Filipo 3:9 - Nouveau Testament en Ngienboum

⁹ légwɔ́ gie mèŋ n ge cʉ́’ gwɔ́ pɔ́ nà mbwo mé, ńgwɔ́ n de gíŋ ngie n gee tè fʉa mvfò Ssé, mélà’mie mèŋ n zsé *lepʉ̌ pà Yuda wɔ́. Mèŋ n gee mvfò yé ńgwɔ́ tè fʉa ńtí pɔ́ nò gie mèŋ n záb ntʉ́m wɔ̀ɔn ná Kristo, e Ssé zɔ gÿo ngie mèŋ n gwɔ́ nyìŋ nénʉ́ pá’ wɛ̌ nyìŋ wɔ́ gẅie à zǎb ntʉ́m wé ná Kristo.

Filipo 3:9 ပူးပေါင်းရင်းမြစ်များ

Matio 9:13

Áa yɛ̌ tá mèŋ n ne ńgɔɔn né pi ngie: Pi gʉa nzí’i mmó gie yɔ̀ɔn nò gie mé la ŋwe’e lɔgɔ ńgɔɔn: «Mèŋ n kwoŋo tsɔ́ɔn mezìŋe, ńcʉa pwɔ́’ gẅie mé lɔgɔ ńgu’te wɔ̀ɔn». Yɔ̀ɔn aa mmó gie á gÿo, mèŋ n gɔɔn ngie: N ka te tó letóŋ pʉ̀a membóŋo wɔ́, mèŋ n kɔ̌ɔn ńtóo ntí pɔ́ megàŋ mefʉa ngie pɔ́ piŋe mbwó Ssé.

Roma 1:17

Á zɔɔn ńgwaa gwɔ́, nkʉ̀ mbòŋo ne ńgÿo mé zsé pá’ á cʉa pú’u, tá Ssé lɔg pʉ̀a mésoŋ ńtóŋ pʉ̀a pie pɔ́ ée ndʉŋ ndʉŋ mvfò yé á cʉa pɔ́ ndà’ nà pá’ pɔ́ záb ntʉ́m nà yé. E tsɔ̌ nzsè ndyɛ̀’ɛ è tè wó wɔ́. Áa mmó gie mé la ŋwe’e tsɛ̀ɛ ŋwà’ne Ssé ngie: Nyìŋ gẅie aa mvfò Ssé ńgwɔ́ ndʉŋ ndʉŋ ńtí nue à záb ntʉ́m nà yé zɔ ge lá’ gwɔ́ wó.

Roma 10:10

Á nue nyìŋ záb ntʉ́m wé ná Kristo, e Ssé cʉ́’ ńdíe ngàŋ á gwɔ́ pɔ́ ndʉŋ ndʉŋ mvfò yé. Nyìŋ piŋ ńtyé tsetsɛ̀ɛ lá’ ńtsɔ́’ ncwò wé, éshʉa shʉa ńgɔɔn ngie aa nyìŋ Yěsô, e Ssé gÿo á tsẅɛ́.

Roma 16:7

Pi tsyɛ’te Andelonikus pɔ́ Zunias. Pega pɔ́ pǔ ńgwɔ́ pà Yuda, mbà pega pɔ́ ka pǔ ńgwɔ́ ndá tsǎŋ. Pɔ́ ée tsetsɛ̀ɛ megàŋ ntúm mé kwoŋo nò yɔ́b tɛ’. Pɔ́ la zɔɔn ḿvɔg ńgwɔ́ pʉ̀a Kristo tá mèŋ n gÿo ńgwɔ́ yɔ́ɔn.

Roma 5:21

Á cʉa pú’u, e Ssé lɔg pá’ à tsɔ́ɔn mezìŋe mɔ́b, yé zɔ̌ cʉ́’ ńgẅiin wɔ́b, ńgÿo pɔ́ cʉ́’ pʉ̀a pie ee ndʉŋ ndʉŋ mvfò yé, á lɔgɔ sẅé pá’ nò tepòŋ la gÿo legwé gẅiin pʉ̀a mesoŋ, ńzẅéte wɔ́b. E Ssé tsɔ́ɔn mezìŋe mégè ńcÿó gem yégè pú’u, pege zẅɛ́’ɛ Cʉ̀apʉ̀a Yěsô Kristo tá ńgẅiin le gwɔ́ tèmì.

Roma 8:1

Á lɔgɔ ńgwɔ́ ngie pʉ̀a pie é la nnɛ́ ná Yěsô kristo, é té ge lá’ gíŋe gwe ntsaŋ wɔ́,

Roma 8:3

*Lepʉ̌ Mǒsê la tè ku’u légÿo yɛ̌ mmó wɔ́, á nue nyìŋ mesoŋ la lɔg pá’ à fege fege, ńtáte. Tá Ssé la ké ńgÿo yɛ̌ mmó, ńcʉ́’ʉ légÿo, ńtúmo kwà’ Míŋ we á sele ńcʉ́’ʉ nyìŋ mésoŋ, á nyìŋ mesoŋ gẅie aa ngàŋ mefʉa légwɔ́ gie à ge kẅile nyìŋ mesoŋ tsɛ̀ɛ nò tepòŋ. E Ssé la lɔg pú’u, ńzẅé metʉ̀ nò tepòŋ gie á sá’a pʉ̀a mesoŋ.

1 Korento 1:30

Yé Ssé zɔ la temte gẅia Yěsô Kristo, ńdɔgɔ yé ńgÿo yégè zsé nò. E Ssé fó ná ye ńgyá wégè pá’ pà tè fʉa, ńdɔgɔ wégè ńgÿo pʉ̀a pé, ńzá’ nkÿo pù’ nò tepòŋ ná pege.

2 Korento 5:17

Nyìŋ gwɔ̌ tá ńda nnɛ́ ná Kristo, ńcʉ́’ ńgwɔ́ pɔ́ nyìŋ we sẅé, ńgwɔ́ tsɛ̀ɛ ntʉ́m yé à tè gíŋe ńgwɔ́ pá’ à ka zɔɔn ńgwɔ́ wɔ́, mbà à zyě léńnéŋe we sẅé.

2 Korento 5:21

Pá’ ndòon laa twó pege la, e Ssé la kaa menò tepòŋ mégè, ńzába twó Kristo, mbà à la tè tsɔ́ nò tepòŋ gẅiin. À la gÿo pú’u, pá’ pege ge lɔgɔ léla nnɛ́ ná Kristo, é gwɔ́ pʉ̀a pie ée mbwo Ssé ńgwɔ́ ndʉŋ ndʉŋ.

Galatia 2:16

Tá’ peg ké ně ńzsé ngie nyìŋ mésoŋ tè gwaa gwɔ́ nyìŋ gẅie e Ssé cʉ̌’ ńdíe yé pɔ́ pá’ nyìŋ gẅie aa ndʉŋ ndʉŋ mvfò yé, á fóo ná pá’ ngàŋ gɔɔn ngie à kú’te *lepʉ̌ Ssé wɔ́. Á zɛ́te pɔ́ ngie à záb ntʉ́m wé ná Yěsô Kristo. Áa mmó gie á la gÿo peg yég la záb ntʉ́m wég ná Yěsô Kristo, pá’ peg ge gwɔ́ pʉ̀a pie e Ssé cʉ’ʉ́ ńdíe wɔ́b pɔ́ pá’ pʉ̀a pie ée ndʉŋ ndʉŋ. À ké fó pɔ́ ná pá’ peg zǎb ntʉ́m ná Kristo, tà á le gwɔ́ pɔ́ nò gie peg ku’té *lepʉ̌ wɔ́, á nue e Ssé la zɔɔn ńgɔɔn ngie sɔɔn nyìŋ té lá’ gwɔ ku’u légwɔ́ ndʉŋ ndʉŋ mvfò yé à fó ná pá’ ngàŋ gɔɔn ngie à ku’té *lepʉ̌ wɔ́.

Filipo 3:6

N dɔ̌ɔn ńtíɛ kẅǐ nà *lepʉ̌ tɛ’, tà ńtsɔ́’ɔ kwò pʉ̀a Kristo té poŋ. Léku’té *lepʉ̌ lá’ zɔ laa pé’è ńtyɛ’te ngie nyìŋ aa tè fʉa, mbà a lɔɔn ńgwɔ́ mèŋ shwóŋó gẅi ngie n daa tè fʉa.

2 Timote 1:9

À la gÿo pege tsẅɛ́, éfaga wégè ńdɔg ńgÿo pʉ̀a pé. À lɔ̌ɔn těen ńgÿo pú’u, éfóo pɔ́ nà mefà’ mbòŋo mie pege fǎ’ wɔ́, à la cÿó pɔ́ gʉme yégè. Pú’u, mbà njÿó la nyé pɔ́ tè gwɔ̌ wó, kwà’ yé zɔ̌ záb ngie à ge gÿo lɔgɔ Yěsô Kristo, é gÿo pú’u, ná pege.

Titus 3:5

á gÿo pege tsẅɛ́. Pege těen ńtsẅɛ́ɛ á gwɔ́ pɔ́ ngie pege gÿǒ menò mie é tyé ndʉŋ ndʉŋ wɔ́, pege tsẅɛ́ɛ á gwɔ́ pɔ́ ngie à tsɔ́ɔn mezìŋe mégè. À la sɔgɔ wégè, ńdɔg ńgÿo mé zyé wégè lezyé se sẅé, à Zẅìge Ndʉalʉ̌a náa le gwɔ́ we sẅé né pege.

Heber 6:18

Pú’u la, eshúm ée wó sépʉ́a sie à lɔɔn ńgwɔ́ é le kúbe, pá’ e Ssé la ka’a nò mbɔɔ pá’ à la kʉa, é gwɔ́ menò mie á tʉ tà Ssé gɔɔn mé fa’ kékáŋ. Wɛ̌ le gwɔ́ kẅiŋte wég tɛ’, á wég gẅie peg léen ńnyé kɔ̀ɔkɔ́ɔ, nkwaŋá wég cʉ́’ ńtyé pɔ́ nà mmó gie peg zẅí’te mbwo yé.

Ŋwà’ne Jâg 3:2

Pege pǔ fʉate menò ntí ntí pɔ́ tè vʉ’ʉ nyìŋ. Nyìŋ lɔɔn ńgwɔ́ nyìŋ gẅie à laa tóo ńgɔɔn nò é fʉa wɔ́, mbà aa nyìŋ té *lɔ̌’, ńku’u légwoonte mbùm ye ntsèm.

2 Piɛ 1:1

Aa mèŋ Símo Piɛ, nyìŋ gẅie à fa’a fà’ Yěsô Kristo, ńgíŋ ńgwɔ́ ngàŋ ntúm we. Mèŋ n náa yɔɔn ŋwà’ne mbwo pi pie pi la záb ntʉ́m ná Yěsô Kristo pá’ peg yég. Lezǎb ntʉ́m ná Yěsô Kristo áa mmó tʉ̀ nzẅìŋ mbwo pi mbɔɔ mbwo peg yég. Yěsô Kristo yé maŋwɛ́ zɔ la gÿo pú’u, né pege, á nue à gÿo mmó nà wɔ̌ɔwɔɔ pɔ́ ndʉŋ ndʉŋ. Aa Ssé yege, ńgwɔ́ nyìŋ gẅie á gÿo pege tsẅɛ́ɛ.

1 Jâŋ 3:4

Nyìŋ lɔɔn ńnéŋe ńgÿo nò tepòŋ, mbà ngàŋ lʉ’ʉ légiŋe ná *lepʉ̌ Ssé, à nue legÿo nò tepòŋ aa lelʉ’ʉ légiŋe ná *lepʉ̌ Ssé.