Filipo 3:2 - Nouveau Testament en Ngienboum

² Pi pɔ́ɔn pàzí’i pʉ̀a mmó pie ée pè tepòŋ! Mefà’ mɔ́b ée mbwo Ssé é sẅile sẅile! Ayɔ́b nò wɔ́ pɔ́ ngie mé lɔɔn tè nyìŋ pú’, e Ssé légÿo á tsẅɛ́ wɔ́.

Filipo 3:2 ပူးပေါင်းရင်းမြစ်များ

Matio 24:10

Á ge lá’ gwɔ́ gwɔ́ tà pʉ̀a tà ńgyɔ́ɔn tsetsɛ̀ɛ pi le gíŋe ńzáb ntʉ́m ná mèŋ wɔ́, pɔ́ sele sẅiŋ mennɛ́ mɔ́b, ésele ḿbʉa mennɛ́ mɔ́b.

Matio 7:15

Pi laga twó gí nà pʉ̀a pie é cÿɔɔ nò ngie pɔ́ ee pà *ntsẅì nkʉ̀ Ssé. Pɔ́ gwaa tóo lejʉ́ŋ pi ḿma’ *ngùb *njʉ̀njÿò tá nkwaŋá wɔ́b gwɔ́ pɔ́ we menɔ́ɔn ngẅi.

Matio 7:6

Tà pi náa mmó gie aa yé Ssé, á mbwó ngwé. Tà pi ma’a tɔgɔ́ tsye gí á mvfò mekúnɔ́ɔn. Pɔ́ ge neŋte nê mekwó é piŋ sele nnɛ́ lúmte gẅí.

Roma 2:28

Mé zɔɔn tè gwɔ́ zsé kwà’ nyìŋ pà Yuda, á nyìŋ Ssé, ńdɔg pɔ́ mmó gie mé ne ńgyá nà ye á nzème pǐ wɔ́, lézsé nyìŋ gẅie mé la pú’u yé á té gwɔ́ pɔ́ ndà’ légyá pá’ mé la zá’a jʉ’ʉ nnɛ́ yé wɔ́.

2 Korento 11:13

Epʉ̀a ápɛ̌ é té kwà’ megàŋ ntúm Kristo wɔ́, pɔ́ cÿɔ nò ngie pɔ́ fa’a fà’ Kristo. Mbà pɔ́ léen ńgÿo tà ńgwɔ́ gie mé lɔɔn ńgyá wɔ́b mé gɔɔn ngie ée megàŋ ntúm Yěsô.

Galatia 5:13

Mefɛ́ pɔ́ɔn, á gʉa ná pi, mbà Ssé la tóŋo gẅi pá’ pi ge tsẅɛ́ nkwɔɔn *lepʉ̌. Tá’ tà pi zẅɛ’ pú’u, ńgÿo mmó gie mbùm gi zɔ sá’a gwí pi gÿo. Tà ńcʉ́’ pú’u, pi lɔg pá’ nkwòŋe ee tsetsɛ̀ɛ pi ńkẅéte mennɛ́ mí.

Galatia 5:15

Tá ńgwɔ́ gie pi lɔɔn ne ńgÿo pá’ menɔ̀ɔn mbà’ pie ée ssé ne ńdúmte membùm mɔ́b, ńnéŋe mefʉ̌ŋ, pi laga twó gí, á nue pi ee pú’u, ńcʉ́’ʉ fa’a pɔ́ lécʉŋte mennɛ́ mí.

Galatia 5:6

Á nue nyìŋ lɔɔn ńda nnɛ́ ná Kristo, mbà mé lépú’u yé kà lényé té pú’u yé wɔ́, á té tsɔ́ nò wɔ́. Lezǎb ntʉ́m ná Kristo ḿbiŋ ńkwoŋ pʉ̀a mesoŋ zɔɔ nò.

Filipo 3:19

Emɔ́b melyɛ̌’ ge lá’ maga tsɛ̀ɛ njÿó, pɔ́ gee lepÿé mmɔ̌g, mélà’mie yɔ́b ssé gwɔ́ pɔ́ lepfòm sɔ́b. Pɔ́ kága nà mmó gie eshʉ́ kɔ’ɔ́ kúu wɔ́b mǒ kǔ, ewɔ́b nkwaŋá piŋ ńtyé pɔ́ nà shúm njÿó.

Filipo 3:3

Pege pɔɔn zɔ ee pʉ̀a pie mé la kwà’ ḿbú’u wégè. Pege zɔ̌ gwɔ́ pʉ̀a pie é gwɔ ne gu’te Ssé, ńne ńzẅí’te nò ncwò Zẅìge yé. Pege lɔgɔ pɔ́ Yěsô ńka’te, à lɔɔn ńgwɔ́ pege zɔɔn le lɔg shúm sie pʉ̀a mesoŋ gÿo ńtí mà lá’ gwɔ́b ńdɔg ńka’te wɔ́ le.

1 Timote 1:19

Ɔ̀ lɔɔn ńcʉ́’ʉ lélÿɔ́’ wɛ̌ ncù, ɔ̀ lɔg pɔ́ lézáb ntʉ́m nà Ssé, ḿbiŋ ḿbɔ́ɔn légÿo mmó gie mbùm jù ge cúa gú mǒ. Mbùm tsɔ̌ lelÿò pʉ̀a la cúa wɔ́b, pɔ́ lʉ’ʉ lé jú’, wɔb lézáb ntʉ́m nà Ssé kúu pyé.

Titus 1:16

Pɔ́ tyé ńgɔɔn ngie pɔ́ ne ńzsé Ssé, tá menò mie pɔ́ gÿo nyɛɛ ngie pɔ́ té Ssé zsé. Pɔ́ tʉʉ twó tɛ’, ńgÿo mmó gie á sẅile sẅile, ńgwɔ́ pɔ́ zɔɔn legÿo nò mbòŋo wɔ́.

2 Piɛ 2:22

Mbà mmó gie á gÿǒ wɔ́b, á lɔgɔ ḿbúmte pá’ sag lekid la gɔɔn ngie: «Mengwe zé’e ḿbíŋ ńjÿó ze’é yé. Mé sɔgɔ kúnɔ́ɔn tà ńgwaa tsẅé jʉ’ à gʉa ńkele tsɛ̀ɛ tetɔ́b».

Jẅide 1:4

Mèŋ n gɔɔn pá’ɔɔn nue tsɔ́ pʉ̀a kéen ńzɔɔn shú ńkúu tsetsɛ̀ɛ pi, pɔ́ ne sele shÿó nò mbòŋo gie e Ssé yege la lɔg ńcÿó gʉm yégè, pú’u lépʉ́le ńgÿo menò shʉ́ mɔ́b. Pɔ́ lɔgɔ pú’u, ḿmoŋe Yěsô Kristo, á gwɔ́ ndà’ Ndè wege, yé gíle yé zɔ gẅiin wégè. Pɔ́ ée pʉ̀a tepòŋ, ńgwɔ́ pʉ̀a pie ntyě sǎg pá’ ŋwà’ne Ssé la lá’ ńgɔɔn ntí ngʉ̀ngʉ̀ gie e ku’u ná pɔ́b.

Ŋwà’ne Ngyà jʉ’ 2:9

Mèŋ n ne ńzsé ngʉ̀ngʉ̀ gi, ńne ńzsé ngie pi gwɔ́ pɔ́ mepóŋ, tá’, ńké ńgwɔ́ nà lezsě Ssé ńgwɔ́ ngàŋa mmó. Mèŋ n giŋé ńne ńzsé ngie pʉ̀a pie pɔ́ gɔɔn ngie pɔ́ ée pà Yuda, tá ńké ńdɔgɔ pɔ́ ncwò ńgɔɔn, pɔ́ ne ńkíme lezíŋ sí té poŋ. Pɔ́ gwɔ́ pɔ́ pʉ̀a pe cú’tè ye Sátà.

Ŋwà’ne Ngyà jʉ’ 21:8

Tá ńké ńgʉa nà metsóon, mbɔɔ ná pàzẅíŋ ḿbiŋ ńdʉ’, mbɔɔ ná pàgÿo menò ncÿǒ, mbɔɔ ná pàzẅéte pʉ̀a, mbɔɔ ná pàgÿo menò mpfwɔ́’, mbɔɔ ná pàgẅiin mekàŋ, mbɔɔ ná pàgu’te shúm ngie ee messé, ńgÿo megàŋa cÿɔ̌ nò metsèm, mbà yɔ́b mmó gie mé ge gÿo lɔg tsɔ́’ɔ fà’ yɔ́b áa pá’ mé ge gÿo ma’a wɔ́b á tsɛ̀ɛ lepÿé mmɔ̌g *mekʉ̀a, á lɔgɔ ńgwɔ́ lekwé ńgʉa mbʉ́a.

Ŋwà’ne Ngyà jʉ’ 22:15

Tá ńké ńgʉa ná pàgÿo menò pá’ ngwé, é pàgẅiin mekàŋ, é pàgÿo menò mpfwɔ́’, é pàzẅéte pʉ̀a, é pàgu’te shúm ngie ee messé, mbɔɔ wɔ̌wɔ́ɔ gẅie à kwoŋ cÿɔ̌ nò, tà shwóŋó yé pɔ́ cÿɔ̌ nò, megàŋ zso nzème pǐ.

Ŋwà’ne Ngyà jʉ’ 3:9

Mèŋ n ge gÿo sẅiŋ pʉ̀a pe cú’tè ye Sátà, á mbwo pi, é megàŋa cÿɔ̌ nò pie pɔ́ gɔɔn ngie pɔ́ ée pà Yuda, tá ńké ńdɔgɔ pɔ́ ncwò ńgɔɔn. Mèŋ n ge tsóte wɔ́b, pɔ́ tó ńkẅí’te mvfò pi, ńzẅíŋ ngie n kwoŋo gẅí.