Efeso 5:6 - Nouveau Testament en Ngienboum

⁶ Tà nyìŋ lɔgɔ púu shwóŋè, éfʉʉ gẅí. Menò mie mé tʉ́ʉ lɔɔn zɔɔn ńgÿo Ssé gyáŋa lóŋ ńtí pʉ̀a pie pɔ́ té gÿo mmó gie à ne ńkwoŋo wɔ́.

Efeso 5:6 ပူးပေါင်းရင်းမြစ်များ

Matio 24:24

mélà’mie pà nzà’ nkÿo pe cÿɔ̌ nò, lâ pà *ntsẅì nkʉ̀ Ssé pe cÿɔ̌ nò ge lá’ kẅɛ, é nyɛ memáa meliŋé, é gÿo menò mmɔɔn mmɔɔn lélɔg fʉte pʉ̀a tà ńgyɔ́ɔn, tà ńgwáa we pɔ́ gwe’e ńku’, mbà à lɔɔn ńgwɔ́ pɔ́ fʉte mbɔɔ pʉ̀a pie Ssé la tsɔ́’.

Matio 24:4

Yěsô tsɔ́’ɔ mbwó pɔ́b ngie: Pi laga twó gí, ḿbɔ́ɔn nyìŋ léfʉ gẅí.

Malékuse 13:22

Á nue tsɔ́ megàŋ cÿɔ nò ge gÿo kẅɛ, etsɔ́ gɔɔn ngie pɔ́ ée pà *Nzà’nkÿo, petsɔ́ ne ngie pɔ́ ée pà*ntsẅì nkʉ̀ Ssé, é nyɛ meliŋé, é gÿo menò mmɔɔn mmɔɔn lélɔg ńcʉŋte twó pʉ̀a, tà ńgwáa ńgwe pɔ́ lɔg ńcʉŋte mbɔɔ ye pʉ̀a pie Ssé la tsɔ́’.

Malékuse 13:5

Yěsô zye léshwóŋó wɔ́b ngie: Pi lag twó sí, ḿbɔ́ɔn nyìŋ léfʉʉ gẅí.

Roma 1:18

E Ssé zɔɔn ńgwɔ́ tÿǒ lepwó ne ńnyɛɛ ngie à ne ńgyaŋa lóŋ, mélà’mie pʉ̀a mésoŋ é móŋo yé, ńnéŋe ńgÿo menò tepòŋ. Pɔ́ ne ńdɔgɔ ńgÿo menò tepòŋ mɔ́b ńtáte nò nénʉ́ léfa’a fà’. E Ssé ne ńnéŋe ntsaŋ twó pɔ́b,

Kolosia 2:18

Pi pɔ́ɔn pá’ à lɔɔn ngwɔ́ etsɔ́ pʉ̀a tó ḿbaba gẅi pi pyé ntsɔ’ɔ́ fà’ ncù gẅie Kristo la jÿó ńná né pi. Mèŋ n gɔɔn pʉ̀a pie pɔ́ gɔɔn ngie pɔ́ ná mbùm yɔb ssé tɛ’, ńgwɔ́ pʉ̀a pie pɔ́ gú’te *mecÿɔ́’ Ssé. Pɔ́ gíŋe ńdɔg shúm sie pɔ́ gɔɔn ngie e Ssé nyɛ̌’ nÿɔ́g mɔ́b pɔ́ gyá ńdɔg ńŋá’te sẅɛ̀ɛ sẅɛ̀ɛ. Pɛ̌ pʉ̀a gẅiin pɔ́ nkwaŋá pʉ̀a mesoŋ, é gÿo pɔ́ zẅíŋ pɔ́ mmóm.

Kolosia 2:4

Mèŋ shwóŋó gẅi mɔɔn menò ḿbɔ́gɔ tsɔ̌ nyìŋ létó ńdɔgɔ shwóŋè gie mé neŋé ssé ńtáŋte, ésele twó gí.

Kolosia 2:8

Pi pɔ́ɔn nyìŋ lélɔgɔ zse nò pʉ̀a mesoŋ gie á gwɔ́ pɔ́ fÿɔ́g sẅɛ̀ɛ, éfʉte gẅí, pi gwe ná lejÿɔ̀’ sé. Yɛ̌ gwɔ́ pɔ́ cÿɔ̌ nò gẅie é jʉ́’ʉ ná nùŋe pʉ̀a mesoŋ, ńgíŋ ńjʉ’ʉ nà metʉ̀ mentí mentí mie ée tsɛ̀ɛ njÿó, é té jʉ́’ʉ ná Kristo wɔ́.

Kolosia 3:6

Mɔɔn ée menò mie é gÿo e Ssé gyáŋa lóŋ ná pʉ̀a pie é té ne ńjú’u ncwò wé wɔ́,

2 Tesalonika 2:3

Tà pi zẅíŋ nyìŋ fʉte gẅí, kà pɔ́ nê yɛ̌ ntí wɔ́. Yɛ̌ lyɛ’ɛ́ lá’ té lá’ tó té gwɔ́ gie etsɔ̌ ntí menò vɔ̌g ńcʉate wɔ́. Á lɔgɔ ńgwɔ́ pá’ pʉ̀a tá ńgyɔɔn ge lá’ lʉ’ʉ lé jú’ ncwò Ssé. Fùɔ menò tepòŋ kẅɛ ńtyé tá yɛ̌ lyɛ’ɛ́ lá’ lêen ńké ńtó. Á yé wá gẅie mé ge lá’ ma’a yé tsɛ̀ɛ mmɔ̌g la.

Heber 13:9

Tà pi zẅíŋ mé zí’i gẅi menò ntí ntí mie é té tsẅé’e nà nò gie pege zába ntʉ́m mǒ wɔ́, e gÿo pi fʉa mánzsè. Á poŋ ngie atsɔ́ɔn mezìŋe Ssé zɔ néŋ ntʉ́m nyìŋ tà mbʉ̌ mie mé zába, é gɔɔn nò ná shúm léjÿó zɔ̌ le néŋ. Epʉ̀a pie pɔ́ kú’te mɛ̌ mbʉ̌ pɔ́ laa jÿó tsɔ́ pì mǒ wɔ́.

Heber 3:19

Pege lɔgɔ ńgyá ngie pɔ́ la tè kúu tsɛ̀ɛ sẅétè gie e Ssé la ka’a mbwo pɔ́b wɔ́, mélà’mie pɔ́ la tè jú’u nò gie à gɔ̌ɔn, ńzẅíŋ wɔ́.

1 Piɛ 2:8

Ńgíŋe ńgwɔ́ tóon gẅie à ge gÿo mé gwe ssé, á máa tóon gẅie mé ge kwɔɔnte mǒ. Pɔ́ kwɔɔnte mǒ, mélà’mie pɔ́ lʉ’ʉ lé jú’u shwóŋè Ssé. Á ké ńgwɔ́ pɔ́ pá’ Ssé la záb ngie á ge lá’ gwɔ́ pɔ́ pú’u, ná pɔ́b.

1 Jâŋ 4:1

Meshǔ pɔ́ɔn pe tʉ̀ nzẅìŋ, tà pi jú’ nyìŋ gɔɔn ngie Zẅìge Ndʉalʉ̌a áa ná yé, pi gwóon ńzẅíŋ zẅíŋ, té cwoŋo ńdíe ka áa kwà’ Zẅìge Ssé wɔ́. Á nue pà *ntsẅì nkʉ̀ Ssé pe cÿɔ̌ nò pǔ ńgyɔ́ɔn tsɛ̀ɛ njÿó tɛ’.