Efeso 5:16 - Nouveau Testament en Ngienboum

¹⁶ pie pɔ́ zsé lézẅɛ́’ melyɛ’ɛ́ lá’ mie Ssé náa mbwo pɔ́b, éfa’ mefà’ mbòŋo, á nue afʉ̀’e njÿó yɔɔn té poŋ.

Efeso 5:16 ပူးပေါင်းရင်းမြစ်များ

Matio 25:17

Nyìŋ gẅie mé la nyé ye pàg nkÿo pʉ́a, gíŋe ńjÿó yé tsɔ̌ pàg nkÿo pʉ́a.

Ŋwà’ne Jâŋ 12:35

Yěsô tsɔ́’ɔ mbwo pɔ́b ngie: Akyɛ̀’ té ge gíŋe gwɔ́ tsetsɛ̀ɛ pi tà ntyě sag wɔ́. Akyɛ̀’ nyé ssé, pi giŋ, ḿbɔ́g nzěm lékẅɛ́te gẅí. Á nue nyìŋ ne ńgiŋe tsɛ̀ɛ nzěm, á le zsé jʉ’ gie à gee né wó wɔ́.

Roma 13:11

Pi kag tʉ̀, ńgÿo mɛ̌ menò á nue pi ne ńzsé kème njÿó gie pege ee mǒ. Yɔɔn áa fʉ̀’ gie á zɛ́te ngie pi zyeen. Á nue áa fʉ̀’ɔɔn, mbà fʉ̀’ gie Ssé ge gÿo pege tsẅɛ́, á pɔɔnté, ńtɔ́g pá’ á laa fʉ̀’ gie pege lá nyé ńzyete lézáb ntʉ́m nà Ssé.

1 Korento 7:26

Pá’ yɔɔn kème njÿó ne ńtʉʉ nzẅìŋ wɔɔn lɔɔn, n kwǎŋ yɔ́ɔn ngie áa mbòŋ mbwo wɔ̌wɔ́ɔ léńnéŋe té zɔ́’. Oon áa mbòŋ mbwo wɛ̌ nyìŋ wɔ́ɔ léńnéŋe pɔ́ pá’ à gwɔ̌.

Galatia 1:4

Pi ne ńzsé ngie Kristo yé máŋwɛ́ la náa twó yé nà menò tepòŋ mégè lélɔg sẅɛ’ ndòon yege, pú’u léfó mbwo yɔɔn kème njÿó gie á té poŋ ńkẅile wégè. Mɔɔn menò gwɔ́ pɔ́ pá’ Tá wege Ssé la záb.

Galatia 6:10

Pú’u la, pege lɔɔn ńnyé ńgẅiin shÿó, pege gÿo nò mbòŋo mbwo pʉ̀a metsèm, ńtʉʉ lelÿò ńgÿo mbwo mefɛ́ mefɛ́ pie pega pɔ́ pǔ ńzába ntʉ́m ná Kristo.

Efeso 6:13

Áa mmó gie á gÿo tá á ne ńzɛ́te ngie, pi kaa shúm ncù Ssé pɔ́ ntsèm, tá ńku’u légwɔ́ gie lyɛ’ɛ́ lá’ tepòŋ ge tó, pi ma’ ncù meshÿó meshÿó tà ńtsẅé jʉ’, é ké le ŋele.

Efeso 6:15

Leneŋé ńtsẅi nkʉ̀ mbòŋo Kristo gẅie é ná mbʉ́lè, é gwɔ́ mí melɔ̌ɔn mie pi ge shÿɔ́gɔ kwò pi.

Kolosia 4:5

Á gʉa ná pʉ̀a pie é té pʉ̀a Kristo wɔ́, pi zsé ntí gie pi ge lɔg ńnéŋe tsetsɛ̀ɛ pɔ́b. E Ssé ná shʉa létsẅi Nkʉ̀ Mbòŋo mbwo pɔ́b, tà pi cʉ́’ yɛ̌ fʉ̀’ tɔ́g.