Efeso 6:12 - Nouveau Testament en Ngienboum

¹² á nue pege tě ńgee ńdÿɔ́’ pʉ̀a mesoŋ wɔ́. Pege gee pɔ́ ńdÿɔ́’ mezẅìge tepòŋ mie ée tàa tÿǒ, é lÿɔ́’ metándá pɔ́b, é gíŋe lÿɔ́’ shúm sie ée tàa tÿǒ ńgẅiin metʉ̀, lâ púɔ ntɔ́’ nzěm pie pɔ́ sá’a yɔɔn njÿó.

Efeso 6:12 ပူးပေါင်းရင်းမြစ်များ

Matio 16:17

Yěsô leen ńké ńgɔɔn né yé ngie: Símo míŋ Jâŋ, ɔ́ɔ shÿó mbòŋo, á nue nyìŋ mesoŋ zɔ kaa gÿo, tá ɔ̀ zsé yɔɔn nò nénʉ́ wɔ́. Tá wɔ̀ɔn gẅie aa tÿǒ lepwó zɔ nyɛ̌ gú.

Malékuse 4:19

ńgÿo ńzye lémÿɔg menò njÿó, nkáb zye léfʉte wɔ́b, pɔ́ ne ńtsɔ́ɔn setsɔ́ shúm tà ńgyɔ́ɔn, sɛ̌ shúm gÿo shwóŋè Ssé maga ntʉ́m pɔ́b té zém ntɔ̌ɔn.

Lukase 13:24

Pi fa’ shÿó pɔ́ létɔ́gɔ nà ncwò ndá gẅie é kʉ́mte kʉmté. Pi zsé mboŋó ngie pʉ̀a tà ńgyɔ́ɔn ge lá’ fa’a lékúu wó, é piŋ ké le ku’.

Lukase 22:53

Mbà mèŋ n kaa lyɛ̌’ ntsèm, ńké ńně ńgwɔ́ pɔ́ tsetsɛ̀ɛ pi tsɛ̀ɛ *jʉ’ʉ Ssé, pi ké tè fa’a légwoon wɔ̀ɔn mɔ́. Tá’, agí fʉ̀’ yɔɔn, mbà á léen ńké ńku’, ńgwɔ́ fʉ̀’ gie afùɔ menò nzěm tǒ tà ne sá’a lá’ yé.

Ŋwà’ne Jâŋ 12:31

Afʉ̀’ kǔ’ pá’ e Ssé ge ŋag yɔɔn njÿó. Á fʉ̀’ gie Ssé ge kẅile mûɔ ntɔ́’ yɔɔn njÿó, é náa yé pǐ.

Ŋwà’ne Jâŋ 14:30

Tà fó fʉ̀’ɔɔn pege tè gíŋe ńgee shwóŋe wɔ́. Á nue fùɔ gẅie à sá’a yɔɔn njÿó ne ńtóo. À tè gẅiin shÿó légÿo mmó ná mèŋ wɔ́.

Ŋwà’ne Jâŋ 16:11

Pɔ́ zsé ngie Ssé ge lá’ ŋaga wɔ́b, mélà’mie fùɔ gẅie à sá’a yɔɔn njÿó kéen ńgwe ntsaŋ.

Megàŋ ntúm 26:18

Mèŋ n túmo gú pú’u, ɔ̀ gʉa ńnyɛ́’ nÿɔ́g mɔ́b, ńgÿo pɔ́ fó tsɛ̀ɛ nzěm ńkẅɛ, ńkúu nà jʉ’ gie á ne fɔ́gɔ. Á lɔgɔ ńgwɔ́ ngie ɔ̀ ge gÿo gÿo pɔ́ fó nà mbwó Sátà ńkẅɛ, ḿbiŋe nà mbwó Ssé, é záb ntʉ́m wɔ́b ná mèŋ, e Ssé lege menò tepòŋ mɔ́b ńnáa mbwó pɔ́b, é piŋ náa yɔ́b jʉ’ á tsetsɛ̀ɛ pʉ̀a pé.

Roma 8:38

Mèŋ n zɔɔn ne ńcwoŋo ńzsé ngie, atsɔ́ mmó gie à lɔɔn ńgwɔ́ á fege wega Ssé á té wó wɔ́, tá pá’ à lɔɔn ńgwɔ́ pɔ́ legwé, ńgwɔ́ pɔ́ ngɔ́’ gie e tswé’e nà le gwɔ́, éfó ńgwɔ́ pɔ́ *mecÿɔ́’ Ssé, ńgwɔ́ pɔ́ shúm sie é sá’a njÿó, ńgwɔ́ pɔ́ yɔɔn fʉ̀’ʉ njÿó ka pɔ́ gie á ge gÿo tá tó wɔ́,

1 Korento 15:50

Mefɛ́ pɔ́ɔn, n dɔgɔ pá’ɔɔn ńgɔɔn ngie: À lɔɔn ńgwɔ́ nyìŋ le lɔg mbùm nnɛ́ yɔɔn gie e gẅiin mbab nnɛ́ nê metse lɔɔn, ńdɔg ńkúu tsɛ̀ɛ *lefùɔ Ssé wɔ́. À lɔɔn ńgwɔ́ shúm sie é lʉ́ pâ sie é té lʉ́ le teme tà’a jʉ’ wɔ́.

2 Korento 11:14

Á té pú’u, ńgwɔ́ pɔ́ tsɔ́ nò mmɔɔn mmɔɔn wɔ́, á nue Sátà giŋé ńnéŋe yé tà sele ńcʉ́’ ńgwɔ́ pɔ́ pá’ *cÿɔ́’ Ssé gẅie à fóo jʉ’ gie kyɛ̀’ áa wó la.

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

Galatia 1:16

À la piŋ ńnéŋe tà ńgyá ngie à ge gÿo mèŋ n zsé Míŋ we, légwɔ́ gie mèŋ n ge gʉa tsẅi nkʉ̀ gẅie é líe Míŋ we ŋwɛ́ á mbwo pʉ̀a pie é té pà Yuda wɔ́. Mèŋ n gya míŋ we ŋwɛ́, n te gwóon ḿbíge tsɔ́ nyìŋ tsɔ́ nò wɔ́.

Efeso 1:21

Á gwɔ́ jʉ’ó ńdɔgɔ ḿbú ńcʉa ngwòŋ *mecÿɔ́’ Ssé pâ mefùɔ pɔ́b mbɔɔ setsɔ́ shúm sie é gẅiin metʉ̀ tÿǒ lepwó. Á cʉa mânyìŋ ntsèm tà pá’ angàŋ lɔɔn ńgwɔ́ pɔ́ wɔ̌ wɔ́ɔ, kà pɔ́ ná yɔɔn kème njÿó wɔ́ɔ, kà pɔ́ ná gie á ge lá’ tá tó wɔ́ɔ.

Efeso 1:3

!Pege nê ńgu’te Ssé Tá pà Cʉ̀apʉ̀a wege Yěsô Kristo. À la gÿo nò mbòŋo ná pege, ńná shúm mbòŋo ntsèm sie éfóo tàa tÿǒ né pege, ńná pú’u, ńcʉa ná pá’ à la lá’ ńtemte wégè lâ Kristo,

Efeso 2:2

Pi laa fʉ̀’o ńně ńgÿo pɔ́ yɛ̌ ntí menò. Pi la ne ńgiŋe pá’ pʉ̀a pie ée tsɛ̀ɛ yɔɔn njÿó ne ńgiŋe pú’u, ńně ńjú’u ncwò fùɔ *messé tepòŋ gwie à sá’a *messé tepòŋ mie ée tÿǒ tsɛ̀ɛ fÿág. Yé zɔ aa fʉ̀’ɔɔn ńne ńtsóte pʉ̀a pie pɔ́ lʉ’ʉ lé jú’ ncwò Ssé, pɔ́ ne ńgÿo menò tepòŋ.

Efeso 3:10

ńnyɛɛ pú’u, ńzsé ngie metándá shúm sie ée taa tÿǒ ńgẅiin tʉ̀, mbɔɔ metʉ̀ ntsèm mie ée taa tÿǒ ge zẅɛ́’ɛ cú’tè pʉ̀a Kristo, é zsé nò ná legyè Ssé tà cʉ́me.

Kolosia 1:13

À la sa’a wégè mbwo metʉ̀ nzěm, ńtsege wégè ńnéŋe tsɛ̀ɛ nò lefùɔ Míŋ we, à kwoŋo míŋ we ŋwɛ́ tɛ’.

Kolosia 2:15

E Ssé lɔ̌ɔn ńdɔgɔ pú’u, ńgwoonte *messé tepòŋ, é pie é gẅiin tʉ̀, ésá’a njÿó yɔɔn, ńkẅile metʉ̀ mɔ́b ńgwá’a, ńtéme shʉ́ twó pɔ́b mvfò lá’. Á gwɔ́ pá’ à la lɔgɔ wɔ́b ńgÿo pu’u ncù, Kristo lɔgɔ wɔ́b ńgwá ńgiŋ ńdɔg ńda’te ngie à jÿǒ ncù.

2 Timote 2:5

Ndʉŋ ndʉŋ pá’ nyìŋ lɔɔn ne ńkÿo ndʉ̌, à tè kÿo nà ntí gie *lepʉ̌ ndʉ̌ ne ńzɛ́te wɔ́, mé le fà’ yé tsɔ́’.

Heber 12:1

Á gʉa ná pege, pʉ̀a ŋwɛ́ métsèm tÿɔ́’ɔ wégè ńnéŋe soŋ, ńne ńnyɛɛ wégè mánzsè. Pú’u la, pege tsó kɔ̀ɔkɔ́ɔ gie á ne ńtáte wégè ńgwá’, té lege menò tepòŋ, é kú’te wégè, ḿbiŋ ńdúe ńcʉ́’ʉ mà. Pege gwá’, ńtɔ́ɔnte yégè ndʉ̌ gẅie e Ssé gɔɔn ngie à lɔɔn ńgwɔ́ pege kÿo. Pege gwɔ́ tà ńne ńkÿo tà pege kʉ́a.

Heber 12:4

Pi zɔ́ɔn fó ńnyé pɔ́ tè lɔg pá’ pi ne ńdʉ’ʉ nò tepòŋ, ḿbyɛ́b ncù tà mé pfɛte metse mí.

1 Piɛ 3:22

À la kwɔ́’ né tÿǒ lepwó, ńnéŋe nà gwǒŋo pwó Ssé ye tʉ̀. Àa fʉ̀’ɔɔn ńne sá’a *mecÿɔ́’ Ssé ntsèm, ńne sá’a kɔ̀ɔkɔ́ɔ gie á sá’a njÿó, ésá’a metʉ̀ ntsèm mie ée tÿǒ.