Filemo 1:12 - Nouveau Testament en Ngienboum

¹² N tumó yé ngie à piŋ nzèm ńtsɛ́ɛ gú. Aa pɛ́’ɛ̀ ńgwɔ́ tʉ́m yɔ́ɔn.

Filemo 1:12 ပူးပေါင်းရင်းမြစ်များ

Malékuse 11:25

Afʉ̀’ gie ɔ̀ ne sẅíŋte Ssé lá, ńgwɔ́ gie nyìŋ fʉ̌a nò mbwo gù, ɔ̀ lege ńnáa mbwo ngàŋ. À cʉa pú’u, tá Tá gẅi gẅie aa tÿǒ lepwó, à lege mí mefʉ̀a ńná lé pi.

Lukase 15:20

Ńkwaŋ pú’u, ńcʉ́me mánzsé, ńně ḿbiŋe nê mbʉ̀a pɔ́b. Tá we tyé ńgyá yé, tà á nyé pɔ́ ngʉ̀a shʉ̀shʉ̀a, mezìŋe mé kúu yé, á nɔ́ɔnte yé, ésiŋte yé, ngie: Wɔɔn aa gú lá?

Efeso 4:32

ńdíe mefɛ́ pí pɔ́ lê ntʉ́m mbòŋo, ńgẅiin tsɔ́ɔn mezìŋe nzèm petsɔ́ pʉ̀a, pi lege mefʉ̀a tsetsɛ̀ɛ pi né pi, ndʉŋ ndʉŋ pá’ Ssé la cʉa ná Kristo ńdege mí gí né pi.

Filemo 1:11

Á laa tsɔ́ fʉ̀’ ɔ̀ těen ńzẅɛ́’ɛ yé wɔ́ tá’, á ké ńgwɔ́ fʉ̀’ɔɔn ɔ́ɔ gwaa ne zẅɛ́’ɛ yé, mèŋ n ne ńzẅɛ́’ɛ yé yɔ́ɔn.

Filemo 1:13

Mèŋ n gyá ngie á kěen ḿboŋ ngie à gwɔ́ pɔ́ lejʉ́ŋ mèŋ, ńne fa’a fà’ gie ɔ̀ kěen ńgwɔ́ jʉ’ɔɔn, mbà ɔ̀ fa’, á ná fʉ̀’ɔɔn gie mèŋ n gee menkÿo ńtí Nkʉ̀ Mbòŋo lɔɔn.