Heber 11:2 - Nouveau Testament en Ngienboum

² E Ssé la gɔɔn nà tsɔ́ pʉ̀a pé pe fʉ̀’e mvfò ngie, ée kwà’ pʉ̀a, á fó pɔ́ nà yɔb ntí lezǎb ntʉ́m ná yé.

Heber 11:2 ပူးပေါင်းရင်းမြစ်များ

Heber 1:1

Á laa tsɔ́ fʉ̀’, e Ssé gɔɔn nò mbwo pà mangʉa njʉ̀’ pégè, á nà mekwò tà ńgyɔ́ɔn, mbɔɔ ná mentí tà ńgyɔ́ɔn. Pú’u, ńcʉa ná pàntsẅì nkʉ̀ pé.

Heber 11:39

Á la fó ná pá’ pʉ̀a ŋwɛ́ métsèm la záb ntʉ́m wɔ́b nà Ssé, nò yɔ́b poŋ Ssé, tá’ sɔɔn nyìŋ wɔb tè záb lejÿɔ́g nà lepoŋ gẅie Ssé la ka’a mbwo pɔ́b wɔ́.

Heber 11:4

Á la fó pɔ́ ná pá’ Abe la záb ntʉ́m wé nà Ssé, tá á nuŋe wé pwɔ́’ é poŋo mbwo Ssé ńcʉa we Kain. Á la fó pɔ́ mǒ, e Ssé líe yé tà ngie, aa ndʉŋ ndʉŋ mvfò yé, mbà à la cʉ́’ʉ lényɛ, ńzẅíŋe mmó gie Abe lɔ̌g ńtóo mvfò yé. Á la fó pɔ́ ná pá’ Abe la záb ntʉ́m wé nà Ssé, à nyé lyɛ̌’ɔɔn ńgɔɔn nò mbwo pege gɔɔn, tá mbà à léen ńkwé.