Efeso 4:4 - Nouveau Testament en Ngienboum

⁴ Mbùm nnɛ́ Kristo ee yémɔ’ɔ́, a Zẅìge ndʉalʉ̌a gwɔ́ yémɔ’ɔ́ ndʉŋ ndʉŋ pá’ mmó gie e Ssé la tóŋo gẅí, pi ne ńzẅí’te á gwɔ́ pɔ́ yémɔ’ɔ́.

Efeso 4:4 ပူးပေါင်းရင်းမြစ်များ

Matio 28:19

Pú’u la, pi gʉa ngwòŋo ngwòŋ, ńdɔg pʉ̀a mesoŋ ńgÿo *ngàŋa kwò yɔ́ɔn, ńnu’u wɔ́b ntse ná lezíŋ Tá, mbɔɔ Múɔ, mbɔɔ Zẅìge Ndʉalʉ̌a,

Megàŋ ntúm 15:11

Ammó gie pege ne ńnyɛte ńzsé, á gwɔ́ pɔ́ ngie pege la gwɔ́ tsẅɛ́, ńzẅɛ́’ pɔ́ pá’ Cʉ̀apʉ̀a Yěsô cÿǒ gem yégè. Á gwɔ́ pɔ́ ndʉŋ ndʉŋ pá’ á cʉa pú’u, tá pɔ́ tsẅɛ́ yɔ́b.

Roma 11:29

Áa pú’u, nue e Ssé tè lɔgɔ mmó ńcÿó gem nyìŋ ńgíŋe ńkẅé wɔ́, ńké tè gɔɔn ngie à toŋó nyìŋ ḿbiŋ ńkúbe nò gie à gɔ̌ɔn wɔ́.

1 Korento 10:17

Pá’ tà’ mbelég wémɔ’ɔ́ zɔɔ ssé la, pege metsèm púte ḿpfɛ́ɛ wɛ̌ tà’ mbelég á lɔgɔ ńnyɛɛ ngie pege puté ńgwɔ́ pɔ́ tà’ mbùm nnɛ́ yémɔ’ɔ́.

1 Korento 12:20

Mekèm nnɛ́ tsɛ ńgyɔ́ɔn tɛ’ tá’ ńké ńcú’te ńgwɔ́ pɔ́ tà’ mbùm nnɛ́.

2 Korento 11:4

Mèŋ n gɔɔn pá’ɔɔn nue mèŋ n ne ńgyá ngie nyìŋ léen ńgwɔ́ tà ńtó, éshwóŋó gẅi nò ná tsɔ̌ Yěsô, á ké tè gẅie peg la gɔɔn nò ná yé wɔ́, pi gwóon ńzẅíŋ, ńgíŋe ne ńgyá, nyìŋ tó ńgɔɔn nò ndyɛ̀’ɛ ná Zẅìge Ndʉalʉ̌a, kà pɔ́ nà nkʉ̀ mbòŋo wɔ́, á ké tè pumte nà menò mie pi la vɔg ńzẅíŋ wɔ́, pi zẅíŋ zẅǐŋ.

Efeso 1:18

Mèŋ n giŋé ne sẅíŋte yé, ngie à gÿo ntʉ́m gẅi zsé kyɛ̀’ yé légwɔ́ gie pi ge cwoŋo zsé mmó gie à lɔ̌ɔn ńtóŋo gẅi ńtí yɛ̌. Mbɔɔ pá’ pi ge zsé máamaa fù’u mbòŋo gie pia petsɔ́ pʉ̀a pie à la tsɔ́’ɔ wɔ́b ge gÿo kẅé, á gwɔ́ mmó gie à la cwoŋte ńzáb né pi.

Efeso 2:16

Pá’ pege kéen ḿbú ńcʉ́’ʉ tà’ nùɔ la, á lɔgɔ ńgɔɔn ngie mbù gẅie é kaa tsetsɛ̀ɛ menùɔ mégè é kéen ḿmag. Wɛ̌ le gwɔ́ ka fó pɔ́ ná pá’ Kristo ka kwě nà tÿǒ nkǐ ńdɔg ńgÿo mbù gẅie é kaa tsetsɛ̀ɛ menùɔ mégè lâ Ssé é mag. Pege metsèm cʉ́’ ńgwɔ́ pɔ́ púɔ Ssé. Yɔɔn áa mmó gie á ka mag mbù gẅie é kaa tsetsɛ̀ɛ pege.

Efeso 2:18

Pú’u, pi tà mbɔɔ peg pà Yuda cʉa pɔ́ ná yé Kristo, ńgee lejʉ́ŋ Ssé Tá, tà’ Zẅìge Ndʉalʉ̌a wémɔ’ɔ́ zɔ ké ńkẅéte wégè.

Efeso 2:22

Pi gí lâ petsɔ́ pʉ̀a, pi lɔg pɔ́ pá’ pi la nnɛ́ ná Kristo, tá ńgwɔ́ tsɔ́ gwǒŋo ndá ŋwɛ́, ńdɔgɔ ńgwɔ́ ndá gie mé ne ḿbwóon, á gwɔ́ jʉ’ gie e Ssé ńnéŋe wó, tá Zẅìge yé zɔ̌ gwɔ́ wó.

Efeso 4:1

Mèŋ gẅie mèŋ n gee ndá tsǎŋ ńtí nò Cʉ̀apʉ̀a Yěsô Kristo, n ge fó ná menò mie mèŋ shwoŋó gẅí, é zɛ́te ngie pi gwɔ́ gÿo kɔ̀ɔkɔ́ɔ gí wɔ́, ńkímte ngie e Ssé ka tóŋo gẅi ngie pi gwɔ́ pʉ̀a pé.

Efeso 5:30

á nue pege gwɔ́ pɔ́ mekèm mbùm ye.

Kolosia 1:5

Pi gÿo pú’u, nue pi ne ńzẅí’te mmó gie e Ssé la cwoŋte ńzába tÿǒ lepwó ńtí gẅí. Pi ka gwɔ zsé yɛ̌ mmó, éfó nà nò nénʉ́ gie mé ka shwoŋó gẅí, yɛ̌ nò nénʉ́ fóo ná Nkʉ̀ Mbòŋo.

Kolosia 3:15

Mèŋ n ne ńtsɔ́ɔn ngie mbʉ́lè gie e fóo mbwo Kristo e jÿó ntʉ́m gẅí, e Ssé la tóŋo gẅi métsèm légwɔ́ gie pi ge gẅiin mbʉ́lè ŋwɛ́, pá’ pi ge gwɔ́ mekèm tà’ mbùm nnɛ́. Pi ké ńgwɔ́ fʉ̀’ ntsèm, ńne ńnáa ndǎg mbwo Ssé.

2 Tesalonika 2:16

Tá wege Ssé la kwoŋo wégè, ńdɔgɔ lécÿó gʉm yégè, pege cʉ́’ pʉ̀a pé, ńkẅiŋte wégè ná ntí gie e těen ńdá’a ḿmaga wɔ́, ḿbiŋ ńgÿo pege ńnéŋe ne ńzẅí’te mmó mbòŋo gie à la ka’a mbwo pʉ̀a pé. Pú’u, peg ne ńdúɔ mbwo yé mbɔɔ mbwo Cʉ̀apʉ̀a wege Yěsô Kristo ngie:

1 Timote 1:1

Yɔɔn ŋwà’ne áa ŋwe’e mèŋ Pɔl, ngàŋ ntúm Yěsô Kristo. Mèŋ n gee ngàŋ ntúm Yěsô á nue e Ssé pɔ́ Yěsô la tsẅi ngie mèŋ n gwɔ́ wɛ̌. Yé Ssé zɔ gÿo pege tsẅɛ́ɛ, Yěsô Kristo ne ńgÿo yé ngie kɔ̀ɔkɔ́ɔ gie pege ne ńzwí’te mbwo Ssé à pumte.

Titus 1:2

Pú’u mé ńnéŋe ne ńzẅí’te légwɔ́ tèmì gẅie e Ssé la lá’ ńnyé pɔ́ tè pú’ ngwòŋ, ńka’a mbwo pʉ̀a pé. Mé zsé ngie àa těen ńgɔɔn nò mé fa’a kékáŋ wɔ́.

Titus 2:13

Á gíŋe ńgwɔ́ mbɔɔ pá’ pege ne ńzwí’te máa maa lyɛ’ɛ́ lá’ gie Yěsô Kristo ge lá’ nyɛɛ legú’ we. Yé zɔɔ Ssé yege yé lÿò, à gÿo pege tsẅɛ́ɛ.

Titus 3:7

À la néŋ pá’ɔɔn légwɔ́ gie pege ge lá’ gẅiin le gwɔ́ tèmì gẅie pege neŋé ńne ńzẅí’te. E Ssé ge lá’ ná né pege, mélà’mie à la kwoŋo wégè, ńcÿó gʉm yégè, ńgÿo pege cʉ́’ pʉ̀a pie ée mvfò ye ńgwɔ́ ndʉŋ ndʉŋ.

1 Piɛ 1:21

Pi zẅɛ́’ɛ pɔ́ yé tá ńzába ntʉ́m nà Ssé gẅie à la zíme yé nà legwé, mbɔɔ pá’ à la náa yé legú’, tà pi gwaa záb ntʉ́m nà Ssé, é piŋ ne pyɛ́bɛ mmó gie Ssé ka’a, yé zɔ̌ gÿo.

1 Jâŋ 3:3

Awɔ̌wɔ́ɔ gẅie à neŋé ne ńzẅí’te ngie Kristo gÿo yɔɔn nò, à ńnéŋe ḿbɔ́ɔn pá’ ńgwɔ́ *lɔ̌’ gwɔ́ ná yé, á nue Kristo aa tè *lɔ̌’.