Efeso 5:11 - Nouveau Testament en Ngienboum

¹¹ Tà pi kúu nùɔ pʉ̀a pie pɔ́ fa’a mefà’ mie é té kẅéte, é mefà’ nzěm. Pi shʉ̀ashʉ̀a ńkyag nzèm yɔb kyag.

Efeso 5:11 ပူးပေါင်းရင်းမြစ်များ

Matio 18:15

Àfɛ́ gù lɔɔn gÿo no tepoŋ na gù, ɔ̀ gʉa ńgyá yé, pi yé tyé jʉ’ mépʉ́a, ɔ̀ shwóŋó yé. Á jú’, tà ńzẅíŋe mefʉa, mbà ɔ̀ kẅilé yé ná mánzsè tepòŋ

Lukase 3:19

Ńkag mbàa ngúmnɔ́ɔn *Herôd ńtí pá’ à la kaa *Herôdiad gẅie à laa nzwě métá we, ńgíŋ ńkaga yé ńtí tsɔ́ menò tepòŋ tà ńgyɔ́ɔn.

Megàŋ ntúm 26:18

Mèŋ n túmo gú pú’u, ɔ̀ gʉa ńnyɛ́’ nÿɔ́g mɔ́b, ńgÿo pɔ́ fó tsɛ̀ɛ nzěm ńkẅɛ, ńkúu nà jʉ’ gie á ne fɔ́gɔ. Á lɔgɔ ńgwɔ́ ngie ɔ̀ ge gÿo gÿo pɔ́ fó nà mbwó Sátà ńkẅɛ, ḿbiŋe nà mbwó Ssé, é záb ntʉ́m wɔ́b ná mèŋ, e Ssé lege menò tepòŋ mɔ́b ńnáa mbwó pɔ́b, é piŋ náa yɔ́b jʉ’ á tsetsɛ̀ɛ pʉ̀a pé.

Roma 13:12

Letsẅɛ́’ zyě ńgiŋ, njÿó ne ńdʉ́a. Pú’u la, pege gwá’ mefà’ mie mé fa’a pɔ́ tsɛ̀ɛ nzěm, pege kaa shúm ncù sie mé tyé ná jʉ’e kyɛ̀’, ńdɔg ńdÿɔ́’ ncù.

Roma 16:17

Mefɛ́ pɔ́ɔn, mèŋ n ge gɔɔn né pi ngie pi pɔ́ɔn pʉ̀a pie é ma’a fàgte tsetsɛ̀ɛ pi, ńdɔgɔ pá’ pɔ́ lʉ’ʉ mmó gie mé la zí’i gẅi ná Kristo, ńgÿo pʉ̀a fʉa mánzsè. Pi kÿo pɛ̌ pʉ̀a.

Roma 6:21

Pi la jÿó kɔ́ pì ná yɛ̌ ntí mefà’? Pi ee fʉ̀’ɔɔn ńcʉ́’ ńkwaŋ mɛ̌ mefà’ éshʉ́ kúu gẅi mǒ kú, mélà’mie é gwaa mag ńná pɔ́ legwé.

Galatia 6:8

À lɔɔn ḿbye shúm sie é póŋ mbùm nnɛ́ ye, mbà shúm mbùm nnɛ́ ŋwɛ́ ge lá’ gÿo à kwé ḿbyé. Tá ńgwɔ́ gie à lɔɔn ḿbye shúm sie é póŋo Zẅìge Ndʉalʉ̌a, mbà Zẅìge Ndʉalʉ̌a ge lá’ gÿo à gẅiin le gwɔ́ tèmì.

Efeso 4:22

mbà á ne ńzɛ́te ngie pi kẅɛɛ ná nzẅìŋe mà gẅie mé la lɔg ńzyé gẅí, ndʉŋ ndʉŋ pá’ nyìŋ sẅɛɛ nzẅìŋe nzsǒ ná yé ńgwá’a la. Wɛ̌ mà aa gẅie à kɔ̌ɔn ńcʉa nà shúm tepòŋ sie à kɔ̌ɔn ńtsɔ́ɔn, ńkẅi’i ḿbÿɔ́g pÿɔ́g. Sɛ̌ shúm tepòŋ gwɔ́ shúm sie é fʉte nyìŋ fʉte.

Efeso 5:12

Menò mie pʉ̀a ŋwɛ́ gÿo tsɛ̀ɛ nzěm, ée menò shʉ́, ńzɔɔn tè mie ńgwɔ́ nyìŋ kím mbàa kǐm wɔ́.

Efeso 5:7

Pú’u la, tà pia yɛ̌ ntí pʉ̀a teme tsɔ́ nò.

Kolosia 1:12

Pi lɔgɔ lekág ésíe Ssé gẅie aa Tá wege, yé gẅie à la gÿo pi ku’u légẅiin gí mmó nà tÿɔgɔ́ gẅie à la ka’a mbwo pʉ̀a pé. Wɛ̌ tÿɔgɔ́ ée nà jʉ’e kyɛ̀’.

1 Tesalonika 5:7

Pàlyé lelɔ́g lyé lêtsẅɛ́’, pànú melù’ tà ḿbʉ́a nú pɔ́ lêtsẅɛ́’.

2 Tesalonika 3:14

Nyìŋ lʉ’ʉ lé jú’u nò gie peg gɔ̌ɔn tsɛ̀ɛ yɔɔn ŋwà’ne lɔɔn, pi líe yé mboŋó. Tà pia pɔ̌ gíŋe ńtéme nò, ńzsé ngie eshʉ́ ge kúu yé.

2 Tesalonika 3:6

Mefɛ́ mefɛ́, peg lɔ̌g lezíŋ Cʉ̀apʉ̀a Yěsô Kristo, ńtsẅii mbwo pi ngie pi lÿɔ́’ mbɔɔ wɛ̌ fɛ́ gẅi wɔ́ gẅie à pɔ́gɔ fà’ pɔ́g, ḿbiŋ ńké tè ne ńgiŋe ná ntí gie peg la zí’i gẅi laa pɔ̌ wɔ́.

1 Timote 5:20

Á gʉa nà pʉ̀a pie é kwǎ’ ńgÿo nò tepòŋ, ɔ̀ tyé pɔ́ tsɛ̀ɛ cú’tè ńkága wɔ́b, petsɔ́ pʉ̀a gyá pú’u, ḿbɔ́gɔ légÿo nò tepòŋ.

1 Timote 5:22

Tè sẅɛte ńzáb mbwo ná nyìŋ ńcʉ́me fà’a cú’tè pʉ̀a Kristo mbwo yé. Zɔɔn ḿvɔg ńtsa’a yé mboŋó, ḿbɔ́gɔ ngàŋ légÿo nò tepòŋ, á cʉ́’ʉ jú. Pɔ́ɔn kɔ̀ɔkɔ́ɔ gie ńgwɔ́ á cʉŋte gú.

1 Timote 6:5

ńgwɔ́ fʉ̀’ ntsèm ne ńzoŋo nò tsetsɛ̀ɛ pɔ́b zoŋ, á nue pɔ́ cʉ́’ʉ ńzsé nò nénʉ́ wɔ́, ńkwaŋa yɔ́b pɔ́ ngie nyìŋ lɔɔn ńzáb ntʉ́m nà Ssé, mbà àa mánzsè gẅie à ge fó mǒ gẅiin nkáb.

2 Timote 3:5

é gwɔ́ pʉ̀a Ssé pɔ́ nzème pǐ, é moŋe metʉ̀ Ssé mie é kɔ’ɔ́ lɔgɔ wɔ́b gÿo pʉ̀a Ssé. Timoté lÿɔ́’te ntí pʉ̀a ápɛ̌.

2 Timote 4:2

Ɔ̀ tsẅi nkʉ̀ mbòŋo nò Ssé, ńtyé pɔ́ nzɔ̌ wɔ́ ńcwoŋo ńgɔɔn gɔɔn, kà á gwɔ́ pɔ́ jʉ’ gie mé ee wó ńne ḿbyɛ́bɛ ngie mé gɔɔn wɔ́, kà pɔ́ jʉ’ gie mé té wó ńne ḿbyɛ́bɛ wɔ́ wɔ́, ɔ̀ gɔɔn gɔɔn. Nyìŋ fʉa nò ɔ̀ kaga yé nà ntí gie à ge jú’, ńkẅiŋte yé légÿo nò mbòŋo. Gwáa gÿo pú’u, ńdɔg pɔ́ kwɔ́gɔ nnɛ́ ḿbiŋ ne ńzí’i pʉ̀a mmó.

Titus 2:15

Mɔɔn ée menò mie ɔ̀ gẅiin léke ńgɔɔn mbwo pʉ̀a gɔɔn, ńgẅiin lékẅiŋte wɔ́b, ńnyɛɛ nyìŋ mmó gie à fʉ̌a. Gÿo mɔɔn menò tà ńzsé ngie ɔ̀ lɔgɔ pɔ́ metʉ̀ Ssé ńgÿo. Tè cʉ́’ nyìŋ gwága gú.

Ŋwà’ne Ngyà jʉ’ 18:4

N jú’ yetsɔ̌ ngyè fó tÿǒ lepwó ńne ńgɔɔn ngie: Epʉ̀a pɔ́ɔn, pi fó tsɛ̀ɛ yɔɔn tÿǒsoŋo ńkẅɛ, ḿbɔ́gɔ gẅi légÿo menò tepòŋ pá’ yé, ńzsé ngie ngʉ̀ngʉ̀ ntí ntí gie e ge kúu ná yé e tè kúu gẅi wɔ́.