Heber 10:4 - Nouveau Testament en Ngienboum

⁴ Á nue atsɔ̌ le gwɔ́ gẅie à lɔɔn ńgwɔ́ metse melúm mefòŋ mbɔɔ me mekùkwòon fó ná nyìŋ mesoŋ ńzyɛ́b menò tepòŋ á té wó wɔ́.

Heber 10:4 ပူးပေါင်းရင်းမြစ်များ

Malékuse 12:33

Á poŋ ngie nyìŋ kwoŋo yé lê ngwòŋ ntʉ́m wé ntsèm, ńdɔgɔ zsé nò yé pâ metʉ̀ mé ntsèm tsèm, éfa’ pɔ́ ndà’ mbwó yé, ḿbiŋ ńkwoŋo fɛ́ we nyìŋ mesoŋ pá’ twó mbùm yé. Angàŋ gÿo pú’u, á pú ḿboŋ ńcʉa ye létuɔ menɔ̀ɔn ńnáa mbwo Ssé, ńcʉa mbɔɔ sɛ̌ shúm pwɔ́’ wɔ́ sie à lɔɔn ńgwɔ́ á náa mbwo Ssé.

Ŋwà’ne Jâŋ 1:29

Njÿó gÿo ńdʉ́a, Jâŋ gyá Yěsô ne ńtóo, á gɔɔn ngie: Wɔɔn aa Mûɔ *Njʉ̀njÿò gẅie Ssé lɔgɔ sẅɛ’ɛ ndòon menò mie pʉ̀a la gÿo.

Roma 11:27

Yɔɔn aa kʉa gie pega pɔ̌ ge lá’ gwa, á fʉ̀’ gie n ge lá’ kẅile menò tepòŋ mɔ́b.

Heber 10:1

Mendendá’ mie ée nà *lepʉ̌ Mǒsê zɔɔn ńgwɔ́ pɔ́ jʉ́jʉ́ŋ shúm mbòŋo sie e Ssé la gÿo pá’ é ge lá’ tó, é téen ńdɔgɔ ńgwɔ́ kwà’ sɛ̌ shúm wɔ́. Áa mmó gie á gÿo, ńgwɔ́ *lepʉ̌ ŋwɛ́ é le lɔgɔ nò pwɔ́’ gẅie á né ńzɛ́te ngie me lɔg ńtóo mvfò Ssé ngù’ ntsèm, é ké ńgwɔ́ pɔ́ tà’ ntí, ńdɔg ńgÿo pʉ̀a pie pɔ́ ne ńtsɔ́ɔn létsóte nnɛ́ nê lejʉ́ŋ Ssé, ku’u légwɔ́ pà tè *lɔ̌’ wɔ́.

Heber 10:11

Á gʉa ná nùŋe pwɔ́’ we nzẅìŋe *kʉ̀a, mbà à gwɔ́ lyɛ̌’ ntsèm, ńtyé pɔ́ ncwò fà’ ye, ńké ńnuŋe pɔ́ tà’ ntí pwɔ́’ gie e lɔɔn ńgwɔ́ é le lá’a tsɔ́ lyɛ̌’ ńku’u léfóo ná nyìŋ ńzyɛ́b menò tepòŋ mé wɔ́.

Heber 10:8

À zɔɔn ḿvɔg ńgɔɔn ngie: «Ɔ̀ tè kwoŋ pwɔ́’ wɔ́, ńké tè kwoŋo mmó gie mé lɔg ńtóo mvfò gù wɔ́, ńké tè kwoŋo nɔ̀ɔn gẅie mé pǔ ńtuɔ yé pɔ́ ntsèm wɔ́, ńké tè kwoŋ pwɔ́’ gẅie mé nuŋe mvfò gù ńtí nò tepòŋ wɔ́, sɛ̌ shúm té gú poŋ, tá é ké ńgwɔ́ pɔ́ shúm sie *lepʉ̌ ne ńzɛ́te ngie mé gÿo».

Heber 9:9

Áa mbwo pege ná fʉ̀’ɔɔn ńgwɔ́ liŋé gie mé lɔgɔ ńnyɛɛ wégè nò. Yɛ̌ nò gwɔ́ ngie: Ammó gie mé náa mbwo Ssé lâ pwɔ́’ gẅie mé nuŋe mvfò yé, ńgwɔ́ é le gÿo tà ntʉ́m nyìŋ gẅie à gu’te Ssé ná yɛ̌ ntí, é nyé té ké ne ńŋaga yé ŋag wɔ́.

1 Jâŋ 3:5

Pi ne ńzsé ngie Yěsô Kristo la tó lézyɛ́b menò tepòŋ, atsɔ́ nò tepòŋ piŋ ńké tè ná yé wɔ́.