Efeso 5:4 - Nouveau Testament en Ngienboum

⁴ Á té ne ńzɛ́te ngie pi shwóŋó ḿmag mag wɔ́, tà mbɔɔ léma’a kwaŋ ná tsɔ̌ ntí, lâ légÿo tsɔ́ ntí megʉa. Á poŋ ngie ashwóŋè gwaa kẅɛɛ ncwò pi, pi lɔgɔ síe pɔ́ Ssé nà mmó gie à gÿǒ mbwo pi.

Efeso 5:4 ပူးပေါင်းရင်းမြစ်များ

Malékuse 7:22

ńne ńgÿo gÿɛ́, ńne ńgẅiin kegɔ̀’, ńgẅiin ssé ntʉ́m, ńgẅiin fʉ̀te, ńkúu zɔgɔ́ tepòŋ, ńkwɔ́’ɔ lóŋ, ńtÿɔ́gɔ sóon twó nyìŋ, ńŋá’te nnɛ́, ńdʉ’ʉ ntÿɔgɔ́ ntsèm.

Ŋwà’ne Jâŋ 6:23

Etsɔ́ mekanú’ piŋ fó Tiberiad, ńtóo jʉ’ gie Yěsô ka tyé wó, ńná ndǎg mbwo Ssé nà mbelég, ńgábte mé pfɛ́ la.

Roma 1:28

Pá’ pɔ́ la lʉ’ʉ lézsé Ssé lá, e Ssé la nyé wɔ́b, legyè sɔ́b sie é té tyé zɔ̌ cʉ́’ʉ sá’a wɔ́b pɔ́ cʉ́’ʉ ńgÿo pɔ́ mmó gie pɔ́ kɔ’ɔ́ tè gÿo wɔ́.

2 Korento 1:11

é gwaa kẅile wég, agí pwó gwɔ́ mǒ, ńtí nue pi ne sẅíŋte yé nà twó ség. Pá’ pʉ̀a tà ńgyɔ́ɔn ne sẅíŋte yé nà twó ség la, à ge gÿo cÿó gem yég, é ne tóonte wég, à gwɔ́ pú’u, pʉ̀a tà ńgyɔ́ɔn ná ndǎg mbwo Ssé yɔ́b nà twó ség.

2 Korento 9:15

Pú’u la, á poŋ ngie pege ná ndǎg mbwo Ssé, ńtí fù’u té fʉ̀’ gie à la ná né pege.

Efeso 1:16

mèŋ n gee fʉ̀’ ntsèm ńně sẅíŋte Ssé, ḿbiŋe síe yé nà twó sí.

Efeso 4:29

ḿbɔ́ɔn mbɔɔ tà’a shwóŋè tepòŋ lékẅɛɛ ncwò pi. Pi gɔɔn pɔ́ nò gie á ge kẅéte ná yɛ̌ fʉ̀’, à gwɔ́ pɔ́ shwóŋè mbòŋo gie á ge kẅéte tsɔ́ pʉ̀a pɔ́ kẅi’i ńzáb ntʉ́m nà Ssé. Pi gɔɔn pɔ́ nò gie á ge kẅéte wɔ̌wɔ́ɔ ná pʉ̀a pie é ne ńzẅí’te.

Filipo 4:6

Tà pi pú’ mbùm gí nà tsɔ́ nò. Tá’, akɔ́ nò zɔ̌ lɔɔn ńtyé ssé wɔ́, pi pú’ mbwó mbwo Ssé, éshwóŋó yé mmó gie pi ne ńtsɔ́ɔn, ésẅíŋte yé, ḿbiŋ ńná ndǎg mbwo yé.

Kolosia 3:8

Tá’, á ké ńgwɔ́ fʉ̀’ɔɔn ńne ńzɛ́te ngie pi sẅɛ mɛ̌ menò ná pi ńgwá’, pá’ mé gwá’a nzẅìŋe nzsǒ la. Mé gɔɔn nyìŋ gẅi légyáŋa lóŋ, á nyìŋ gẅi léńnéŋe ńcÿɔ́g cÿɔ́g, á nyìŋ gẅi lézá’ lekwɔɔn nyìŋ, á nyìŋ gẅi lézoon nzòon, á shwóŋe tepòŋ légíŋe ńkẅɛɛ ncwò pi.

1 Tesalonika 3:9

ńgwɔ́ peg síe Ssé kwà’ lêkɔ́ ńtí gẅí? A ne ńgÿo peg gẅiin lekág pá’ɔɔn tɛ’ ńtí gẅí.

1 Tesalonika 5:18

ńne ńnáa ndǎg mbwo ye nà kɔ̀ɔkɔ́ɔ. Áa mmó gie e Ssé kwoŋ ngie pi pie pia Yěsô Kristo léen ńcʉ́’ʉ tà’ nyìŋ la, pi ne ńgÿo.

Filemo 1:8

Mèŋ n gee ngàŋ ntúm Kristo, n tsɛ ńku’u léshwóŋó gú mmó gie á zɛ́te ngie ɔ̀ gÿo tá’, á fó nà mmó gie ɔ̀ ne gÿo,

Heber 13:15

Pege cʉa nzèm Yěsô, á gwɔ́ fʉ̀’ ntsèm, pege lɔgɔ légu’te Ssé, ńdɔg ńnuŋe pwɔ́’, é lɔgɔ pú’u, ńgwɔ́ pwɔ́’ pʉ̀a pie pɔ́ náa mekù’ ná lezíŋ sé.

2 Piɛ 2:18

Pɔ́ lɔgɔ mmó gie pɔ́ zí’i pʉ̀a ńŋá’te, tá é gwɔ́ pɔ́ fÿɔ́g sẅɛ̀ɛ gie é zẅɛɛ. Pɔ́ gɔɔn mbwo pʉ̀a ngie ńgwɔ́ nyìŋ gÿo kɔ̀ɔkɔ́ɔ gie mbùm nyìŋ mesoŋ tsɔ́ɔn, tá á gwɔ́ nò shʉ́. Pɔ́ lɔg pú’u, éshwoŋte pʉ̀a pie pɔ́ ka nyé ńkẅɛɛ tsetsɛ̀ɛ pʉ̀a pie ée nà mánzsè tepòŋ,

2 Piɛ 2:7

À la fó wó ńkẅile Lod. Á gwɔ́ nyìŋ gẅie à lɔ̌ɔn ńgÿo pɔ́ mmó gie áa ndʉŋ ndʉŋ mvfò yé Ssé, tà ńgyá tsẅé tepòŋ, lâ menò shʉ́ mie pʉ̀a mɛ̌ metÿǒsoŋ lɔ́ɔn fʉ̀’ʉ tà sá’a sǎ’, é pú ḿbÿɔ́gɔ yé tɛ’.

Jẅide 1:10

Tá á gʉa ná pɛ̌ pʉ̀a, pɔ́ zoonte mmó té ne ńzsé pá’ á gwɔ́, ńgʉa ná gie pɔ́ zsé yɔ́b nò mǒ pɔ́ pá’ɔɔn, pɔ́ pá’ menɔ̀ɔn mbà’ pie legyè sɔ́b té gwɔ́ wɔ́, eshúm sie pɔ́ zsé ná yɔɔn ntí gÿo pɔ́ pyé pyě.

Jẅide 1:13

Pɔ́ ne ńdɔgɔ mefà’ tepòŋ mɔ́b saa jʉ’ pá’ ntse té pàa lu ssé ńtéme nà ngʉ̀ŋe ntse, fùfù’ we sa jʉ’ la. Pɔ́ ée pá’ mecÿɔ́’ saŋ pie é gwaa ḿbúu, pɔ́ cʉ́’ʉ ńcʉŋe na jʉ’ gie e Ssé la tÿɔ́gɔ wɔ́b wó wɔ́.