Filipo 2:2 - Nouveau Testament en Ngienboum

² Pá’ áa pú’u la, pi gÿo n kág lê ntʉ́m wɔ̀ɔn ntsèm, pi ké ne ńgẅiin pɔ́ tà’ nkwaŋá, ńgẅiin pɔ́ tà’ ncwò, ńgẅiin pɔ́ tà’ ntʉ́m, ńgíŋ ńgẅiin pɔ́ tà’ ntí letsɔ̌ɔn nò.

Filipo 2:2 ပူးပေါင်းရင်းမြစ်များ

Ŋwà’ne Jâŋ 3:29

Nyìŋ gẅie à zɔ́’ɔ manzwě zɔ aa ndǔm manzwě. Ashǔ ndǔm tyé lejʉ́ŋ ndǔm, á gɔɔn nò, á jú’ ngyè ye, anò poŋo yé tɛ’. Mèŋ n ne ńkága yɔ́ɔn pɔ́ pú’u, ḿbiŋe ńkága tà ḿmaga ntʉ́m wɔ̀ɔn.

Megàŋ ntúm 1:14

Pɔ́b métsèm lɔ́ɔn ńdɔgɔ tà’a zẅìge ésẅíŋte Ssé té tsó, pâ Malîɛ má pà Yěsô, ńgÿo petsɔ́ pànzwě mbɔɔ mefɛ́ Yěsô.

Megàŋ ntúm 2:1

Alyɛ’ɛ́ línɔ́ɔn gie mé tóŋo le Paŋtekɔ̂d gÿo ńtó, á gwɔ gwɔ, mbà megàŋa kwò Yěsô cu’té tà’a jʉ’ métsèm.

Megàŋ ntúm 2:46

Á lɔ́ɔn ńgwɔ́ ngwòŋ lyɛ̌’ ntsèm, lelè’e wɔ́b gwɔ́ ngie pɔ́ cú’te *jʉ’ʉ Ssé. Pɔ́ kúu mendá ḿbute ḿpfɛ́ shúm, ńjyó shúm lejÿo pɔ́ nê lekág. Wɔ̌wɔɔ gẅiin pɔ́ ntʉ́m mbòŋo.

Megàŋ ntúm 5:12

Megàŋ ntúm la ne ńgÿo menò mmɔɔn mmɔɔn lâ mekʉ’ʉ́ menò mentí mentí tsɛ̀ɛ lá’. Pɔ́ pʉ̀a Kristo metsèm lɔ́ɔn mbú ńtóo ńcú’te nà jʉ’ gie mé lɔ́ɔn ńtóŋo le ncwò kɔ̀’ Salomo.

Roma 12:16

Pi gẅiin tà’ ncwò tsetsɛ̀ɛ pi, tà pi tsɔ́ɔn pɔ́ mencwò fà’ melÿò, pi zẅíŋe légÿo mefà’ mie é ku’ ku’, tà pi kwaŋ ngie pi zsé nò.

1 Korento 1:10

Mefɛ́ mefɛ́, n dɔ̌g lezíŋ Cʉ̀apʉ̀a wege Yěsô Kristo ńgɔɔn né pi ngie: Pi gwɔ́ tà’ ncwò, ńgie tà fàgte gwɔ́ tsetsɛ̀ɛ pi, ńgie pi gẅiin tà’ ntí lesaŋá nò, ńgẅiin tà’ nkwaŋá.

2 Korento 13:11

Á nà fʉ̀’ɔɔn mefɛ́ pɔ́ɔn, pi ńnéŋe nê lekág. Pi ne fa’a shÿó pá’ tsɔ́ *lɔ̌’ té ge gwɔ́ tsetsɛ̀ɛ pi wɔ́. Pi ne ńkẅiŋte mennɛ́ mí. Pi ne ńgẅiin tà’ ncwò, ńnéŋe lê mbʉ́lè, à cʉa pú’u, e Ssé, yé gẅie à gẅiin nkwòŋe pɔ́ mbʉ́lè gwɔ́ tsetsɛ̀ɛ pi.

2 Korento 2:3

Áa mmó gie á ka gÿo n ŋwe’e pɔ́ ŋwà’ne ńnáa mbwo pi, á nà ntí gie n ka ŋwe’e la, n ka tè ne ńkwoŋo lé lêen tóo lá’ pi, ńgyá pʉ̀a pɔ́ gÿo mèŋ n gẅiin lémÿɔg tá mbà pɔ́ kɔ’ɔ́ gÿo ntʉ́m wɔ̀ɔn kág kág wɔ́. N ne ńzsé mboŋó ngie n dɔɔn ne ńkága, mbà pi ge kág gí.

2 Korento 7:7

E Ssé tè lɔg pɔ́ ndà’ pá’ Titus tǒ wɔ́, á gíŋ ńdɔg mbɔɔ pá’ pi la tsí’i ntse nÿɔ́g Titus yé. Titus ka pité, éshwóŋó wég ntí gie pi ne ńtsɔ́ɔn légyá wɔ̀ɔn pú’u, ńgíŋ ḿbíte ntí gie pi ne ńdɔgɔ ḿmÿɔgɔ nò yɔ́ɔn pú’u, ńgíŋe shwóŋó wég pá’ pi tyé létág nzèm yɔ̀ɔn pú’u. Tà mèŋ n jú’, anò gíŋe ńkẅi’i ḿboŋo wɔ̀ɔn tɛ’.

Filipo 1:4

N gwɔ́ sẅíŋte Ssé nà twó sí fʉ̀’ ntsèm, ntʉ́m wɔ̀ɔn ne ńkága kǎg,

Filipo 2:16

Pú’u, pi lɔgɔ pá’ pi ne ńtsẅii nkʉ̀ mbòŋo mbwo pɔ́b, é gẅie é gÿo mé gẅiin le gwɔ́ tèmì. À lá’a lyɛ̌’ gie Kristo gǐŋ ńtó, n díe gẅí, à nò gí poŋo wɔ̀ɔn. Wɔ̌wɔ́ɔ gyá ngie mefà’ mie mèŋ n da gyá ngɔ́’ fa’ é la tè cʉa sẅɛ̀ɛ wɔ́.

Filipo 2:20

é gwɔ́ pɔ́ ndà’ yé gẅie peg yé ne sáŋa nò ná menò mie ée ná mèŋ, ńgíŋe ne ḿmÿɔgɔ mí.

Filipo 4:2

Mèŋ sẅiŋté Evodie pɔ́ Sintishe ngie pɔ́ gwɔ́ tà’ ncwò á nue pɔ́ métsèm gwɔ́ pɔ́ pʉ̀a Cʉ̀apʉ̀a,

Kolosia 2:5

Mèŋ n tsɛ ńgwɔ́ ngʉ̀a shʉ̀shʉ̀a, tá nkwaŋá wɔ̀ɔn tyé pɔ́ ná pi. Mèŋ n ne ńkága á nue mèŋ n zsě ngie pi ne ńtáŋte menò mí mboŋó, ḿbiŋ ńkú’te nò Kristo tà á tʉ.

2 Tesalonika 2:13

Mefɛ́ mefɛ́, pie e Ssé kwoŋo wɔ́b, á gʉa ná peg, mbà peg gẅiin lésíe Ssé fʉ̀’ ntsèm ńtí gẅí, mélà’mie à la tsɔ́’ɔ gẅi tà fó nzyète légwɔ́ gie pi ge tsẅɛ́. Pi tsẅɛ́ɛ ńtí pá’ a Zẅìge Ndʉalʉ̌a ne ńgÿo pi gwɔ́ pʉ̀a Ssé, mbɔɔ pá’ pi záb ntʉ̀m nà nò gie áa nénʉ́.

2 Timote 1:4

N daa lege pá’ pɔgɔ la gwaa fege ɔ̀ lʉa wɔ́. N ne ńtsɔ́ɔn tɛ́’ pá’ à lɔɔn ńgwɔ́ n gíŋe ńgyá gú, anò poŋo wɔ̀ɔn.

Filemo 1:20

Á fɛ́ wɔɔn, tsétsɔ’ lɔg lezíŋ Cʉ̀apʉ̀a ńgÿo mmó gie mèŋ n ne ńdúɔ mbwo gù. Lɔg pá’ pɔgɔ pǔ ńda nnɛ́ nà Kristo, ḿbʉ́le ntʉ́m wɔ̀ɔn.

2 Jâŋ 1:4

Anò ka pǔ ḿboŋo wɔ̀ɔn tɛ’ pá’ n ka jǔ’ ngie tsɔ́ penkʉ́ pú ne ńgiŋe ná mánzsè nò nénʉ́ pá’ Tá wege la tsẅi né pege la.

3 Jâŋ 1:4

Awɔ̀ɔn máamáa lekág à gwɔ̌ pɔ́ lé jú’ ngie penkʉ́ pɔ́ɔn ne ńgiŋe pɔ́ pá’ nò nénʉ́ ne ńzɛ́te.