Efeso 6:8 - Nouveau Testament en Ngienboum

⁸ Pi kímte ngie, nyìŋ lɔɔn ńgwɔ́ nkwɔɔn, kà ńgwɔ́ pɔ́ ndù nnɛ́ wɔ́, mbà Cʉ̀apʉ̀a ge lá’ cʉ́’ʉ léná ntsɔ’ɔ́ fà’ we wɔ̌wɔ́ɔ, é ná pɔ́ pá’ ngàŋ ka lɔg fa’ mboŋó pú’u.

Efeso 6:8 ပူးပေါင်းရင်းမြစ်များ

Matio 16:27

Pi zsé ngie: *Míŋ Nyìŋ pâ mecÿɔ́’ pé ge gÿo tó, á tsɛ̀ɛ legú’ Tá we, à leen ńké ńtsɔ́’ɔ fà’a wɔwɔ́, pɔ́ nà ngÿǒ menò mé.

Matio 20:7

Pɔ́ tsɔ́’ ngie: Á gwǎ gwɔ́, mbà tsɔ̌ nyìŋ kaa tóŋo wég nà fà’ wɔ́. Á gɔɔn né pɔ́b ngie: Pí gʉa gí nká’ mèŋ fa’a fà’.

Matio 5:12

Pi kág ńzɔb ńzíŋ, mélà’mie e Ssé nyɛté máa máa ntsɔ’ɔ́ fà’ né ńdɔgɔ ńzẅí’te gẅí. Pi zɔɔn ńzsé ngie á gíŋe ńgwɔ́ pɔ́ ndʉŋ ndʉŋ pá’, mé la gÿo nà pà *ntsẅì nkʉ̀ Ssé pie é la vɔg ńtó tá pi tó.

Matio 6:1

Yěsô gíŋe ńgɔɔn ngie: Pi lɔɔn ńge ńgÿo mmó gie *lepʉ̌ Ssé ne ńzɛ́te, pi laga twó gí létóŋo lá’ tá ńgÿo, á nà ntí gie mé ge ne líe gẅí. Pi lɔɔn ńgÿo pú’u, mbà Tá gẅi gẅie aa tÿǒ lepwó tè gÿo tsɔ́’ɔ fà’ gí wɔ́.

Matio 6:4

À cʉa pú’u, ámmó gie ɔ̀ náa, à gwɔ́ pɔ́ tsɛ̀ɛ ntsèm, Tá gù Ssé gẅie à gyá mmó gie mé náa tsɛ̀ɛ ntsèm, à gÿo ńtsɔ́’ɔ fà’a jú.

Lukase 14:14

Ɔ̀ gÿo pú’u, mbà ɔɔ shÿó mbòŋo, mélà’mie à lɔɔn ńgwɔ́ pɔ́ le tsɔ́’ shʉ́’ gú wɔ́, pú’u, e Ssé lá’ ńtsɔ́’ɔ fà’ ɔ́, á fʉ̀’ gie pʉ̀a pé ge lá’ zíme nà legwé.

Lukase 6:35

Ammó gie á poŋ ngie pi gÿo gwɔ́ pɔ́ ngie: Pi kwoŋ megàŋ mbù pí, ńgÿo pɔ́ nò mbòŋo ná pɔ́b. Pi fu nkáb mbwo nyìŋ té sáŋ ngie ngàŋ ge gÿo tsɔ́’. Pi lɔɔn ne ńgÿo pú’u, mbà Ssé ge lá’ náa gẅi máa ntsɔ’ɔ́ fà’, pi gíŋe ńgwɔ́ púɔ Ssé gẅie à pi’i kɔ̀ɔkɔ́ɔ, ńtí nue kwà’ yé ne ńgÿo nò mbòŋo ná pàjÿó ńjÿɔg ncwò, mbɔɔ ná megàŋ sóon.

1 Korento 12:13

Á nue e Ssé la lɔgɔ tà’ Zẅìge wémɔ’ɔ́ ḿbú ńtemte wégè metsèm légwɔ́ gie pege ge lɔg pú’u, é gwɔ́ tà’ mbùm nnɛ́, epʉ̀a lɔɔn ńgwɔ́ pɔ́ pà Yuda, kà pɔ́ pʉ̀a pie é té pà Yuda wɔ́ wɔ́, ńgwɔ́ pɔ́ menkwɔɔn kà púɔ lá’ gwɔ́, mbà Ssé la pú ńnéŋe tà’ Zẅìge wémɔ’ɔ́ á ntʉ́m pege pɔ́ metsèm.

2 Korento 5:10

á nue á ne ńzɛ́te ngie pege metsèm cʉa mvfò Kristo à ŋaga wégè, à cʉa pú’u, awɔ̌wɔ́ɔ kẅé wé ntsɔ’ɔ́ fà’ ná mmó gie à la gÿo, á gwɔ́ ye mbòŋo kà ye tepòŋ wɔ́, á fʉ̀’ gie à laa tsɛ̀ɛ yɛ̌ mbùm nnɛ́.

Galatia 3:28

Á fó pú’u, e Ssé tè gíŋe ńgÿo tsɔ́ tyɛ’te ná pà Yuda lâ pʉ̀a Gelekia wɔ́, ńké té gíŋe ńgÿo nà menkwɔɔn lâ pà ndù nnɛ́ wɔ́, ńké tè gíŋe gÿo nà mbàŋa lâ pànzwé wɔ́, á nue pi lɔg pá’ pi la nnɛ́ ná Yěsô Kristo ńcʉ́’ ńgwɔ́ pɔ́ tà’ ntí

Kolosia 3:11

Pá’ pi metsèm kéen ńcʉ́’ pʉ̀a pe mesẅé la, à tyɛ̀’te té gíŋe ńgwɔ́ tsetsɛ̀ɛ pi tà áa gie mé ge gíŋe gɔɔn ngie: Wɔɔn aa nyìŋ Gelekia, wɔɔn gwɔ́ nyìŋ pà Yuda wɔ́. Mé le gíŋe ńgɔɔn ngie wɔɔn aa nyìŋ gẅie mé la pú’u yé, wɔɔn gwɔ́ nyìŋ gẅie mé la tè yé pú’ wɔ́. Kà pɔ́ légíŋe ńgɔɔn ngie wɔɔn la zí’i ŋwà’ne, wɔɔn tè zí’i wɔ́. Mé ké le gíŋe ńgɔɔn ngie wɔɔn nyìŋ aa nkwɔɔn, wɔɔn tè nkwɔɔn wɔ́ wɔ́. Kristo zɔ cʉ̌’ ńgwɔ́ gí nò ntsèm, ńgwɔ́ ntʉ́m pi metsèm.

Kolosia 3:24

Tà pi lege ngie Cʉ̀apʉ̀a Kristo zɔ ge lá’ tsɔ́’ɔ fà’a gí, é gʉa ná shúm sé, é náa gí, á nue yé zɔɔ kwà’ nyìŋ gẅie pi fa’a mbwo ye.

Kolosia 3:25

Tá ńké ńgwɔ́ gie nyìŋ lɔɔn ńgÿo mmó gie Ssé tè kwoŋ, mbà Kristo ge lá’ ná pɔ́ mmó gie á ku’u ná ye né yé, á nue e Ssé ee ntěen ńtuŋo metùŋ wɔ́.

Heber 10:35

Pú’u la, tà pi kʉ́a lézáb ntʉ́m nà Ssé, á nue máamáa ntsɔ’ɔ́ fà’ aa mǒ.

Heber 11:26

À la ne ńgyá ngie mé lɔɔn ńgwága yé pá’ mé la gÿo ńgwága *Nzà’nkÿo, mbà le gwɔ́ pú’u, ge gwɔ́ mbwo yé gwɔ́ mbòŋ é cʉa fù’ gie áa Egipto, á nue nÿɔ́g mé la tyé pɔ́ nà ntsɔ’ɔ́ fà’ gẅie à ge lá’ gẅiin.