Filipo 2:1 - Nouveau Testament en Ngienboum

¹ Tà légwɔ́ gie pi laa Kristo léen ńtemte zɔ tè ne ńgÿo pi kẅi’i shÿɔgɔ wɔ́? Tà ntí gie Kristo lɔg ńkwoŋo gẅi zɔ tè ne ńkẅiŋte gẅi wɔ́? Tà pia Zẅìge Ndʉalʉ̌a zɔ tè nùɔ wɔ́? Tà pi tè gẅiin nkwòŋe laa tsɔ́ɔn mezìŋe á tsetsɛ̀ɛ pi wɔ́?

Filipo 2:1 ပူးပေါင်းရင်းမြစ်များ

Kolosia 3:12

E Ssé la kwoŋo gẅí, ńtsɔ́’ɔ gẅí, ńdɔg ńgÿo pʉ̀a pé. Pú’u la, pi píi tsẅé sẅé ḿma’, ńtsɔ́ɔn mezìŋe petsɔ́ pʉ̀a tɛ’, ńgẅiin pòŋo ntʉ́m, ńná nnɛ́ ssé, ńgwɔ́ ngàŋ mbʉ́lè, ńgẅiin shÿɔ̀gɔ ntʉ́m.

1 Jâŋ 4:12

Atsɔ̌ nyìŋ gẅie à lǎ záb lejÿɔ́g nà Ssé à tè wó wɔ́. Tá ńgwɔ́ gie pege lɔɔn ńgẅiin nkwòŋe tsetsɛ̀ɛ pege, mbà pega Ssé lɔgɔ ńgwɔ́, nkwòŋe ye lɔgɔ ńcwoŋo ńgwɔ́ ná pege tà mmó té zága mǒ wɔ́.

Kolosia 2:2

Mèŋ n gÿo pú’u, lélɔg ńnéŋ ntʉ́m wɔ́b, nkwòŋe temte wɔ́b, mbɔɔ pá’ pɔ́ ge nyɛte zsé nò gie aa ná Kristo, éfó mǒ é zsé ntsem Ssé gie à ka gÿo peg zsé, yɛ̌ ntsem gwɔ́ pɔ́ Kristo yé máŋwɛ́.

1 Korento 12:13

Á nue e Ssé la lɔgɔ tà’ Zẅìge wémɔ’ɔ́ ḿbú ńtemte wégè metsèm légwɔ́ gie pege ge lɔg pú’u, é gwɔ́ tà’ mbùm nnɛ́, epʉ̀a lɔɔn ńgwɔ́ pɔ́ pà Yuda, kà pɔ́ pʉ̀a pie é té pà Yuda wɔ́ wɔ́, ńgwɔ́ pɔ́ menkwɔɔn kà púɔ lá’ gwɔ́, mbà Ssé la pú ńnéŋe tà’ Zẅìge wémɔ’ɔ́ á ntʉ́m pege pɔ́ metsèm.

Galatia 5:22

Tá’, menò mbòŋo mie Zẅìge Ndʉalʉ̌a gÿo nyìŋ gÿo é mɔɔn ńgwɔ́ légẅiin nkwòŋe, ńgwɔ́ léńnéŋe nê lekág, ńgwɔ́ léńnéŋe lésẅete, ńgwɔ́ légẅiin kwɔ́gɔ nnɛ́, ńgwɔ́ létyé lékẅéte pʉ̀a, ńgwɔ́ légẅiin pòŋo ntʉ́m, ńgwɔ́ léńnéŋe té gwɔ́ ngàŋ mepàb,

Galatia 4:6

Áa nénʉ́ pi ee kwa’ púɔ Ssé. Aliŋé áa pá’ Ssé la ńnéŋe Zẅìge Míŋ we tsɛ̀ɛ mentʉ́m mégè, á Zẅìge gie á gÿo pege tóŋo Ssé le Abba. Á lɔgɔ ńgɔɔn ngie Tá wɔɔn.

Megàŋ ntúm 4:32

Anùɔ pʉ̀a Yěsô lɔ́ɔn ńgẅiin pɔ́ tà’ ncwò, ńgẅiin pɔ́ tà’ ntʉ́m. Atsɔ̌ nyìŋ ná pɔ́b lɔ̌ɔn tě ńgẅiin mmó ngie á gwɔ́ pɔ́ yé wɔ́. Pɔ́ lɔ́ɔn ńteme shúm tem.

1 Jâŋ 3:24

Nyìŋ gẅie à kú’te mbʉ̌ Ssé, à ké ńda nnɛ́ nà Ssé la, e Ssé la nnɛ́ ná yé. Pege fó nà Zẅìge Ndʉalʉ̌a gie Ssé nǎ mbwo pege, ńzsé ngie e Ssé la nnɛ́ ná pege.

Ŋwà’ne Jâŋ 17:13

Áa nà fʉ̀’ɔɔn mèŋ n ne ńtóo né lejʉ́ŋ gù. Tá’ n kě ńtyé tsɛ̀ɛ njÿó ńgɔɔn yɔɔn shwóŋè légwɔ́ gie pɔ́ ge gẅiin wɔɔn lekág ntʉ́m pɔ́b, á kwà’ lekág.

1 Jâŋ 4:16

Á gʉa ná peg, mbà pɔ́ ne ńzsé pá’ Ssé kwoŋo wég pú’u, peg ka gyá yɛ̌ ntí nkwòŋe tà ńzẅíŋ. E Ssé gẅiin pɔ́ nkwòŋe, nyìŋ lɔɔn ńne ńkwoŋo pʉ̀a mesoŋ, mbà ngàŋ la nnɛ́ nà Ssé, e Ssé la nnɛ́ ná yé.

Filipo 3:3

Pege pɔɔn zɔ ee pʉ̀a pie mé la kwà’ ḿbú’u wégè. Pege zɔ̌ gwɔ́ pʉ̀a pie é gwɔ ne gu’te Ssé, ńne ńzẅí’te nò ncwò Zẅìge yé. Pege lɔgɔ pɔ́ Yěsô ńka’te, à lɔɔn ńgwɔ́ pege zɔɔn le lɔg shúm sie pʉ̀a mesoŋ gÿo ńtí mà lá’ gwɔ́b ńdɔg ńka’te wɔ́ le.

1 Korento 3:16

Pi tè ne ńzsé ngie pi ee pɛ́’ɛ̀ ńgwɔ́ *jʉ’ʉ Ssé, à Zẅìge Ssé tsẅé tsoló wɔ́ ka?

Roma 8:26

Lézẅí’te ŋwɛ́ giŋé ńgwɔ́ pɔ́ ndʉŋ ndʉŋ pá’ Zẅìge Ssé tó ńkẅéte wégè pie pege kʉ́a kʉ̌a. Pege tè zsé lésẅíŋte Ssé nà ntí gie á ne ńzɛ́te wɔ́, à Zẅìge Ssé sẅíŋte Ssé nà twó ségè, à we létsẅi pá’ nyìŋ tsẅii la tɔ́gɔ mmó gie ńgwɔ́ pege gɔɔn mbwo Ssé.

Roma 5:5

Pege kě těen ńzẅí’te pú’u, pɔ́ jʉ’e sẅɛ̀ɛ wɔ́, á nue Ssé kéen fó nà Zẅìge yé gie à ka nǎ né pege, ńnyɛɛ wege pá’ɔɔn tɛ’ ngie à kwoŋo wégè.

Megàŋ ntúm 2:46

Á lɔ́ɔn ńgwɔ́ ngwòŋ lyɛ̌’ ntsèm, lelè’e wɔ́b gwɔ́ ngie pɔ́ cú’te *jʉ’ʉ Ssé. Pɔ́ kúu mendá ḿbute ḿpfɛ́ shúm, ńjyó shúm lejÿo pɔ́ nê lekág. Wɔ̌wɔɔ gẅiin pɔ́ ntʉ́m mbòŋo.

1 Piɛ 1:2

E Ssé Tá la tsɔ́’ɔ gẅí, á gwɔ́ pá’ à la lá’ ńtʉ́ njÿó ńzáb, ḿbiŋ ńcʉa nà Zẅìge yé ńgÿo pi cʉ́’ pʉ̀a pé, légwɔ́ gie pi ge jú’ ncwò Yěsô Kristo, à lɔg metse mé é sɔgɔ gẅí. E Ssé ne ńgwɔ́ né pi, ńnáa sẅétè né pi tà à gyɔ́ɔn gyɔ́ɔn.

Heber 6:18

Pú’u la, eshúm ée wó sépʉ́a sie à lɔɔn ńgwɔ́ é le kúbe, pá’ e Ssé la ka’a nò mbɔɔ pá’ à la kʉa, é gwɔ́ menò mie á tʉ tà Ssé gɔɔn mé fa’ kékáŋ. Wɛ̌ le gwɔ́ kẅiŋte wég tɛ’, á wég gẅie peg léen ńnyé kɔ̀ɔkɔ́ɔ, nkwaŋá wég cʉ́’ ńtyé pɔ́ nà mmó gie peg zẅí’te mbwo yé.

Filipo 1:8

E Ssé ne ńzsé ngie mèŋ n neŋé ńtsɔ́ɔn légyá gẅi tɛ’, ḿbiŋ ńzsé ngie mèŋ n kwoŋo gẅi lê ntʉ́m wɔ̀ɔn ntsèm, ndʉŋ ndʉŋ pá’ Yěsô Kristo.

Efeso 4:4

Mbùm nnɛ́ Kristo ee yémɔ’ɔ́, a Zẅìge ndʉalʉ̌a gwɔ́ yémɔ’ɔ́ ndʉŋ ndʉŋ pá’ mmó gie e Ssé la tóŋo gẅí, pi ne ńzẅí’te á gwɔ́ pɔ́ yémɔ’ɔ́.

2 Korento 2:14

Tá’, peg ge ké ná pɔ́ ndǎg mbwo Ssé, á nue peg lɔɔn ńgwɔ́ pɔ́ nzɔ̌ wɔ́, mbà à ge gÿo peg gwɔ́ pɔ́ ná mánzòŋ Kristo, mbà yé Kristo jÿǒ ncù. Yé Ssé lɔgɔ wég ńgÿo mé zsé Kristo jʉ’ ntsèm, pá’ mmó gie mé túɔ, àgyě kwɔ́’ɔ ésa jʉ’ ntsèm la.

1 Korento 15:31

Mefɛ́ pɔ́ɔn, lyɛ̌’ ntsèm mèŋ n tsẅíle ncwò legwé tsẅíle, n gɔɔn pá’ɔɔn, ammó gie n dɔg ńzá’ nkwèen ngie áa nénʉ́, á gwɔ́ pá’ n dɔgɔ gẅi ńka’te tɛ’, ńcʉa ná pá’ pege pǔ ńgwɔ́ nzèm Cʉ̀apʉ̀a wege Yěsô Kristo.

Ŋwà’ne Jâŋ 14:27

Tà pi cʉ́’ nzèm ntʉ́m gẅi gíŋe ḿvɛ, tà pi cÿɔ’. Mèŋ n ge néŋ mbʉ́lè tsɛ̀ɛ ntʉ́m gẅí, e gwɔ́ mbʉ́lè gie e fóo ná mèŋ, e tè gie mé fa’a tsɛ̀ɛ yɔɔn njyó wɔ́.

Ŋwà’ne Jâŋ 14:18

Mèŋ n těen ńge ńnyé gẅi pi gwɔ́ púɔ metsé wɔ́. Mèŋ n ne ńtóo ne lejʉ́ŋ pi.

Lukase 2:25

Á gwɔ́ fʉ̀’ó, tsɔ̌ nyìŋ gwɔ́ Yerósalem, lezíŋ sé gwɔ́ le Simeon, á gwɔ́ nyìŋ, ńkú’te *lepʉ̌ Ssé ḿbiŋ ńjú’ ncwò wé. Mbà aa ńzɔ́gɔ ńzẅí’te nyìŋ gẅie à ge lá’ tó, pà Israel lɔgɔ yé ńtʉ, à Zẅìge Ndʉalʉ̌a gwɔ́ ntʉ́m yé.