Galatia 4:3 - Nouveau Testament en Ngienboum

³ Á gíŋ ńgwɔ́ pɔ́ ndʉŋ ndʉŋ pá’ á laa fʉ̀’ gie pege la nyé ńgwɔ́ pá’ púɔ penkʉ́ la, pege gwɔ́ menkwɔɔn ńtí legìŋ gẅie mé gíŋe mǒ tsɛ̀ɛ yɔɔn njÿó.

Galatia 4:3 ပူးပေါင်းရင်းမြစ်များ

Matio 11:28

Pi metsèm pie pi kǎ pì’ á zɛɛ gẅi tà pi kʉ́a, pi tó ńtsɛ́ɛ wɔ̀ɔn, n gÿo pi zẅɛte.

Ŋwà’ne Jâŋ 8:31

Yěsô gɔɔn mbwo pà Yuda pie pɔ́ zǎb ntʉ́m ná yé ngie: Pi lɔɔn ńkú’te shwóŋè yɔ́ɔn, mbà pi ge gwɔ́ kwà’ *ngàŋa kwò yɔ́ɔn.

Megàŋ ntúm 15:10

Afʉ̀’ɔɔn, pi piŋ ńgÿo lêkɔ́ ńkumte Ssé? Pi fa’a lékaa pì’ gie metá pégè la tè ku’u lékaa wɔ́, kwà’ pege yégè gíŋe tè mǒ ku’, ńzába twó pɔ́b keen?

Roma 7:14

Pege zɔɔn ne ńzsé ngie *lepʉ̌ fó mbwo Ssé. Tá á ké ńgʉa ná mèŋ, nyìŋ mesoŋ, mèŋ fege fege, mbà mé la sẅiŋe wɔ̀ɔn n cʉ́’ nkwɔɔn nò tepòŋ.

Roma 8:15

A Zẅìge gie mé la ńnéŋe ná pi, zɔɔn tè Zẅìge gie á ge gÿo pi gíŋe ńgwɔ́ pɔ́ menkwɔɔn pie pɔ́ ge ne cÿɔ’ɔ cÿɔ’ wɔ́. Á gwɔ́ pɔ́ Zẅìge gie á ge gÿo pi cʉ́’ púɔ Ssé. Pege piŋ ńzẅɛ́’ɛ yɛ̌ Zẅìge, ńtóŋo yé lê Abba; á gwɔ́ ngie Tɔ̌ɔnmé.

2 Korento 11:20

Epʉ̀a ne ńdɔgɔ gẅi ńgÿo menkwɔɔn pɔ́b, pi fa’a pɔ́ jÿó, pɔ́ ne ńjʉʉ shúm sí, ńne ńnwile gẅí, ńtúu pwó legɔ̌’ pi, pi zẅíŋe zẅǐŋ.

Galatia 2:4

Tà mbɔɔ pá’ tsɔ́ pàcÿɔ nò ngie pɔ́ ée mefɛ́ pég la ne ńkwoŋo ngie mé pú’u yé. Pʉ̀a ŋwɛ́ la shú ńkúu tsɛ̀ɛ nùɔ yég pá’ pà mánaŋ. Pɔ́ lɔ́ɔn ńtóo lé gyá pá’ peg ee pà ndù nnɛ́ ná mà pà Yuda, ńcʉa ná Yěsô Kristo ńgÿo még menò pú’u. Pɔ́ lɔ́ɔn fa’a lé lɔgɔ wég ńgÿo menkwɔɔn.

Galatia 3:19

Ngwɔ́ nyìŋ jú’ ńzɛ́te ngie tà Ssé laa pá’ɔɔn ḿbiŋe ńzába *lepʉ̌ ńtí pɔ́ kɔ́ wɔ́? À lɔ̌ɔn ńzába pɔ́ lélɔg ńgÿo nyìŋ fʉa nò ńzsé ngie à fʉ̌a. Lepʉ̀ la fa’a yé fà’ tà ńdá’ ńkú fʉ̀’ gie nyìŋ Ábalam gẅie Ssé la ka’a mmó ngie áa ye ngàŋ la tó. Á gʉa ná sɛ̌ *lepʉ̌, mbà Ssé la túm mecÿɔ́’ pé, pɔ́ náa mbwo mámekěm.

Galatia 4:2

À lɔɔn ńnyé ńgwɔ́ pɔ́ múɔ mé múɔ, mbà à gẅiin lé jú’ ncwò pʉ̀a pie é tóonte yé mbɔɔ we pʉ̀a pie é líe shúm sé tà lá’ kú ngù’ gie tá we la záb.

Galatia 4:24

Yɔɔn nò ngwɔ́ mé gíŋ ńjú’u nà tsɔ́ shÿó. Panzwě pɔɔn mépʉ́a lɔgɔ ńnyɛɛ *kʉ̀a sépʉ́a. Ndùŋ mvfò *kʉ̀a gwɔ́ gie á la fó ndùm lekwɔ’ɔ́ Sinay. Yɛ̌ *kʉ̀a gÿo, mé zyé gubé é gwɔ́ pɔ́ menkwɔɔn. Á lɔgɔ ńgwɔ́ Agar.

Galatia 4:25

Á gíŋ ńgwɔ́ ngie lezíŋ Agar tsẅé’e nà se sinay, é lekwɔ’ɔ́ sie ée Arabia. Agar lɔgɔ pá’ɔɔn ńgwɔ́ tÿǒsoŋo Yerósalem ye fʉ̀’ɔɔn, á gie pâ pʉ̀a pé metsèm gwɔ́ pɔ́ menkwɔɔn *lepʉ̌.

Galatia 4:31

Mefɛ́ pɔ́ɔn, áa mmó gie á gÿo pege té gubé manzwě gẅie aa nkwɔɔn wɔ́, pege gwɔ̌ pɔ́ gubé manzwě gẅie mé la tá.

Galatia 4:8

Pi laa tsɔ́ fʉ̀’ pi tè ne ńzsé Ssé wɔ́, ńgwɔ́ menkwɔɔn shúm sie mé kwaŋ ngie ée messé, tá’ e tè Ssé wɔ́.

Galatia 4:9

Á píŋ ńgʉa nà fʉ̀’ɔɔn pi ne ńzsé Ssé tà mèŋ n kɔ’ɔ́ fó gɔɔn pɔ́ ngie e Ssé ne ńzsé gẅí. Á piŋ ngǎ pi gíŋe ḿbiŋe nzèm, á tsɛ̀ɛ sɛ̌ shúm sie é té metʉ̀ gẅiin, ńké tè tsɔ́ mmó gẅiin? Pi kwoŋo légíŋe ḿbiŋ nzèm ńzẅíŋ menkwɔɔn mbwo pɔ́b keen?

Kolosia 2:20

Pia Kristo la pú ńkwé, á lɔgɔ pú’u, ńkẅé gẅi mbwo metʉ̀ nzěm mie é sá’a njÿó. Mélà’a kɔ́ mé gíŋe shwóŋó gẅi ngie tsɔ́ shúm ée shúm sie nzse ée mǒ tà pi zẅí’te pá’ fʉ̀’ gie pi gwɔ̌ pɔ́ pʉ̀a yɔɔn njÿó?

Kolosia 2:8

Pi pɔ́ɔn nyìŋ lélɔgɔ zse nò pʉ̀a mesoŋ gie á gwɔ́ pɔ́ fÿɔ́g sẅɛ̀ɛ, éfʉte gẅí, pi gwe ná lejÿɔ̀’ sé. Yɛ̌ gwɔ́ pɔ́ cÿɔ̌ nò gẅie é jʉ́’ʉ ná nùŋe pʉ̀a mesoŋ, ńgíŋ ńjʉ’ʉ nà metʉ̀ mentí mentí mie ée tsɛ̀ɛ njÿó, é té jʉ́’ʉ ná Kristo wɔ́.

Heber 5:12

Pi kɔ’ɔ́ gwɔ́ nà fʉ̀’ɔɔn é cʉ́’ gwɔ́ pɔ́ pàzí’i pʉ̀a nò Ssé tá’, pi giŋé ńne ńtsɔ́ɔn ngie mé gíŋe ńzí’i gẅi menò mie mé zyé mǒ lézí’i nyìŋ nò Ssé. Á gwɔ́ wɔ̌ tà pi nyé ńtsɔ́ɔn pɔ́ lepʉ́, tá mbà pi kɔ’ɔ́ cʉ́’ tsɔ́ɔn pɔ́ mmó léjÿó gie á ne ńtʉte.

Heber 7:16

À tè gwaa gwɔ́ nùŋe pwɔ́’ pá’ɔɔn, á fóo ná tsɔ́ *lepʉ̌ sie mé la záb ngie pʉ̀a mesoŋ giŋe mǒ wɔ́. Á fóo pɔ́ nà metʉ̀ mie ée nà we le gwɔ́. Wɛ̌ le gwɔ́ á gwɔ́ tèmì,