńgyá, nyìŋ wɛ̂ à gwɔ́ pɔ́ mpfɛɛ mmó, ńgwɔ́ nú melù’, ńgwɔ́ sǒ pà kẅé ncùb pà *Roma mbɔɔ we petsɔ́ pʉ̀a tepòŋ. Tá mé ké ne ńgyá ngie: Sɔ̀ɔn ee kwà’ legye Ssé ńcʉa pɔ́ nà mefà’ mie yɔ̀ɔn nò ne fa’a.

Matio 12:24

Tá’ pʉ̀a *farisay, jú’ pú’u, ńgɔɔn ngie: Bɛlzebùl, tándá *messé tepòŋ zɔ́ gÿo tá Yěsô ku’u léjwoŋ *messé tepòŋ.

Matio 15:2

Mélà’a kɔ́ *ngàŋa kwò jú té giŋe ná nùŋe pà mvfò wɔ́ɔ? Pɔ́ gaa ḿpfɛ́ shúm té sɔg mbwó mɔ́b nà ntí gie mà là’ wege ne ńzɛ́te?

Matio 21:23

Yěsô gíŋe ḿbiŋe tsɛ̀ɛ *jʉ’ʉ Ssé tà ńzye lézí’i pʉ̀a nò Ssé, *metándá pànùŋe pwɔ́’ pâ melÿò tsɛ̀ɛ lá’ tó ńzɛ́te yé ngie: Ɔ̀ lɔgɔ lezíŋ wɔ́ ńgÿo mɔɔn menò? Kwà’ wɔ̌ zɔ túmo ɔ́ ngie ɔ̀ gÿo pú’u?

Matio 21:46

éfa’ shÿó légwoon yé, tá ḿbɔ́g nÿɔ́g lá’, á nue lá’ la ne ńzsé ngie Yěsô aa *ntsẅì nkʉ̀ Ssé.

Matio 22:15

Pʉ̀a *farisay gwɔ́ lyɛ̌’, ńgÿo cú’tè, éfa’ pá’ à lɔɔn ńgwɔ́ pɔ́ fó ná nò gie Yěsô gɔ̌ɔn ńgwoon yé,

Lukase 14:1

Á gwɔ́ tsɔ́ *lyɛ’ɛ́ nzsè pà Yuda, Yěsô gʉa mbʉ̀a tsɔ̌ tá ndá pà *farisay léjÿó mmó. Epʉ̀a pie é laa wó ne ńdeŋe yé leŋ,

Lukase 15:2

Pà *farisay pâ *pàkyàgte lepʉ̌ Mǒsê gyá pú’u, ńné ńzẅɛte tsetsɛ̀ɛ pɔ́b ńgɔɔn ngie: Nyìŋ wɛ ne ńkúe pʉ̀a tepòŋ tà pâ pɔ̌ teme shúm ńjÿó.

Lukase 16:14

Yěsô gɔɔn pú’u, pà *farisay pie é laa jʉ’ó jú’, ḿbú sóon, ńgẅe yé, mélà’mie pɔ́ gɔ’ nkáb tɛ’.

Lukase 2:34

Simeon cʉ́me wɔ́b mbwo Ssé ńdêen ńké ńgɔɔn né Malîɛ ngie: Míŋ ɔ̀ wɔɔn aa pá’ɔɔn ńké ńgwɔ́ gẅie Ssé ge cʉa nzèm yé gÿo eshʉ́ kú pʉ̀a tà ńgyɔ́ɔn Israel wɔɔn, é piŋ gÿo mé ná mékù’ lelÿò pʉ̀a, mélà’mie aa nyìŋ gẅie Ssé lɔgɔ yé ńnyɛɛ mmó gie à ne ńgÿo, tá pʉ̀a mesoŋ ke ńgwága yé gwág.

Lukase 5:21

Pàkyàgte *lepʉ̌ Mǒsê lâ pà *farisay jú’, ńzye lézẅɛ́te ngie: Wɔɔn aa wɔ̌ gẅie à zoonte Ssé? E Ssé gílé yé zɔ ku’u lélege menò tepòŋ nyìŋ.

Ŋwà’ne Jâŋ 10:20

Lelÿò pʉ̀a tsetsɛ̀ɛ pɔ́b ne ńgɔɔn ngie: E *ssé tepòŋ léen ńgwoon yé. Àa pʉ̀a. À gɔɔn kɔ́ tà pi zẅí’te?

Ŋwà’ne Jâŋ 18:22

Yěsô gɔɔn pú’u, atsɔ̌ tà’ ná pàpyɛ́bɛ jʉ’e Ssé gẅie á kě jʉ’ó téme pwó letuŋó yé, ńgɔɔn ngie: Wɛ̂ aa pá’ ɔ̀ tsɔ́’ɔ nò mbwo *Nùŋe pwɔ́’ we lÿò?

Ŋwà’ne Jâŋ 5:16

Pɔ́ jú’ pú’u, ńzye lépʉa Yěsô, mélà’mie à ně ńgÿo yɔɔn nò, á lyɛ’ɛ́ nzsè yɔ́b.

Ŋwà’ne Jâŋ 7:12

Alá’ ne shwóŋè mencwò mencwò ńtí Yěsô. Petsɔ́ pʉ̀a ne ńgɔɔn ngie aa kwà’ nyìŋ. Petsɔ́ ne ńgɔɔn ngie à fʉte pʉ̀a fʉte.

Ŋwà’ne Jâŋ 8:13

Pà *farisay leen ńké ńgɔɔn né yé ngie: Ɔ̀ gɔɔn nò gie ɔ̀ zsé nà twó mbùm jú, ńgwɔ́ mé le zẅíŋe nò gie ɔ̀ gɔɔn ná twó mbùm jú wɔ́.

Ŋwà’ne Jâŋ 8:52

Epʉ̀a gɔɔn né Yěsô ngie: Áa nà fʉ̀’ɔɔn, mbà peg zsě ngiessé tepòŋ ee ná gú. Ábalam la kwé, pà *ntsẅì nkʉ̀ Ssé gíŋe ńkwé yɔ́b, ɔ̀ piŋ ne ńgɔɔn ngie: Nyìŋ lɔɔn ńgiŋe nà shwóŋè jú, á le lá’ ńkwé wɔ́.

Ŋwà’ne Jâŋ 8:59

Pɔ́ jú’ pú’u, ńdag metóon lélɔg ńtémte Yěsô ńzẅé. Á sele nnɛ́ ḿbyé, éshú fó tsɛ̀ɛ *jʉ’ʉ Ssé ńkẅɛ.

Ŋwà’ne Jâŋ 9:40

Etsɔ́ ntá’ pʉ̀a nà nùɔ pà *farisay pie pɔ́ laa jʉ’ó, jú’u yɔɔn nò, ńzɛ́te Yěsô ngie: Mé té ńgɔɔn gɔɔn wɔ́ ngie ɔ̀ gɔɔn mefʉ̀ pɛ́’ɛ̀ tà sáŋa wég mǒ ka?

1 Korento 15:58

Mefɛ́ pɔ́ɔn pentʉ̀ nzẅìŋ, pá’ áa pú’u la, pi tʉte tʉte, tà nyìŋ cÿɔ’, pi kẅi’i fa’ mefà’a Cʉ̀apʉ̀a ńdɔg ńgʉa pɔ́ lê mvfò, ńgwɔ fa’ ńne ńzsé ngie fà’ gie pi fà’a, ńtí nue pi ee pʉ̀a Cʉ̀apʉ̀a, á té ge cʉ̀a sẅɛ̀ɛ wɔ́.

2 Korento 4:1

Pú’u la, pá’ e Ssé la lɔg pɔ́ tsɔ́ɔn mezìŋe yé, ńnáa yɔɔn fà’ mbwo peg la, peg tè kʉ́a wɔ́.

2 Korento 4:16

Áa mmo gie á gÿo peg tè kʉ́a, mbùm nnɛ́ yèg tsɛ ne ńkẅi’i ńkʉ́a kʉ̌a tá’, ntʉ́m wég gwɔ́ tsoló ne shumo shum lyɛ̌’ ntsèm.

Galatia 6:9

Tà pege ke ńkʉ́a legÿo nò mbòŋo, á nue pege lɔɔn gÿo nò mbòŋo ńdɔg ńgʉa pɔ́ lé mvfò, mbà fʉ̀’ ge lá’ ku’, e Ssé gÿo pege lág shúm tɛ’.

2 Tesalonika 3:13

Ńgʉa ná pi, mefɛ́ mefɛ́, tà pi kʉ́a légÿo pɔ́ menò mie ée mbòŋ.

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.

Heber 12:5

Tsye pi legé pá’ e Ssé ne ńkẅiŋte gẅi pɔ́ pá’ nyìŋ kẅiŋte gubé yé ka? Áa tsɛ̀ɛ ŋwà’ne Ssé mé gɔɔn ngie: Míŋ wɔ̀ɔn Cʉ̀apʉ̀a lɔɔn ne ńkaga gú, Ɔ̀ pɔ́ɔn légwága nò mǒ, À lɔɔn ńcÿɔ́gɔ gú ɔ̀ pɔ́ɔn létsyɛte nnɛ́

Heber 3:1

Pú’u la, mbà mefɛ́ pɔ́ɔn pʉ̀a kristo, e Ssé yé máŋwɛ́ zɔ ka tóŋo gẅi nà nò yé, àwɔ̌ɔwɔɔ tóo ná yé mmó. Pi sáŋa nò ná nyìŋ gẅie Yěsô aa wɛ̌, aa yé gẅie e Ssé la túmo yé ngie à gwɔ́ wege *nùŋe pwɔ́’ we lÿò ná nò Ssé gie pege tyé mǒ.

1 Piɛ 2:23

Mé la zoonte yé, à tè nzòonte tsɔ́’. À la ne ńgyá ngɔ́’, ńké tè nyìŋ vege, ḿbú ńnyé yé nò ntsèm pɔ́ nà mbwo nyìŋ gẅie à zá’ ntsaŋ ndʉŋ ndʉŋ.

Ŋwà’ne Ngyà jʉ’ 2:3

Pi ne ńkaga tʉ̀. Pi ka gyá ngɔ́’ ńtí wɔ̀ɔn, ńké tè kʉ́a.