Filemo 1:24 - Nouveau Testament en Ngienboum

²⁴ Mbɔɔ Malékuse, mbɔɔ Alistag, mbɔɔ Ndemas pɔ́ Lukase pie pegá pɔ̌ pǔ fa’a tà’a fà’.

Filemo 1:24 ပူးပေါင်းရင်းမြစ်များ

Megàŋ ntúm 12:12

Piɛ kwaŋte, ńgʉa ne ndá Malîɛ, má pà Jâŋ gẅie mé gíŋe ńtóŋo yé lê Malékuse. Á gwaa gwɔ́, mbà pʉ̀a Kristo cu’té tà ńgyɔ́ɔn ne sẅíŋte Ssé.

Megàŋ ntúm 12:25

Panebâse pɔ́ Sɔ̂l gwɔ́ tà ḿmaga yɔ́b fà’ gie mé ně ńtúmo wɔ́b mǒ Yerósalem, ńgwɔ́ piŋe Antiokia ńdɔgɔ Jâŋ gẅie mé tóŋo yé lê Malékuse ńgʉa.

Megàŋ ntúm 13:13

Pɔl pâ pʉ̀a pie pâ pɔ́ laa nùɔ, kúu kanú’ á tÿǒsoŋo Pafos, ńgʉa lê tÿǒsoŋ Pɛrge gie áa tsɛ̀ɛ ngwòŋ Panfilia. Jâŋ Malékuse gʉa tà ńkúu wó, ńnyé wɔ́b ḿbiŋ nê Yerósalem.

Megàŋ ntúm 19:29

Àtÿǒsoŋ ntsèm ntsèm pú ńtága. Alá’ gwoon Gaẅis pɔ́ Alistag, é gwɔ́ pʉ̀a Makedonia pie pâ Pɔl kɔ́ɔn ńgiŋe, éshwoŋo wɔ́b ńdɔg ńgʉa nê ndùmo tsɔ̌ ntí gyɛ̌ gie mé cú’te wó, ńgÿo megʉa.

Megàŋ ntúm 27:2

Peg gwɔ kúu *máamáa kanú’, á gwɔ́ gie á fóo lê tÿǒsoŋo Andelamite, é ge gʉa ngʉ̀ŋe metÿǒsoŋ mie ée nkʉ̀ŋ ntse, á tsɛ̀ɛ pàga ngwòŋ Azia. Peg lâ tsɔ̌ nyìŋ gwɔ́ nùɔ. Lezíŋ sé gwɔ́ lê Alistag. Mbà mé la zyé yé tÿǒsoŋo Tesalonika, á tsɛ̀ɛ ngwòŋ Makedonia, peg cʉ́me mánzsè.

2 Korento 8:23

Á gʉa ná Titus, mbà aa *ngàŋa kwò wɔ̀ɔn, à ne ńkẅéte wɔ̀ɔn nà fà’ gie mèŋ fa’a ńtí gẅí, ńgʉa ná pɔɔn mefɛ́ pégè mépʉ́a, mbà pɔ́ ée pʉ̀a pie mecú’tè pʉ̀a Kristo kà tumó wɔ́b, ée pʉ̀a pie yɔ́b fà’ kwé’e lezíŋ Kristo ńnáa tÿǒ.

Filipo 2:25

Mèŋ n ka kě ńgyá ngie á poŋ, n gÿo fɛ́ wege Epafolodite piŋ nzèm, ńtsɛ́ɛ gẅí. Á yé gẅie pi ka túmo yé á tó ńná shúm sie é ka ne ńzága mbwo mèŋ lá. Àa nyìŋ gẅie peg yé lǎ zye fà’, ńzye ńdÿɔ́’ ncù ná nò Yěsô Kristo.

Filipo 4:3

ḿbìŋ ńgʉa ná gù, kwà’ shǔ wɔ̀ɔn tsɛ̀ɛ fà’, mèŋ n ne sẅíŋte gú ngie ɔ̀ kẅéte wɔ́b, ée pánzwě pie pega pɔ̌ nê Kelemaŋ ka pǔ ńdÿɔ́’ ncù ná nò nkʉ̀ mbòŋo. Pega tsɔ́ pʉ̀a la gíŋe ńgwɔ́, tà mezíŋ mɔ́b ée tsɛ̀ɛ ŋwà’ne gie áa mbwo Ssé.

Kolosia 4:10

Alistag gẅie peg yé pǔ ńgwɔ́ ndá tsǎŋ, à tsyɛ’té gẅí. Malékuse gẅie aa míŋ fɛ́ Panebâse giŋé ńtsyɛ’te gẅi yé. Mèŋ n ka zɔɔn ńkíme yé mbwo pi. À lɔɔn ńkúu jʉ’ɛ, pi kúe yé mboŋó.

Kolosia 4:14

Ashǔ wege Lukase, á lɔ́gta lÿò, mbɔɔ Ndemas tsyɛ’té gẅí.

1 Piɛ 5:13

Acú’tè pʉ̀a Kristo gie áa Mbabilonia tsyɛ’té gẅí. E Ssé la tsɔ́’ɔ wɔ́b yɔ́b pá’ pi. Míŋ wɔ̀ɔn Malékuse tsyɛ’té gẅi yé.

3 Jâŋ 1:8

Pú’u la, pege pʉ̀a Kristo gẅiin lékẅéte mefɛ́ mefɛ́ pá’ pɛ̌, légwɔ́ gie pega pɔ̌ ge lɔg púte gÿo nò nénʉ́ sa jʉ’.