Efeso 6:9 - Nouveau Testament en Ngienboum

⁹ Pi metá pu’ pi gẅiin gí menkwɔɔn mí nê ntʉ́m mbòŋo. Tà pi vege wɔ́b vege. Pi zsé ngie pia pɔ́ pǔ ńgẅiin pɔ́ tà’ Nyìŋ gẅie à sá’a gẅi lâ pɔ̌ á gwɔ́ tÿǒ lepwó. Àa těen ńgẅiin tyɛ̀’te tsetsɛ̀ɛ pʉ̀a mesoŋ wɔ́.

Efeso 6:9 ပူးပေါင်းရင်းမြစ်များ

Matio 22:10

Mentsìndá pé pà gʉa ńtyé ná metwó nzsè, ńgyá wɔ̌wɔɔ, ńtóŋo yé, ka à gwɔ́ pɔ́ nyìŋ mbòŋo wɔ́, ka nyìŋ tepòŋ wɔ́. Mé pú ńnéŋe wɔ́b pɔ́ tsɛ̀ɛ lemù, tà é lúe.

Matio 22:8

ńgíŋe ńtsẅi né mentsìndá pé ngie: Mé ně ńdá’ ńtÿɔ́g shúm léjÿó lɔ́ɔn ndá ssé. Epʉ̀a pie mèŋ n ka zɔɔn ńtóŋo wɔ́b é ka tè pie é ku’u lépfɛ́ wɔ́.

Matio 24:48

Tá’ ńké ńgwɔ́ gie à lɔɔn ńgwɔ́ ngàŋa fà’ we tepòŋ, ńgɔɔn lóŋ yé ngie: Tá fà’ wɔ̀ɔn tè lwo tó wɔ́,

Matio 24:51

é tó, é néŋ ngʉ̀ngʉ̀ twó yé tɛ’, é jwoŋo yé, à gʉa né jʉ’ gie mé jwoŋo pʉ̀a tepòŋ ńnáa wó, é ńnéŋe jʉ’ó ne lʉa, lóŋ we ne ffó.

Matio 7:12

Àmmó gie pi ne ńtsɔɔn ngie mé gÿo ná pi la, pi gÿo kwà’ yɛ̌ gí ná petsɔ́ pʉ̀a. Pi lɔɔn ńgÿo pú’u, mbà á ge gwɔ́ mmó gie *lepʉ̌ Mǒsê mbɔɔ meŋwà’ne pà *ntsẅì nkʉ̀ Ssé zɛ́te

Lukase 6:31

Ammó gie pi ne ńtsɔ́ɔn ngie me gÿo ná pi lá, pi gÿo kwà’ yɛ̌ ná petsɔ́ pʉ̀a.

Ŋwà’ne Jâŋ 13:13

Pi tóŋo wɔ̀ɔn lê Tsítsà, ńtóŋo wɔ̀ɔn lê Ndè, ńgɔɔn shwóŋó nò á nue mèŋ n gee wɛ̌.

Megàŋ ntúm 10:34

Piɛ lêen ńké ńgɔɔn ngie: Mèŋ n gee fʉ̀’ɔɔn pá’ɔɔn, mbà mèŋ n děen ńké ńgyá, kwà’ nénʉ́, ngie e Ssé tè tyɛ’te pʉ̀a mesoŋ wɔ́.

Roma 2:11

á nue e Ssé te gẅiin tyɛ̀’te tsetsɛ̀ɛ pʉ̀a mésoŋ wɔ́.

1 Korento 1:2

Mèŋ n ŋwe’e ńnáa mbwo cú’tè pʉ̀a Ssé á tÿǒsoŋo Korento, á wɔ́b pie e Ssé la laa wɔ́b nà Yěsô Kristo ńdɔgɔ wɔ́b ńgÿo pʉ̀a pé, ńzɛ́te mbwo pɔ́b ngie pɔ́ gwɔ́ kwà’ pʉ̀a pé. N náa yɔɔn ŋwà’ne mbɔɔ mbwo mânyìŋ ntsèm gẅie aa nzɔ̌ nzɔ̌ wɔ́, ńtóŋo lezíŋ Cʉ̀apʉ̀a wege Yěsô Kristo. À lɔgɔ pú’u, ńgíŋe ńgwɔ́ Cʉ̀apʉ̀a wɔ́b yɔ́b.

1 Korento 7:22

Pi zsé ngie nyìŋ gẅie Cʉ̀apʉ̀a ka gwaa tóŋo yé, á gwɔ́ nkwɔɔn, à kẅɛ̌ ndá nkwɔɔn nò tepòŋ, ńcʉ́’ ńgwɔ́ pɔ́ nyìŋ Cʉ̀apʉ̀a. Á giŋ ńgwɔ́ pɔ́ ndʉŋ ndʉŋ ná nyìŋ gẅie mé ka gwaa tóŋo yé á gwɔ́ ndù nnɛ́, angàŋ kéen ńcʉ́’ nkwɔɔn Kristo, ńdɔgɔ ńgwɔ́ yé nyìŋ Kristo

Kolosia 3:25

Tá ńké ńgwɔ́ gie nyìŋ lɔɔn ńgÿo mmó gie Ssé tè kwoŋ, mbà Kristo ge lá’ ná pɔ́ mmó gie á ku’u ná ye né yé, á nue e Ssé ee ntěen ńtuŋo metùŋ wɔ́.

Kolosia 4:1

Pi metá pu’, pi gwɔ́ ndʉŋ ndʉŋ mvfò menkwɔɔn pí, ḿbiŋ ńgÿo pɔ́ mmó gie á zɛ́te ngie mé gÿo, ńne ńkímte ngie pi gí gẅiin gẅi Tá fà’ tÿǒ lepwó.

Ŋwà’ne Jâg 2:13

E Ssé ge lá’ ne tsɔ́’te mentsaŋ, á le tsɔ́ɔn mezìŋe tè tsɔ̌ɔn mezìŋe pʉ̀a wɔ́, tá ńgwɔ́ gie nyìŋ la tsɔ́ɔn mezìŋe, mbà á ge lá’ lɔg pú’u, e Ssé le yé ŋag.

Ŋwà’ne Jâg 2:8

Á cʉ́’ gie pi gÿo pú’u, mbà pi giŋé ná pá’ *lepʉ̌ se lÿò ná nò *lefùɔ Ssé gɔɔn, é gɔɔn ngie: «Kwoŋo fɛ́ gù nyìŋ mesoŋ pá’ ɔ̀ kwoŋo twó mbùm jú». Pi lɔgɔ pú’u, ńgÿo mboŋó.

Ŋwà’ne Jâg 5:4

Megàŋa fà’ ka lag shúm sí nká’, pi jÿó nkáb yɔb. Pi jú’ pá’ pɔ́ lʉa. Ngyè pʉ̀a pie pɔ́ laga shúm sí ńnáa ndá e kwɔ̌’ tà ńkúu letuŋó Ssé, yé Cʉ̀apʉ̀a gẅie à sá’a pàlÿɔ́’ ncù ntsèm pie ée tÿǒ.