Heber 1:1 - Nouveau Testament en Ngienboum

¹ Á laa tsɔ́ fʉ̀’, e Ssé gɔɔn nò mbwo pà mangʉa njʉ̀’ pégè, á nà mekwò tà ńgyɔ́ɔn, mbɔɔ ná mentí tà ńgyɔ́ɔn. Pú’u, ńcʉa ná pàntsẅì nkʉ̀ pé.

Heber 1:1 ပူးပေါင်းရင်းမြစ်များ

Lukase 1:55

Áa mmó gie à la ka’a mbwo pàmangʉa njʉ̀’ pégè, Á mbwo Ábalam pɔ́ ngẅɛ̀ ndá yé mejwoŋó mejwoŋó

Lukase 1:72

Wɔɔn aa pá’ poŋo ntʉ́m Ssé la zye ná pàmangʉa njʉ̀’ pégè, à giŋé ńgwɔ́ lyɛ̌’ɔɔn, ńkímte *kʉ̀a ndʉalʉ̌a gie pâ pɔ́ la gwa,

Lukase 24:27

Ńgɔɔn pú’u, ńzye lékyagte menò ntsèm mie ée tsɛ̀ɛ ŋwà’ne Ssé ńne ńdíe yé, éshwóŋó wɔ́b, ńzye nà meŋwà’ne Mǒsê, ḿbɔ́ɔnte ńkúu tsɛ̀ɛ me *pàntsẅì nkʉ̀ Ssé.

Lukase 24:44

MÀpfɛ́ tà ḿmag, ńgɔɔn né pɔ́b ngie: Pi gyá mmó gie n kɔ̌ɔn shwóŋó gẅí, á fʉ̀’ gie pege ka nyě ńzɔ́gɔ. Mèŋ n da shwóŋó gẅi ngie á ne ńzɛ́te ngie yɛ̌ kɔ́ wɔ́ gie mé la ŋwe’e ná mèŋ wɔ́ à pumte. Menò ŋwɛ́ ntsèm ntsèm ée tsɛ̀ɛ ŋwà’ne Mǒsê, mbɔɔ tsɛ̀ɛ ye *pàntsẅì nkʉ̀ Ssé lâ ye Mezɔ́bɔ Ntse.

Ŋwà’ne Jâŋ 16:13

À zẅìge Ndʉalʉ̌a ge gÿo tó, é gÿo pi zsé nò nénʉ́ ntsèm, á nue yé zɔ la’te nò nénʉ́, à tè gÿo gɔɔn pɔ́ yé nò wɔ́. À ge gÿo gɔɔn pɔ́ nò gie à jǔ’, é piŋ shwóŋó gẅi menò mie é ne ńtóo.

Ŋwà’ne Jâŋ 7:22

Tá’ pi ké ńjú’, Mǒsê la zí’i gẅi lépú’u mûɔ mbàŋa, á fó tě fóo pɔ́ ne yé Mǒsê wɔ́, á fóo mbwo pà mangʉa njʉ’. Pi piŋ ne ḿbú’u múɔ lyɛ’ɛ́ nzsè gí.

Ŋwà’ne Jâŋ 9:29

Peg ne ńzsé ngie Ssé la gɔɔn nò á mbwo Mǒsê, tá ńgʉa ná wɛ̂ nyìŋ, mbà peg tè ne ńzsé lefǒ sé wɔ́.

Megàŋ ntúm 13:32

Peg yég, peg tyě pá’ɔɔn, ńne ḿbÿé gẅi á yɛ̌ nò mbòŋo. Á gwɔ́ nò gie e Ssé la lá’ ńka’a mbwo pàmangʉa njʉ’ pà Israel.

Megàŋ ntúm 2:30

Tá’ à laa *ntsẅì nkʉ̀ Ssé, ḿbiŋ ne ńzsé nò gie Ssé la ká’a mbwo yé tà ńkʉa ngie yé Ssé ge lá’ gÿo, múɔ gẅie à kẅɛɛ nà ngẅɛ̀ yé zɔ ńnéŋe nà leŋe lefùɔ yé.

Megàŋ ntúm 28:23

Pà Yuda gɔɔn pú’u, pâ Pɔl táŋa lyɛ̌’ gie pâ pɔ̌ ge gÿo gíŋe pumte. Alyɛ́’ ŋwɛ́ gÿo ńku’, pɔ́ gíŋe ńtó, ńkẅɛ́te yé jʉ’ gie à ńnéŋe wó, ńgwaa tó sɛ̌ lekwò ḿbú ńgyɔ́ɔn tɛ’. Pɔl kyagte nò *lefùɔ Ssé éshwóŋó wɔ́b tà fó mba’á mba’ ńkúu ncwò nzém, éfa’ shÿó légÿo tà pɔ́ nyɛte ńzsé nyìŋ gẅie Yěsô aa yé, ńne ńkẅile menò tsɛ̀ɛ meŋwà’ne *lepʉ̌ Mǒsê mbɔɔ tsɛ̀ɛ meŋwà’ne pà *ntsẅì nkʉ̀ Ssé.

Megàŋ ntúm 3:21

Áa nà fʉ̀’ɔɔn Yěsô ké ńgẅiin pɔ́ léńnéŋe tÿǒ lépwó. Tà lá’ ku lyɛ̌’ gie e Ssé ge lá’ gÿo akɔ́ɔkɔ́ɔ sele ńcʉ́’ ńgwɔ́ pɔ́ ye sẅe. Pá’ à la lá’ ńdɔg ncwò kwà’ pà Ntsẅì nkʉ̀ pé ńgɔɔn tà ntyě sǎg.

Heber 11:18

Á gwɔ́ pá’ e Ssé la gɔɔn nò mbwo Ábalam ngie: «Ɔ̀ ge lá’ cʉa pɔ́ ná Esâg tá gẅiin ngẅɛ̀ gie n da ka’a mbwo gù».

Heber 11:2

E Ssé la gɔɔn nà tsɔ́ pʉ̀a pé pe fʉ̀’e mvfò ngie, ée kwà’ pʉ̀a, á fó pɔ́ nà yɔb ntí lezǎb ntʉ́m ná yé.

Heber 12:25

Pú’u la, pi pɔ́ɔn le lʉ’ʉ lézẅí’te nò gie á kẅɛɛ ncwò nyìŋ gẅie à ne ńgɔɔn nò mbwo pi, á nue á lɔɔn ńgwɔ́ gie mé la néŋ ntsaŋ twó pʉ̀a pie pɔ́ la lʉ’ʉ lé jú’u nò gie Mǒsê laa ndùmo ssé tsetsá’ ńne ńkága tuŋó yɔ́b mǒ, mbà pege lɔɔn ńtém nzèm Ssé gẅie aa tÿǒ lepwó, ńne shwóŋó wégè nò, mbà á ge gǎ tá pege e le kú pɔ́ ngɔ́’ gie e tɔ́g yɛ̌ wɔ́.

Heber 2:2

pege ne ńzsé ngie, nò gie *mecÿɔ́’ Ssé la lɔg ńtó fʉ̀’e mvfò, á la tè méjʉ’ʉ nò wɔ́. Wɔ̌wɔ́ɔ gẅie à lɔ̌ɔn fʉa yɛ̌ nò, ńtʉʉ twó mǒ, e Ssé lɔ̌ɔn ńnéŋe ngʉ̀ngʉ̀ ná ye pɔ́ ná pá’ á ne ńzɛ́te.

Heber 2:3

Pá’ á laa pú’u la, pege lɔɔn ńgwágte nò ná máamáa nò gẅie aa pá’ e Ssé la gÿo pege tsẅɛ́, e Ssé gǎ tà ńnyé wégè? Cʉ̀apʉ̀a Yěsô lê twó yé la vɔg ńzye létsẅii yɛ̌ nò. Epʉ̀a pie pɔ́ la jú’u ncwò yé, gÿo ńkwa’ shwóŋó wégè ngie aa kwà’ máamáa nò.

Heber 3:5

Á ké ńgʉa ná Mǒsê, mbà á laa fʉ̀’ gie à la ne ńdíe pʉ̀a Ssé, ńzsé yé pɔ́ ndà’ mmó gie e Ssé la gɔɔn ngie à gÿo, ńgwɔ́ pɔ́ ngàŋa fà’, àkɔ́ɔkɔ́ɔ gie à lɔ̌ɔn ńgÿo nyɛɛ mmó nà menò mie e Ssé lɔ̌ɔn ńge lá’ gÿo e kẅɛ.

Heber 4:8

Á zɔɔn ńgwe’e ńgwɔ́ gie Yeshua la lɔg pʉ̀a ńgʉa tà pɔ́ kúu tsɛ̀ɛ yɛ̌ sẅétè, mbà à lɔɔn ńgwɔ́ e Ssé le gíŋe ńkíme tsɔ́ lyɛ’ɛ́ ndyɛ̀’ɛ wɔ́.

Heber 5:5

Á la gʉa ná Kristo ńgíŋe ńgwɔ́ pɔ́ pú’u. Yé zɔ la tè ńnéŋe tà ńgɔɔn ngie à gẅiin legú’ we *nùŋe pwɔ́’ we lÿò wɔ́. À la gwaa cʉ́’ʉ wɛ̌ á fó pɔ́ ne Ssé gwie à la gɔɔn né ye ngie: «Ɔ̀ɔ Míŋ wɔ̀ɔn, tà fó lyɛ̌’ɔɔn n gwɔ́ tá gù».

Heber 9:19

Mǒsê la tóŋ mbʉ̌ mie e Ssé la tsẅi á ŋwe’e tsɛ̀ɛ ŋwà’ne *lepʉ̌, ńtóŋo mvfò lá’a ntsèm tà mɛ̌ mbʉ̌ mag, á kaa metse púɔ fòŋ, ńtemte ná me mbÿɔ́b, ńnéŋ ntse mǒ, ḿbíi tsǎŋa légí gẅie mé tóŋo lê hysope, ńkáte menoŋ *njʉ̀njÿò mie é paŋ paŋ á nà twó, ńcÿɔ’ɔ mǒ, ńzɛɛ ná kwà’ ŋwà’ne, ńgíŋ ńzɛɛ ná mânyìŋ ntsèm, ńgwɔ́ zɛ ńne ńgɔɔn ngie: