30 á nue pege gwɔ́ pɔ́ mekèm mbùm ye.
Á gíŋ ńgwɔ́ pɔ́ ndʉŋ ndʉŋ ná pá’ pege gwɔ̌ tà ńgyɔ́ɔn gyɔ́ɔn tá’, ńdɔg pá’ pege la nnɛ́ ná Kristo, ḿbú ńcú’te ńtsẅé’e ná tà’ nyìŋ, pá’ mekèm mbùm pú ńtemte, yɛ̌ wɔ́ ne ńtóonte yetsɔ́ la.
Pi tè ne ńzsé ngie mbùm gi ée mekèm mbùm Kristo wɔ́ ka? N ge lɔgɔ kème mbùm Kristo lɔg gÿo kème mbùm káa tÿǒ manzwě lá? Ngǎŋ,
Acú’tè pʉ̀a Ssé ée mbùm nnɛ́ Kristo. Áa tsɛ̀ɛ cú’tè pʉ̀a pé fʉ̀’ ntsèm, yé gẅie à pǔ ńgwɔ́ jʉ’ ntsèm tsɛ̀ɛ njÿó.
Atsɔ́ nyìŋ laa zɔɔn ḿbʉa mbùm ye wɔ́. Nyìŋ jÿɔ́g mbùm ye jÿɔ̌g ḿbiŋ ńnyɛte. Áa ndʉŋ ndʉŋ pá’ Yěsô Kristo gÿo nà cú’tè pʉ̀a pé pú’u,
Pɔ́ té ne ńkẅi’i ńdaa nnɛ́ ná Kristo gẅie yé zɔɔ twó wɔ́. Tá mbà twó zɔ̌ náa kɔ̀ɔkɔ́ɔ gie á ge kẅéte mbùm nnɛ́. Atwó zɔ̌ gÿo mejwoŋó nnɛ́ mbɔɔ menŋàŋ nnɛ́ cú’te ńkú’te mbùm nnɛ́, é gú’ pá’ e Ssé ne ńkwoŋo.
