Heber 1:3 - Nouveau Testament en Ngienboum

³ Mé fó pɔ́ ná múɔ wɔ̀ɔn tá ńgyá pá’ legú’ Ssé aa tè laa yé pú’u. Á lɔɔn ńgwɔ́ gie e Ssé aa lêkɔ́ wɔ́, mbà míŋ we giŋé ńgwɔ́ yé kwà’ pú’u. Á yé gẅie à lɔg pɔ́ metʉ̀ mie ée nà shwóŋè yé, ńtóonte kɔ̀ɔkɔ́ɔ gie áa tsɛ̀ɛ njÿó ntsèm. À la gwɔ́ tà ńgÿo mmó gie e Ssé ne fóo mǒ ńdege menò tepòŋ pʉ̀a mesoŋ tà á mag, á gʉa nê tÿǒ lepwó, ńnéŋe nà gwoŋó pwó Ssé ye tʉ̀, yé Ssé gẅie à pǔ sá’a kɔ̀ɔkɔ́ɔ.

Heber 1:3 ပူးပေါင်းရင်းမြစ်များ

Matio 22:24

Tsítsà, Mǒsê la gɔɔn ngie: «Nyìŋ lɔɔn ńzɔ́’ɔ manzwě, ńkwé té cʉa mmó, mbà fɛ́ we gẅiin lesɔgɔ mpfɔ́g, pɔ́ yé zyé penkʉ́, ńdɔg ńnuŋe ngẅɛ̀ fɛ́ we».

Malékuse 16:19

Cʉ̀apʉ̀a Yěsô la gɔɔn mbwo pɔ́b tà ńtẅé jʉ’, e Ssé ŋá’a yé ńdɔg ńkwɔ́’ lé tÿǒ lepwó. Á ńnéŋe nà gwoŋó pwó yé ye tʉ̀.

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Ŋwà’ne Jâŋ 1:29

Njÿó gÿo ńdʉ́a, Jâŋ gyá Yěsô ne ńtóo, á gɔɔn ngie: Wɔɔn aa Mûɔ *Njʉ̀njÿò gẅie Ssé lɔgɔ sẅɛ’ɛ ndòon menò mie pʉ̀a la gÿo.

Ŋwà’ne Jâŋ 1:4

Legwɔ́ à laa ná yé, le gwɔ́ ŋwɛ́ á gwɔ́ kyɛ̀’ gie á kyɛ’ɛ pʉ̀a mesoŋ.

Megàŋ ntúm 2:33

E Ssé ka gÿo, á kwɔ́’ tà ńnéŋe nà gwǒŋo pwó yé ye tʉ̀. Áa fʉ̀’ɔɔn pá’ɔɔn, mbà Tá wé Ssé cʉmé Zẅìge Ndʉalʉ̌a mbwó yé, á gwɔ́ pá’ yé Ssé la ka’. Ammó gie pi jú’u ḿbiŋe ńgyá lɛ̀, áa Zẅìge Ndʉalʉ̌a ŋwɛ́ gie Yěsô nǎ né pʉ̀a pé.

Megàŋ ntúm 7:56

Etien gɔɔn ngie: Mèŋ n ne ńgyá pá’ ncwò tÿǒ lepwó tsɔ’ɔ́ ńtyé. *Míŋ Nyìŋ tyé nà gwǒŋo pwó Ssé ye tʉ̀.

Roma 1:16

Ńgwɔ́ eshʉ́ lékúu wɔ̀ɔn á létsẅi nkʉ̀ mbòŋo wɔ́, ée metʉ̀ mie e Ssé lɔgɔ ńgÿo pʉ̀a pie é záb ntʉ́m nà yé tsẅɛ́ɛ. À zye nà pà Yuda ńkúu ná pʉ̀a pie é té pà Yuda wɔ́.

Roma 8:34

ńgwɔ́ wɔ́ ku’u légɔɔn ngie ntsaŋ jÿǒ wɔ́b? Angàŋ tè wó wɔ́, á nue Yěsô Kristo la kwé nà twó sɔ́b á té zso pú’u wɔ́ á gÿo ńzím. À ńnéŋe nà gwoŋó pwó Ssé ye tʉ̀, ńne sẅíŋte yé nà twó ségè.

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

Kolosia 3:1

Pá’ pia Kristo la púte ńzíme nà legwé la, pi tÿɔ́g lejÿɔ́g sí pɔ́ nà shúm sie ée tÿǒ lepwó, ajʉ’ gie Kristo aa wó, ńnéŋe nà gwǒŋo pwó Ssé ye tʉ.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Heber 1:13

E Ssé laa zɔɔn ńgɔɔn nê tsɔ̌ cÿɔ́’ we ngie: Tóo ńnéŋe nà gwoŋó pwó yɔ́ɔn ye tʉ̀ ńzẅí’te mèŋ n dɔg megàŋ mbù pú, ńgÿo ntÿɔgɔ́ mekwò mú wɔ́?

Heber 10:12

Tá á ké ńgʉa ná Kristo, mbà à la nuŋe pwɔ́’ ńtí menò tepòŋ pʉ̀a mesoŋ, á tà’ legʉ̀a á ku’ pɔ́ ndà’ ndà’. Á gʉa sẅɛ́’ ńnéŋe nà gwǒŋo pwó Ssé ye tʉ̀.

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.

Heber 4:14

Pá’ pege gẅiin tà’ *nùŋe pwɔ́’ we lÿò gẅie aa kwà’ wɛ̌, á gẅie à la gʉa tà ńkúu lejʉ́ŋ Ssé ńtí wégè, á gwɔ́ Yěsô, ńgwɔ́ míŋ Ssé la, pege kú’te nò gie mé ka shwóŋó wégé, pege záb ntʉ́m mǒ, ḿbiŋ ne shwóŋó yɛ̌ nò mbwo petsɔ́ pʉ̀a.

Heber 7:27

À tè pá’ petsɔ́ pànuŋe pwɔ́’ pe melÿò pie pɔ́ la gẅiin lénuŋe pwɔ́’ lyɛ̌’ ntsèm wɔ́. Pɔ́ lɔ́ɔn ḿvɔgɔ ńnuŋe pwɔ́’ ná mɔ́b menò tepòŋ, tá ḿbiŋe ńnuŋe pwɔ́’ ná menò tepòŋ petsɔ́ pʉ̀a. À la nuŋe wé pwɔ́’ pɔ́ tà’ legʉ̀a, á gwɔ́ pá’ à la náa twó mbùm yé nà tÿǒ nkǐ, á ku’ pú’u.

Heber 8:1

Kwà’ nò gie peg ne fa’a lé shwóŋó gẅi á yɔɔn ńgwɔ́ ngie pege kwá’ ńgẅiin yɔɔn ntí *nùŋe pwɔ́’ we lÿò. À kéen ńnéŋe nà lʉŋe lefùɔ, á nà gwǒŋo pwó Ssé ye tʉ̀, á yé gẅie à pǔ fáŋ ńcʉa wɔ̌wɔ́ɔ.

Heber 9:16

Ńgwɔ́ mé le zɔɔn ńtóŋo ŋwà’ne gie nyìŋ ka lɔg ńtÿɔ́g legwé sé té gwɔ́ gie ngàŋ kwě tà mé gyá wɔ́.

Heber 9:26

Á nue á laa pé’e ńgwɔ́ pú’u, mbà tà fó pá’ e Ssé la nyɛte njÿó, Kristo la gẅiin léńnéŋe ńgyá ngɔ́’, ńkwé ḿbiŋe ńkwé. Tá pege zsé ngie afʉ̀’ la gwɔ́ tà ńku’, á kẅɛ pɔ́ tà’ legʉ̀a, á ku’ pú’u, á lɔgɔ twó mbùm yé ńnuŋe pwɔ́’ lélɔg ḿbyága nò tepòŋ.

1 Piɛ 1:21

Pi zẅɛ́’ɛ pɔ́ yé tá ńzába ntʉ́m nà Ssé gẅie à la zíme yé nà legwé, mbɔɔ pá’ à la náa yé legú’, tà pi gwaa záb ntʉ́m nà Ssé, é piŋ ne pyɛ́bɛ mmó gie Ssé ka’a, yé zɔ̌ gÿo.

1 Piɛ 3:22

À la kwɔ́’ né tÿǒ lepwó, ńnéŋe nà gwǒŋo pwó Ssé ye tʉ̀. Àa fʉ̀’ɔɔn ńne sá’a *mecÿɔ́’ Ssé ntsèm, ńne sá’a kɔ̀ɔkɔ́ɔ gie á sá’a njÿó, ésá’a metʉ̀ ntsèm mie ée tÿǒ.

2 Piɛ 1:16

Peg ka tè gwɔ shwóŋó gẅi pá’ Yěsô Kristo, Ndè wege ge gÿo tó, lê shʉ́shÿɔ́g, éfó pɔ́ ná menò pú’kwɔ́b mie peg neŋé ssé ńdɔg legyè ńdʉ’te wɔ́. Peg ka fó ná pá’ peg lɔ̌g nÿɔ́g még ńgyá legú’ we.

2 Piɛ 1:17

Á fʉ̀’ gie Ssé Tá la ná legú’ mbɔɔ mekù’ á mbwo yé, mé jú’ ngyè Ssé gẅie à gẅiin metʉ̀, á gɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág.

1 Jâŋ 1:7

Tá ńké ńgwɔ́ gie pege lɔɔn ne ńgiŋe ná jʉ’e fɔ̌g pá’ yé lê twó yé aa nà jʉ’ʉ fɔ̌g la, mbà pege ge pú gẅiin tà’ ncwò tsetsɛ̀ɛ pege, metse Míŋ we Yěsô leen ńké sɔgɔ wégè ná nò tepòŋ ntsèm.

1 Jâŋ 3:5

Pi ne ńzsé ngie Yěsô Kristo la tó lézyɛ́b menò tepòŋ, atsɔ́ nò tepòŋ piŋ ńké tè ná yé wɔ́.

Jẅide 1:25

ée ndà’ yé ńgwɔ́ Ssé. À la lɔgɔ Cʉ̀apʉ̀a wege Yěsô Kristo ńgÿo pege tsẅɛ́. Mé gu’te pɔ́ yé, yé zɔ gẅiin legú’, yé zɔ̌ gẅiin metʉ̀, yé zɔ̌ sá’a pʉ̀a, pá’ à la lá’ ńzye, á ké ńgwɔ́ pɔ́ pú’u, tà ńkú fʉ̀’ɔɔn, é lá’a gwɔ́ pɔ́ pú’u, á nà ngù’ nkɔ̌ɔn nê nkɔ̌ɔn. *Amen.

Ŋwà’ne Ngyà jʉ’ 3:21

Á ge gÿo gʉa ná nyìŋ gẅie à lÿɔ̌’ ncù tà ńcʉa nò tepòŋ, mèŋ n zẅíŋ à ńnéŋe nà lʉŋe lefùɔ á ngʉ̀ŋe yɔ́ɔn, pá’ mèŋ yɔ́ɔn n da lÿɔ́’ ncù tà ńcʉa nò tepòŋ, Tá wɔ̀ɔn zẅíŋ mèŋ n ńnéŋe ná lʉŋe lefùɔ á ngʉ̀ŋe yé la.

Ŋwà’ne Ngyà jʉ’ 4:11

Ɔ̀ɔ nyìŋ gẅie ɔ̀ ku’ me Cʉ̀apʉ̀a weg, ńgwɔ́ Ssé yeg, ɔ̀ ku’ pá’ à lɔɔn ńgwɔ́ mé náa legú’ mbwo gù, ńná mekù’ mbwo gù, pá’ à lɔɔn ńgwɔ́ gù zɔ̌ gẅiin metʉ̀. Á nue ɔ̀ la gÿo kɔ̀ɔkɔ́ɔ á gwɔ́ wó, gù zɔ la kwoŋ tá sɛ̌ shúm kẅɛɛ tsɛ̀ɛ njÿó, gù zɔ piŋ ńne ńkwoŋo tá é gwɔ́ wó.