Efeso 5:18 - Nouveau Testament en Ngienboum

¹⁸ Tà pi nú melù’ tà é jÿó gẅí. Legÿo pú’u, aa lecʉmé ná mánzsè tepòŋ. À Zẅìge ndʉalʉ̌a zɔ pu njÿó gẅí.

Efeso 5:18 ပူးပေါင်းရင်းမြစ်များ

Matio 23:25

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay, pi ee megàŋ mepàb. Pi tsí’i mbùm ntú’ lɔg ńnú melù’ mbɔɔ ye káŋ, tá shúm sie pi lɔg tsóŋ lâ ngáte ńgẅiin zɔ̌ gwɔ́ tsɛ̀ɛ wó.

Matio 24:49

ńzye lécúɔ pʉ̀a pie pâ pɔ́ fa’a, pâ mepʉ̀a melù’ cú’te ḿpfɛ́ shúm, ḿbiŋ ńnú melù’.

Lukase 1:15

À ge lá’ gwɔ́ mbwo Ssé é gwɔ́ nyìŋ tɛ’. À piŋ těen ńdá’a ńnúu melù’ wɔ́, tà mbɔɔ kɔ̀ɔkɔ́ɔ gie ńgwɔ́ nyìŋ nú ḿbʉ́a. À ge lá’ zɔɔn gwɔ kẅɛɛ lepfòm má we, mbà Zẅìge Ndʉalʉ̌a léen ńjÿó yé

Lukase 11:13

Pi pie pi fʉ’ nò tɛ’ zsě léná shúm mbòŋo mbwo gubé gí. Tà ngʉ̀a shÿɔ́’ɔ ná Tá gẅi gẅie aa tÿǒ lepwó? À ge náa Zẅìge Ndʉalʉ̌a mbwo pʉ̀a pie pɔ́ lǔɔ?

Lukase 12:45

Tá pege gɔɔn ngie ngàŋa fà’ cʉ̌’ nzèm, ńgɔɔn ngie: Tá fà’ wɔ̀ɔn tè lwo piŋ wɔ́, ńdeen ńké ńzye lécúa petsɔ́ megàŋa fà’, pe mbàŋa lâ pe pànzwě, ḿpfɛ́ɛ mmó, ńnú melù’ ḿbʉ́a.

Lukase 21:34

Pi laga twó gí nà lecʉ’ʉ́ ńzɔ́gɔ ḿpfɛ́ɛ pɔ́ shúm, ńnúu melù’ tà ḿbʉ́a, ḿmÿɔgɔ menò nzsè nzsè, ḿbɔ́g legyè sí lépyé, lyɛ̌’ɛ́ lá’ *Míŋ Nyìŋ gwaa tó, pi le ne ḿbyɛ́bɛ yé wɔ́,

Ŋwà’ne Jâŋ 2:10

ńgɔɔn né yé ngie: Mé ée ḿvɔgɔ ńnáa pɔ́ melù’ mbòŋo, tà mé núu tɛ̀’, tá mé náa mie é ná’a ḿmeen meen. Tá ńgʉa ná gù, mbà yɔɔn áa jú fʉ̀’ gie ɔ̀ náa melù’ mbòŋo mbwo pʉ̀a lá?

Megàŋ ntúm 11:24

Panebâse ŋwɛ́ zɔɔn ńgwɔ́ nyìŋ ńgẅiin tsẅé mbòŋo. Mbà Zẅìge Ndʉalʉ̌a léen ńjÿó yé. Á piŋ ńzáb ntʉ́m wé ná Cʉ̀apʉ̀a tɛ’. Pʉ̀a tà ńgyɔ́ɔn fó mbɔɔ ná ye ntí, ńcʉ́’ pʉ̀a Cʉ̀apʉ̀a.

Roma 13:13

Pege gẅiin tsẅé mbòŋo ná pá’ á ne ńzɛ́te ngie mé gẅiin pú’u, fʉ̀’ gie jʉ’ ne fɔ́gɔ, ḿbɔ́ɔn lé pfɛ́ɛ mmó kà lé nú melù’ wɔ́ lê gʉ̀gʉ̀, ḿbɔ́ɔn lé pumo wɔ̌wɔ́ɔ pega pɔ̌ nuŋe nuŋe, ḿbɔ́ɔn shúm sie shʉ́ ge kúu wégè mǒ, ḿbɔ́ɔn lé tág melà’, ḿbɔ́ɔn kègɔ́’.

1 Korento 11:21

N gɔɔn pá’ɔɔn, á nue afʉ̀’ʉ léjÿó gwɔ́ tà ńku’, awɔ̌wɔ́ɔ sẅɛte ńnéŋe ssé, ńjÿó sé shúm sie à ně ńdɔg ńtó. Tà mé gyá petsɔ́ pʉ̀a gwɔ ńnéŋe nzyè, mbà petsɔ́ pʉ̀a é nǔ tà ḿbʉ́a

1 Korento 5:11

Ngǎŋ, n kɔ̌ɔn ńŋwe’e ńgɔɔn mbwo pi pɔ́ ngie, pi pɔ́ɔn nyìŋ gẅie aa tsetsɛ̀ɛ pi ńně ńgɔɔn ngie aa fɛ́ gẅi nzèm Kristo, ḿbiŋe ḿbumo wɔ̌wɔ́ɔ pɔ́ ye nuŋe nuŋe, ńgwɔ́ ntsǒŋ, kà ńgwɔ́ pɔ́ nyìŋ gẅie à gu’te shúm ngie ee messé wɔ́, kà pɔ́ nyìŋ gẅie à shwoŋo té poŋ nà mezíŋ pʉ̀a wɔ́ɔ, kà pʉ̀a melù’ wɔ́, kà pɔ́ nyìŋ gẅie à kwoŋ nkáb tɛ’ wɔ́. Tà pi lâ yɛ̌ ntí nyìŋ fó ńzɔɔn ńteme mmó ńjÿó.

1 Tesalonika 5:7

Pàlyé lelɔ́g lyé lêtsẅɛ́’, pànú melù’ tà ḿbʉ́a nú pɔ́ lêtsẅɛ́’.

Titus 1:6

Á zɛ́te ngie nkẅè mvfò gwɔ́ nyìŋ gẅie mé té kíme yé té poŋ wɔ́. Á zɛ́te ngie à gẅiin pɔ́ tà’ manzwě wémɔ’ɔ́, penkʉ́ pé záb ntʉ́m nà Ssé, mà wɔ́b gwɔ́ we mbòŋo, pɔ́ piŋ ńnéŋe ńjú’ ncwò we.