Heber 1:4 - Nouveau Testament en Ngienboum

⁴ Á la cʉa pú’u, múɔ cʉa *mecÿɔ́’ Ssé, tà Ssé ná lezíŋ sé, é nyɛ ngie à fǎŋ ńcʉa wɔ́b.

Heber 1:4 ပူးပေါင်းရင်းမြစ်များ

Efeso 1:21

Á gwɔ́ jʉ’ó ńdɔgɔ ḿbú ńcʉa ngwòŋ *mecÿɔ́’ Ssé pâ mefùɔ pɔ́b mbɔɔ setsɔ́ shúm sie é gẅiin metʉ̀ tÿǒ lepwó. Á cʉa mânyìŋ ntsèm tà pá’ angàŋ lɔɔn ńgwɔ́ pɔ́ wɔ̌ wɔ́ɔ, kà pɔ́ ná yɔɔn kème njÿó wɔ́ɔ, kà pɔ́ ná gie á ge lá’ tá tó wɔ́ɔ.

Kolosia 1:18

Ye zɔɔ twó nà mbùm nnɛ́ gie áa cú’tè pʉ̀a pé. Legwɔ́ wó we sẅé à zye pɔ́ ná yé, aa ndùŋ mvfò nyìŋ gẅie à la kwé ḿbiŋ ńzím, pú’u ńzsé ngie yé zɔ ge gwɔ́ ndùŋ mvfò ná kɔ̀ɔkɔ́ɔ.

Kolosia 2:10

Pia Kristo kéen ńtemte, e Ssé fó mǒ ńnáa gẅi fù’ ntí ntí. Kristo ŋwɛ́ pǔ ńcʉa kɔ̀ɔkɔ́ɔ gie á gẅiin tʉ̀, ésá’a njÿó.

2 Tesalonika 1:7

é náa sẅétè mbwo pi pie pi ne ńgyá ngɔ́’ fʉ̀’ɔɔn lɔɔn, é gíŋe ná mbɔɔ mbwo peg yég. Mɔɔn menò ge lá’ cʉate á fʉ̀’ gie Cʉ̀apʉ̀a wégè Yěsô Kristo ge lá’ fó tÿǒ lepwó é kẅɛ, é nyɛ mbùm ye. Pâ mecÿɔ́’ pé pie é gẅiin metʉ̀ tɛ’ é gwɔ́.

Heber 1:9

Ɔ̀ kwoŋo nò gie á tyé ndʉŋ ndʉŋ, ḿbʉa gie á té tyé. Áa mmó gie á gÿo me Ssé, mèŋ Ssé jù la zɔ́’ɔ gú ńdɔgɔ gú ńgÿo mmó, mbùm jù poŋo mǒ tɛ’ Mèŋ n da cÿó gʉme jú ńcʉa ye *ngàŋa kwò jú.

Heber 12:17

Pi cwoŋo ńne ńzsé ngie afʉ̀’ gie tá we lɔ̌ɔn ńge ńnéŋ mbʉ́lè ná yé la gÿo ńku’, tá we cʉ́’ ḿbe’e yé pe’e. Á lɔgɔ lélʉa, éfa’ shÿó pá’ tá we ge kúbe nkwaŋá wé, á tè mǒ ku’.

Heber 2:9

Tá’, ammó gie pege ne ńgyá fʉ̀’ɔɔn gwɔ́ pɔ́ ngie Yěsô gẅie e Ssé la sẅé’e yé ńnáa ssé tà *mecÿɔ́’ Ssé cʉa yé méjʉ’, e Ssé lêen ńtɔ́’ɔ cÿɔ́’ɔ lefùɔ twó ye, á gie á gÿo á gẅiin legú’, ḿbiŋ ńnéŋ mekù’ mé, mélà’mie à la zẅíŋe légyá ngɔ́’ tà ńkwé. Yěsô lɔ̌ɔn ńkwé ná twó pʉ̀a mesoŋ metsèm, á fó pɔ́ ná pá’ e Ssé tsɔ́ɔn mezìŋe pʉ̀a tɛ’.

1 Piɛ 3:22

À la kwɔ́’ né tÿǒ lepwó, ńnéŋe nà gwǒŋo pwó Ssé ye tʉ̀. Àa fʉ̀’ɔɔn ńne sá’a *mecÿɔ́’ Ssé ntsèm, ńne sá’a kɔ̀ɔkɔ́ɔ gie á sá’a njÿó, ésá’a metʉ̀ ntsèm mie ée tÿǒ.