Heber 11:3 - Nouveau Testament en Ngienboum

³ Pege fǒ pɔ́ ná pá’ pege záb ntʉ́m nà Ssé tá ńjú’ ngie e Ssé la lɔgɔ shwóŋè yé ńnyɛte njÿó, éfó mǒ ńzsé ngie ammó gie pege gyǎ lê nÿɔ́g, á la fóo nà mmó gie mé té gyá lê nÿɔ́g wɔ́.

Heber 11:3 ပူးပေါင်းရင်းမြစ်များ

Ŋwà’ne Jâŋ 1:3

Akɔ́ɔkɔ́ɔ gwaa gwɔ́ wó, ńcʉa pɔ́ ná yé. Atsɔ́ mǒ té gwɔ́ wó té gwɔ́ gie á cʉ̌a pɔ́ ná yé wɔ́.

Megàŋ ntúm 14:15

Meshǔ pég, pi fa’a légÿo kɔ́ pɛ́’ɛ̀? Peg léen ńgwɔ́ pɔ́ pʉ̀a mesoŋ pá’ pi! Peg tǒ pɔ́ létsẅi nkʉ̀ mbòŋo mbwo pi, é gwɔ́ ngie pi gwá’ messé mɛ́ mie é té tsɔ́ mmó ku’, ésele nnɛ́ ńtó ńkẅɛ́te Ssé gẅie aa ntentʉ́. Yé zɔ la gÿo tÿǒ lépwó pɔ́ tsetsá’, mbɔɔ ntse tê pàa, tà mbɔɔ shúm ntsèm sie ée wó.

Megàŋ ntúm 17:24

E Ssé gẅie à la nyɛte njÿó laa shúm sie é pú ńgwɔ́ wó. Yé zɔ Cʉ̀apʉ̀a tÿǒ lepwó mbɔɔ ndùmo ssé tsetsá’. Àa těen ńtsẅé tsɛ̀ɛ mejʉ’ʉ ssé mie pʉ̀a mesoŋ lɔ̌g mbwo mɔ́b ńkwɛ́ wɔ́.

Roma 4:17

Ndʉŋ ndʉŋ pá’ ŋwà’ne Ssé ne ńgɔɔn ná yé ngie: «Mèŋ n zabá gú pá’ ɔ̀ ge gwɔ́ mangʉa njʉ’ pʉ̀a melá’a melá’». Ábalam aa mvfò Ssé gẅie yé Ábalam la záb ntʉ́m ná yé, ńgwɔ́ mangʉa njʉ’ wege, é gwɔ́ Ssé gie e gÿo mepfó gíŋe ńgwɔ́ wó, ńtóŋo mmó gie á zɔɔn tè wó wɔ́, á kẅɛɛ ńtyé.

1 Korento 2:7

Á gʉa ná peg, mbà peg la’te yég pɔ́ zsé nò Ssé gie ee nkʉ̀’ʉ nò gie e kɔ̌ɔn ńgwɔ́ pɔ́ lelyěen, mbà Ssé la lá’ ńnyɛte ńzáb tà njÿó nyé té gwɔ̌ wó légwɔ́ gie, à ge lá’ lɔg ńnáa legú’ wege.

1 Timote 4:5

Mé jÿó á nue e Ssé gɔ̌ɔn pú’u, mé gíŋ ńne sie yé mǒ.

Heber 1:2

Á kéen ńgwɔ́ nà yégè kème njÿó yɔɔn gie á cʉ́’ ńgwɔ́ pɔ́ ye lɔg ńzsote, á gɔɔn nò né pege, ńgwɔ gɔɔn, ńcʉa pɔ́ ná Míŋ we. Á gwɔ́ yé gẅie à la cʉa ná yé, ńnyɛte njÿó ntsèm, ḿbiŋ ńgíŋ ńzába yé pá’ kɔ̀ɔkɔ́ɔ ge lá’ gwɔ́ pɔ́ yé.

2 Piɛ 3:5

Pɔ́ gwaa gɔɔn pú’u, ńne ńdege tà ńzsé zsé ngie e Ssé la lá’ ńnyɛte lepwó pɔ́ tsetsá’ tà ntyě sagá. À la lɔg pɔ́ shwóŋè yé ńgÿo, tsetsá’ fó tsɛ̀ɛ ntse ńkẅɛ, á lɔg pɔ́ ntse ńnyɛte.

Ŋwà’ne Ngyà jʉ’ 4:11

Ɔ̀ɔ nyìŋ gẅie ɔ̀ ku’ me Cʉ̀apʉ̀a weg, ńgwɔ́ Ssé yeg, ɔ̀ ku’ pá’ à lɔɔn ńgwɔ́ mé náa legú’ mbwo gù, ńná mekù’ mbwo gù, pá’ à lɔɔn ńgwɔ́ gù zɔ̌ gẅiin metʉ̀. Á nue ɔ̀ la gÿo kɔ̀ɔkɔ́ɔ á gwɔ́ wó, gù zɔ la kwoŋ tá sɛ̌ shúm kẅɛɛ tsɛ̀ɛ njÿó, gù zɔ piŋ ńne ńkwoŋo tá é gwɔ́ wó.