Efeso 5:12 - Nouveau Testament en Ngienboum

¹² Menò mie pʉ̀a ŋwɛ́ gÿo tsɛ̀ɛ nzěm, ée menò shʉ́, ńzɔɔn tè mie ńgwɔ́ nyìŋ kím mbàa kǐm wɔ́.

Efeso 5:12 ပူးပေါင်းရင်းမြစ်များ

Roma 2:16

Wɔɔn aa pá’ Nkʉ̀ Mbòŋo nò Ssé gẅie mèŋ n da’te ńgɔɔn pá’ e Ssé ge lá’ zá’ ntsaŋ wɔ̌wɔ́ɔ. Á ge lá’ gwɔ́ yɛ̌ lyɛ̌’, e Ssé tsẅii mbwo Yěsô Kristo, à ŋág pʉ̀a nà kɔ̀ɔkɔ́ɔ wɔ́ gie áa lelyěen tsɛ̀ɛ ntʉ́m pɔ́b.

Efeso 5:11

Tà pi kúu nùɔ pʉ̀a pie pɔ́ fa’a mefà’ mie é té kẅéte, é mefà’ nzěm. Pi shʉ̀ashʉ̀a ńkyag nzèm yɔb kyag.

Efeso 5:13

Pi lɔɔn shʉa shʉa ńkyag mɛ̌ menò ntsèm, mbà é ge fɔ́g

Efeso 5:3

Pá’ pi ee fʉ̀’ɔɔn ńgwɔ́ pʉ̀a Ssé la, tsɔ́ shúm ée sie á té zɛ́te ngie nyìŋ gẅi gÿo wɔ́, ńgíŋ tè zɛ́te ngie me zɔɔn ńkím mbàa kǐm tsetsɛ̀ɛ pi wɔ́, mé gɔɔn nò pá’ mbàŋa létóŋ pànzwě, épànzwě léfa’ mbàŋa, á mmó pá’ menò ncÿǒ mbɔɔ nò kègɔ́’.

1 Piɛ 4:3

Apàa á zɔ̌ɔn ńzá’a pá’ pi ka ne ńgÿo mmó gie pà tézsé Ssé ne ńkwoŋo. Pi kɔ̌ɔn fʉ̀’ʉ menò tà sá’a sǎ’, ńne ńgÿo kɔ̀ɔkɔ́ɔ gie mbùm gi tsóte gẅi légÿo, ḿbʉ́a melù’, ńcú’te ná linɔ́ɔn lépfɛ́ shúm, ńgÿo menò shʉ́, pi kɔ̌ɔn ńzɔ́gɔ pɔ́ lénú melù’, pi kɔ̌ɔn ńgu’te shúm ngie ee messé, á gwɔ́ mmó gie Ssé pǔ tè kwoŋ.

Ŋwà’ne Ngyà jʉ’ 20:12

M biŋ ńgyá mepfó ssé, é melÿò mbɔɔ penkʉ́, pɔ́ tyéte mvfò lʉŋe lefùɔ. N gíŋ ńgyá pá’ mé nyɛ́’ɛ meŋwà’ne. Mé gÿo ńgíŋe nyɛ́’ɛ yetsɔ́, á gwɔ́ gie mé la ŋwe’e mezíŋ pʉ̀a pie pɔ́ gẅiin légwɔ́ tèmì tsoló. Mé lɔgɔ mmó gie mé la ŋwe’e tsɛ̀ɛ meŋwà’ne ńŋag mepfó ssé, ńŋaga wɔ́b pɔ́ pá’ mefà’ mɔ́b ka gwɔ̌.