Efeso 5:3 - Nouveau Testament en Ngienboum

³ Pá’ pi ee fʉ̀’ɔɔn ńgwɔ́ pʉ̀a Ssé la, tsɔ́ shúm ée sie á té zɛ́te ngie nyìŋ gẅi gÿo wɔ́, ńgíŋ tè zɛ́te ngie me zɔɔn ńkím mbàa kǐm tsetsɛ̀ɛ pi wɔ́, mé gɔɔn nò pá’ mbàŋa létóŋ pànzwě, épànzwě léfa’ mbàŋa, á mmó pá’ menò ncÿǒ mbɔɔ nò kègɔ́’.

Efeso 5:3 ပူးပေါင်းရင်းမြစ်များ

Matio 15:19

Á nue menkwaŋá tepòŋ zɔɔn ńkẅɛ pɔ́ tsɛ̀ɛ ntʉ́m nyìŋ, mɛ̌ zɔ̌ tsóte nyìŋ á zẅé wetsɔ̌, á gÿo gÿɛ́, mbàŋa fa’ pànzwě, pànzwě fa’ mbàŋa, á jʉ, ńcÿɔ nò á jʉ’ gie mé ŋaga mentsaŋ wó, ńtÿɔ́g sóon twó nyìŋ.

Lukase 12:15

MÀbiŋ ńgɔɔn mbwo mânyìŋ ntsèm ngie: Pi laga twó gí! Tà pi fa’a lécú’te shúm, ńké ńkẅi’i kẅi’i, le gwɔ́ we nyìŋ tè gẅiin tsɔ́ nò ná shúm sie angàŋ gẅiin wɔ́, tà mbɔɔ pá’ à zɔɔn fó ńgẅiin pɔ́ kɔ́ wɔ́!

Lukase 16:14

Yěsô gɔɔn pú’u, pà *farisay pie é laa jʉ’ó jú’, ḿbú sóon, ńgẅe yé, mélà’mie pɔ́ gɔ’ nkáb tɛ’.

Megàŋ ntúm 15:20

Tá’, áa mbòŋ ngie pege ŋwe’e pɔ́ ndà’ ŋwà’ne ńdɔg ńtsẅi né pɔ́b ngie: Pɔ́ pɔ́ɔn lépfɛ́ɛ pfwɔ́’ɔ mbab gie mé lɔ̌g ńgwá’ messé. Ngie pɔ́ pɔ́ɔn lépfɛ́ mbab nɔ̀ɔn gẅie mé fomó yé fóme. Ngie pɔ́ pɔ́ɔn lépfɛ́ metse. Ngie pɔ́ pɔ́ɔn lépumo wɔ̌wɔ́ɔ pâ pɔ́ nuŋe nuŋe

Megàŋ ntúm 20:33

N daa nkáb nyìŋ tsɔ́ɔn. N te ngɔl tsɔ́ɔn. N te menzsǒ nyìŋ tsɔ́ɔn.

Roma 1:29

Menò mie Ssé tè ne ńkwoŋo wɔ́ pú ńjÿó wɔ́b, pɔ́ gÿo menò tepòŋ, ńgẅiin kègɔ́’, ńgwɔ́ pʉ̀a ńcÿɔ́g cÿɔ́g, légyá mmó nyìŋ ńkwɔ́’ɔ lóŋ mǒ pú ńjÿó wɔ́b, pɔ́ zẅéte pʉ̀a, ńnéŋe ńtág pɔ́ melà’, ńgẅiin fʉte, akɔ́ sá’a twó pɔ́b gwɔ́ pɔ́ gÿo gÿo, ńzáb menò twó pʉ̀a,

Roma 16:2

Pi lɔg lezíŋ Cʉ̀apʉ̀a ńkúe yé nà ntí gie pʉ̀a Kristo gẅiin lékúe nyìŋ pú’u. Pi tyé pá’ yɛ̌ nò wɔ́ lɔɔn ńcʉa yé, tà á ga’te mbwo pi, pi kẅéte yé mǒ. Kwà’ yé léen ńkẅéte pʉ̀a tɛ’, ńgíŋ ńkẅéte wɔ̀ɔn yɔ́ɔn.

Roma 6:13

Tà pi gíŋe ńdɔg mekèm mbùm mí ńgÿo nò tepòŋ pá’ mé lɔgɔ shúm ncù ńgÿo menò tepòŋ. Tà ńcʉ́’ pú’u, pi pú ńnyé mbùm gi mbwo Ssé ńgwɔ́ kwà’ pʉ̀a pie é ka kwě ḿbiŋ ńzím. Pi lɔg mekèm mbùm mí ńgÿo shúm sie pi ge lɔg gÿo mmó gie áa ndʉŋ ndʉŋ.

1 Korento 10:8

Pege pɔ́ɔn lékẅɛ́te wɛ̌ nyìŋ wɔ́ pega pɔ́ nuŋe nuŋe. Á piŋ ńgwɔ́ pá’ tsɔ́ pʉ̀a tsetsɛ̀ɛ pɔ́b la gÿo. Tà á tyé tà’a lyɛ̌’ nyìŋ mesoŋ ntsá’ ntsɔ̀b tá nê móm mbʉ́a gwete tsetsɛ̀ɛ pɔ́b ńkwéte.

1 Korento 5:1

Mé ne ńjú’u mé gwɔ́ nzɔ̌ nzɔ̌ éshwóŋó ngie áa tsetsɛ̀ɛ pi, atsɔ́ nyìŋ gwɔ́ wó é fʉ’ʉ tsɔ́ ntí menò tɛ’, Yɛ̌ ntí tsẅé pǔ ḿbÿág pÿág tà pàtè zsé Ssé zɔɔn tè pú’u, gÿo. N ne ńjú’u ngie atsɔ́ nyìŋ tsetsɛ̀ɛ pi kéen ńnéŋe nzwě tá we ndá.

1 Korento 6:13

Pi giŋé ně ńgɔɔn ngie: Mé la gÿo mmó lejÿó ńtí lepfòm, ńgÿo lepfòm ńtíi mmó lejÿó. Áa nò tá’ e Ssé ge gÿo tágte mmó lejÿó gwá’, é gíŋe tágte lepfòm. Mbɔɔ pú’u, ńgwɔ́ nyìŋ á lelɔg mbùm ye ńgÿo kɔ̀ɔkɔ́ɔ gie à kwǒŋ wɔ́, á nue mbùm nyìŋ ee ye Cʉ̀apʉ̀a, Cʉ̀apʉ̀a zɔ̌ líe nò náa mǒ.

1 Korento 6:18

Pi nyɛte ḿbɔ́ɔn lélɔg mbùm gi ńgÿo kɔ̀ɔkɔ́ɔ gie pi kwǒŋ. Metsɔ́ menò tepòŋ mie pʉ̀a mesoŋ gÿo, ée nà pɔ́b ńgwɔ́ pɔ́ nzème pǐ. Tá ńgwɔ́ gie nyìŋ lɔɔn ńdɔg mbùm ye ńgÿo kɔ́ wɔ́, mbà à sele ńgÿo nò tepòŋ pɔ́ ná ye.

2 Korento 12:21

Mèŋ n giŋé ńne ḿbɔ́gɔ légÿo ńgíŋe ńtó tà ńkúu lá’ pi, e Ssé yɔ̀ɔn gíŋe sẅí’i nzẅìŋ wɔ̀ɔn mvfò pi tà ndyɛ̌’ tsɔ́ n gẅiin lélʉa ńtí pʉ̀a tà ńgyɔɔn pie ée tsetsɛ̀ɛ pi, mbà pɔ́ lɔ́ɔn ńgÿo menò tepòŋ, pɔ́ laa mà wɔ́b kúbe, pɔ́ laa kẅɛɛ nà menò ncÿǒ mɔ́b wɔ́, ńké tè nò mpfwɔ́’ yɔ́b gwá’, ńké ne ńkẅi’i ńgÿo pɔ́ menò tepòŋ ntí ntí té gwoonte mbùm yɔb.

Efeso 5:12

Menò mie pʉ̀a ŋwɛ́ gÿo tsɛ̀ɛ nzěm, ée menò shʉ́, ńzɔɔn tè mie ńgwɔ́ nyìŋ kím mbàa kǐm wɔ́.

Efeso 5:5

Pi zsé ngie, mámbàŋa gẅie à tóŋo pànzwě, kà manzwě gẅie à fa’a mbàŋa wɔ́, mbɔɔ nyìŋ gẅie à gÿo menò ncÿǒ, tà mbɔɔ nyìŋ gẅie à zába ntʉ́m nà shúm pʉ̀a, atsɔ́ wɔb těen ńdá’a ńgẅiin yé jʉ’ tsɛ̀ɛ nò lefùɔ Kristo pɔ́ Ssé wɔ́. Lezǎb ntʉ́m nà shúm pʉ̀a, e gwɔ́ pɔ́ tsɔ̌ ntí legù’te shúm ńdɔg ngie ee Ssé.

Filipo 1:27

Ammó lÿò gie pi kě ńgẅiin légÿo á gwɔ́ pɔ́ ngie, pi ké ńne ńgiŋe pɔ́ ná mà we pʉ̀a pie é jú’u nkʉ̀ mbòŋo Yěsô Kristo. Á nà ntí gie n dɔɔn ńtó gyá gẅi lo, éfó tè tó lo, n ké ne ńjú’u pɔ́ pá’ mé gɔɔn ngie pi nyě ńgẅiin pɔ́ tà’ ncwò, ńne ńdɔgɔ pɔ́ tà’ ntʉ́m ńdÿɔ́’ɔ, légwɔ́ gie pi ge pɔ́ɔnte nò gie pi la zẅíŋ, á gwɔ́ nò nénʉ́ gie á fóo ná nkʉ̀ mbòŋo.

Kolosia 3:5

Pá’ áa pú’u la, pi zẅé mà tepòŋ we ndùmo ssé tsetsá’ gẅie aa ná pi. Mé gɔɔn mmó pá’ mbàŋa letóŋ panzwě, é panzwě léfa’ mbàŋa, á mmó pá’ nò mpfwɔ́’, á mmó pá’ ntʉ́m nyìŋ légwá shÿó, pá’ legẅiin tsɔ́ ntí letsɔ̌ɔn shúm, pá’ letÿɔ̌g ntʉ́m nà shúm, á nue letÿɔ̌g ntʉ́m nà shúm, à giŋé ńgwɔ́ pɔ́ tsɔ̌ ntí legu’te shúm ngie ée Ssé.

1 Tesalonika 4:3

Ammó gie e Ssé ne ńkwoŋo á gwɔ́ pɔ́ ngie pi gwɔ́ ndʉalʉ̌a, tà mbàŋa fa’ pànzwě, tà pànzwě fa’ mbàŋa,

1 Tesalonika 4:7

E Ssé la zɔɔn tè tóŋo wégè ngie pege gÿo menò mie é gẅiin ncÿǒ wɔ́, à la tóŋo wégè ngie pege gẅiin pɔ́ mà gẅie aa we pʉ̀a pé.

1 Timote 2:10

Á zɛ́te ngie pɔ́ lɔg pɔ́ mà wɔ́b ńnyɛ ngie pɔ́ ée pànzwě pie é sí. Áa pá’ pànzwě pie é gÿo mmó gie á poŋ Ssé gẅiin légÿo.

1 Timote 3:3

Á té zɛ́te ngie à gwɔ́ nyìŋ gẅie à ma’ mbùm yé ná melù’ wɔ́, ńgie à sá’ mbʉ̀’ wɔ́. Á zɛ́te ngie à gwɔ́ nyìŋ gẅie à pʉlé, á nyìŋ gẅie à tè ntsaŋ fa’. Tà á gwɔ́ nyìŋ gẅie à záb ntʉ́m wé nà nkáb.

1 Timote 6:10

Á nue le ké ńtsɔ́ɔn pɔ́ légẅiin nkáb, à lɔg menò ntí ntí ńtó. Etsɔ́ pʉ̀a léen ńgwá’ mbùm yɔb ná nò nkáb, éfʉa mánzsè, pɔ́ té gíŋe ńzáb ntʉ́m nà Ssé wɔ́, ńdɔg ńtóŋ ngʉ̀ngʉ̀ tà ńgyɔ́ɔn ńnéŋe ná pɔ́b.

2 Timote 3:2

Epʉ̀a mesoŋ gwɔ́ mekìm, ńkwoŋ pɔ́ nkáb, ńzẅíŋe mmóm tɛ’, é gwɔ́ ngàŋa ŋá’te, é ne zoonte Ssé zoonte, é tʉʉ twó mbwo metá pɔ́b, é gwɔ́ pàjÿò ńjÿɔg ncwò, pɔ́ le gíŋe ńdɔgɔ mmó gie áa ye Ssé ńdɔg ńtóŋo tsɔ́ mmó wɔ́.

Titus 1:11

Á zɛ́te ngie ɔ̀ jÿɔ́’ ncwò wɔ́b, mélà’mie pɔ́ ne ńdɔgɔ mmó gie pɔ́ zí’i pʉ̀a ńtébe metsìŋe ndá ńtÿɔ́gɔ. Á gwɔ́ mmó gie aa tè lɔg ńtÿɔ́gɔ múɔ, pɔ́ lɔgɔ fʉte wɔ́b, ḿpfɛ́ɛ nkáb yɔ́b.

Titus 1:7

Pá’ nyìŋ gẅie à líe cú’tè pʉ̀a Kristo, à fa’a pɔ́ mefà’ Ssé la, á té zɛ́te ngie à gwɔ́ nyìŋ gẅie mé kíme yé té poŋ wɔ́. Tà á ńnéŋe ńgwag pʉ̀a, tà á ńnéŋe ńgyáŋa lóŋ, tà á ma’ mbùm yé nà melù’, tà á ńnéŋe sá’ pɔ́ mbʉ̀’, tà á lɔgɔ gate fa’ nkáb.

Titus 2:3

Á gíŋ ńgwɔ́ pɔ́ ndʉŋ ndʉŋ pá’ ɔ̀ ge gɔɔn lé pànzwě pie é zẅǐŋ ngie pɔ́ gẅiin mà gẅie à poŋ Ssé, ngie tà pɔ́ shwóŋte nà mezíŋ pʉ̀a, ńgie tà pɔ́ ma’ mbùm yɔb nà melù’. Á zɛ́te ngie pɔ́ nyɛɛ mà mbòŋo,

Heber 12:16

Pi pɔ́ɔn pá’ à lɔɔn ńgwɔ́ nyìŋ gẅi pumo wɔ̌wɔ́ɔ pɔ́ yé nuŋe nuŋe, ḿbɔ́ɔn pá’ à lɔɔn ńgwɔ́ nyìŋ nyé té néŋ mekù’ ná shúm sie ée se Ssé, ndʉŋ ndʉŋ pá’ Esaẅi gẅie à la sẅiŋe nò mûɔ ndÿò gẅie à laa wɛ̌, mé lɔgɔ tà’a káŋa mmó léjÿó ńjú.

1 Piɛ 5:2

Mèŋ n gɔɔn mbwo pi pàkẅé mvfò ngie pi pféle nùɔ *njʉ̀njÿò Ssé gie à la cʉ́me mbwo pi, tà pi pféle pɔ́ pá’ fʉ̀’ gie mé gwǒon gẅi gwoon la, pi pféle lê ntʉ́m mbòŋo, pá’ Ssé ne ńkwoŋo. Tà pi gÿo pá’ fʉ̀’ gie pi fa’a nkáb la, pi lɔg pɔ́ nkwòŋe.

2 Piɛ 2:10

À gwɔ́ lyɛ’ó, à tʉʉ lelÿò ńzáb ngɔ́’ twó pʉ̀a pie pɔ́ ńnéŋe ńgÿo mmó gie mbùm yɔ́b tsóte wɔ́b légÿo, ńnéŋe ńtsɔ́ɔn menò ncÿǒ. E Ssé gɔɔn nò pɔ́ gwág gwág. Pà zí’i pʉ̀a cÿɔ̌ nò, pɔ́ tsẅiŋe kʉ́kʉ́b wɔ́b tɛ’, ńzẅíŋe móm tà pɔ́ té pɔ́gɔ lézoonte mezẅìge mie é gẅíin legú’ wɔ́.

2 Piɛ 2:14

Sɔ́b legyè tyé pɔ́ ná pànzwě. Pɔ́ té kʉa légÿo nò tepòŋ wɔ́. Pɔ́ lÿɔgte pʉ̀a pie é pÿɛ́ pÿɛ́. Letʉ́m sɔ́b ée fʉ̀’ ntsèm ńtyé pɔ́ nà pì gie ńgwɔ́ pɔ́ jÿó. Ndoon ee twó pɔ́b.

2 Piɛ 2:3

Pá’ pɔ́b kwoŋ nkáb tɛ’ la, pɔ́ ge lɔgɔ shwóŋè gie pɔ́ lʉ’té lʉ’te, é lɔg lÿɔgte gẅí, é kẅé shúm sí, ńke ńgÿo pú’u pɛ́’ɛ̀, mbà Ssé la lá’ ńzá’ ntsaŋ yɔb, tà á cʉ́’ pɔ́ méjʉ’ ngɔ́’ gwé ná pɔ́b.

Ŋwà’ne Ngyà jʉ’ 2:14

Tá’, n ké ńgẅiin tsɔ́ mmó gie mèŋ n ne ńda’a gẅi mǒ. Etsɔ́ pʉ̀a ée mbʉ̀a pi ńne ńzába ntʉ́m nà ndɔgtelé Mbalam. Mé gɔɔn Mbalam wá gẅie à la shwóŋó Mbalag, pá’ Mbalag ge lʉ’ lejÿɔ’, pà Israel gwe mǒ. À la tsóte wɔ́b pɔ́ pfɛ́ɛ pfwɔ́’ɔ mbàb gie mé lɔ̌g ńgwá’ messé, mbàŋa lâ pànzwě tsetsɛ̀ɛ pɔ́b é gíŋe ḿbumte wɔ̌wɔ́ɔ pâ pɔ̌ nuŋe nuŋe.

Ŋwà’ne Ngyà jʉ’ 2:21

N ka na’á ńne ńzẅí’te zẅi’té ngie à kúbe mà we. Tá’, à tè ne ńkwoŋo lékúbe mà mpfwɔ́’ ŋwɛ́ wɔ́.

Ŋwà’ne Ngyà jʉ’ 21:8

Tá ńké ńgʉa nà metsóon, mbɔɔ ná pàzẅíŋ ḿbiŋ ńdʉ’, mbɔɔ ná pàgÿo menò ncÿǒ, mbɔɔ ná pàzẅéte pʉ̀a, mbɔɔ ná pàgÿo menò mpfwɔ́’, mbɔɔ ná pàgẅiin mekàŋ, mbɔɔ ná pàgu’te shúm ngie ee messé, ńgÿo megàŋa cÿɔ̌ nò metsèm, mbà yɔ́b mmó gie mé ge gÿo lɔg tsɔ́’ɔ fà’ yɔ́b áa pá’ mé ge gÿo ma’a wɔ́b á tsɛ̀ɛ lepÿé mmɔ̌g *mekʉ̀a, á lɔgɔ ńgwɔ́ lekwé ńgʉa mbʉ́a.

Ŋwà’ne Ngyà jʉ’ 22:15

Tá ńké ńgʉa ná pàgÿo menò pá’ ngwé, é pàgẅiin mekàŋ, é pàgÿo menò mpfwɔ́’, é pàzẅéte pʉ̀a, é pàgu’te shúm ngie ee messé, mbɔɔ wɔ̌wɔ́ɔ gẅie à kwoŋ cÿɔ̌ nò, tà shwóŋó yé pɔ́ cÿɔ̌ nò, megàŋ zso nzème pǐ.

Ŋwà’ne Ngyà jʉ’ 9:21

Pɔ́ la gíŋ tè kúbe mà wɔ́b, ńnyé lézẅé nyìŋ wɔ́, ńké tè nyé lekàŋ wɔ́, ńké tè nyé pá’ ńgwɔ́ mbàŋa lâ pànzwě tsetsɛ̀ɛ pɔ́b kẅɛ́te wɔ̌wɔ́ɔ pâ pɔ̌ nuŋe nuŋe wɔ́, ńké tè tsǒŋ nyé.