Efeso 4:32 - Nouveau Testament en Ngienboum

³² ńdíe mefɛ́ pí pɔ́ lê ntʉ́m mbòŋo, ńgẅiin tsɔ́ɔn mezìŋe nzèm petsɔ́ pʉ̀a, pi lege mefʉ̀a tsetsɛ̀ɛ pi né pi, ndʉŋ ndʉŋ pá’ Ssé la cʉa ná Kristo ńdege mí gí né pi.

Efeso 4:32 ပူးပေါင်းရင်းမြစ်များ

Matio 6:12

lege mefʉa még, ńná né peg, pá’ peg ne ńdege yég ńnáa mbwó pʉ̀a pie pɔ́ fʉ̌a nò mbwó peg la.

Malékuse 11:25

Afʉ̀’ gie ɔ̀ ne sẅíŋte Ssé lá, ńgwɔ́ gie nyìŋ fʉ̌a nò mbwo gù, ɔ̀ lege ńnáa mbwo ngàŋ. À cʉa pú’u, tá Tá gẅi gẅie aa tÿǒ lepwó, à lege mí mefʉ̀a ńná lé pi.

Lukase 1:78

mélà’mie à ne ńdíe wégè mboŋó, ḿbiŋ ne ńtsɔ́ɔn mezìŋe mégè tɛ’. À ge túmo Nyìŋ gẅie à ge gÿo pege gwɔ́ wó, angàŋ fó tÿǒ ńtó ńgwɔ́ nkà’,

Lukase 11:4

lege menò tepòŋ még ńná né peg, Mélà’mie peg ne ńdege yég ńnáa mbwo pʉ̀a pie pɔ́ fʉ̌a nò mbwo peg. Tè zẅíŋ ngie peg kúu tsɛ̀ɛ nkwà’te.

Lukase 17:4

Efó ńzɔ́gɔ ta’a lyɛ̌’ ńgÿo nò tepòŋ ná yé pɔ́ ngʉ̀a sɔɔn mbʉ́a, ḿbiŋ ńtó ngʉ̀a sɔɔn mbʉ́a, ńzẅíŋ mefʉ̀a mbwo yé, á lege ńnáa mbwo yé.

Lukase 6:35

Ammó gie á poŋ ngie pi gÿo gwɔ́ pɔ́ ngie: Pi kwoŋ megàŋ mbù pí, ńgÿo pɔ́ nò mbòŋo ná pɔ́b. Pi fu nkáb mbwo nyìŋ té sáŋ ngie ngàŋ ge gÿo tsɔ́’. Pi lɔɔn ne ńgÿo pú’u, mbà Ssé ge lá’ náa gẅi máa ntsɔ’ɔ́ fà’, pi gíŋe ńgwɔ́ púɔ Ssé gẅie à pi’i kɔ̀ɔkɔ́ɔ, ńtí nue kwà’ yé ne ńgÿo nò mbòŋo ná pàjÿó ńjÿɔg ncwò, mbɔɔ ná megàŋ sóon.

Lukase 6:37

Tà pi ńnéŋe ńtúu lɔ’ɔ́ pʉ̀a ḿbɔ́g Ssé létúu gí *lɔ̌’. Tà pi ńnéŋe ńkʉ́e pʉ̀a ḿbɔ́g Ssé lékʉ́e gẅí. Pi ńnéŋe ńdege mefʉ̀a pʉ̀a, e Ssé lege mefʉ̀a mí.

Megàŋ ntúm 28:2

Pàlá’ ŋwɛ́, pú ńgÿo nò mbòŋo ná peg tà ńnyɛɛ máamáa mmɔ̌g, ńtóŋo wég ńgie peg tó ńzɔ́g. Á gwaa gwɔ́, mbà mbʉ̀ŋ zyé lélú, efÿɔ́g piŋ ne ńkúu.

Roma 12:10

Pi lɔg pá’ pi ee mefɛ́ mefɛ́, ńkwoŋe pi né pi, nyìŋ gẅi à vɔg ńná mekù’ fɛ́ we.

1 Korento 13:4

Nyìŋ gẅie à kwoŋo nyìŋ mesoŋ, à gẅiin kwɔgɔ nnɛ́, à kẅete pʉ̀a, à tè gẅiin kègɔ́’ wɔ́, à tè nyɛ nnɛ́ wɔ́, à tè ŋá’te,

2 Korento 2:10

Pi lɔɔn ńdege mefʉa nyìŋ, ńnáa mbwo yé, mbà mèŋ n degé yɔ́ɔn ńnáa mbwo ngàŋ, ńgwɔ́ gie n dɔɔn ńgẅiin lélege mefʉa nyìŋ, ńdege, mbà mèŋ n tyé mvfò Kristo ńdege pɔ́ lélɔg ńkẅéte gẅí,

2 Korento 2:7

Tà á ne zɛ́te fʉ̀’ɔɔn pɔ́ ngie pi lege ńnáa mbwo yé, ńtóonte yé, ḿbɔ́g pá’ à lɔɔn ńgwɔ́ á mÿɔg séság, ńkʉ́a.

2 Korento 6:6

Peg ne ńdɔgɔ weg mà ńnyɛɛ ngie peg ee pafa’a fà’ Ssé. Peg gẅiin ntʉ́m Ndʉalʉ̌a, mbɔɔ zse nò gie á fóo mbwo Ssé, ńgÿo kwɔ́gɔ nnɛ́. Peg gẅiin pɔ́ pòŋo ntʉ́m nzèm pʉ̀a mesoŋ, ńzẅí’te yég kɔ́ wɔ́ pɔ́ mbwo Zẅìge Ndʉalʉ̌a, ńgẅiin nkwòŋe gie è tè nkwòŋ menÿɔ́g wɔ́,

Efeso 5:1

Pi púɔ Ssé, e Ssé kwoŋo gẅi tɛ’, pú’u la pi pí fʉ̀’ ná yé.

Ŋwà’ne Jâg 5:11

Pi gyá pá’ pege tóŋo pʉ̀a pie é la tʉte tʉte lê pà shÿó mbòŋo. Pi la jú’ pá’ mé la la’te ntí gie Job la lɔg shÿɔg pú’u. Pi piŋ ńzsé mmó gie à la cʉ́’ʉ lézsote Cʉ̀apʉ̀a gÿo ná yé, á nue Cʉ̀apʉ̀a gẅiin pòŋo ntʉ́m tɛ’, ńtsɔ́ɔn mezìŋe pɔ́ pú’u.

2 Piɛ 1:7

ńgʉa ná lezsě pɔ́ ndà’ Ssé, ńkẅi’i pá’ à nò mefɛ́ pí ge poŋo gẅí, ńgʉa ná pá’ nò mefɛ́ pí ne ḿboŋo gẅí, ńkẅí’i nkwòŋe.

1 Jâŋ 1:9

Pege lɔɔn ńzẅíŋ mefʉa mégè, mbà Ssé ge lege ná né pege, éfó ná pege kẅile nò tepòŋ ntsèm, mélà’mie e Ssé ka’a mmó ńgÿo, á gwɔ́ ndʉŋ ndʉŋ

1 Jâŋ 2:12

Penkʉ́ pɔ́ɔn, mèŋ n gee tsɛ̀ɛ yɔɔn ŋwà’ne, ńne shwóŋó gẅi ngie e Ssé cʉa nà mmó gie Yěsô Kristo la gÿo, ńdege menò tepòŋ mí ńná né pi.