Efeso 4:30 - Nouveau Testament en Ngienboum

³⁰ Tà pi gÿo Zẅìge ndʉalʉ̌a gie Ssé la lɔg ńcÿɔ’ɔ liŋé ná pi gyá ngɔ́’. À lɔ̌ɔn ńdɔgɔ ńnyɛɛ ngie pi ee pʉ̀a pé, ńgíŋe ńdɔgɔ ńnyɛɛ ngie alyɛ̌’ gé lá’ gwɔ́, à pú ńcu’u wégè, pege pú ńtsẅɛ́.

Efeso 4:30 ပူးပေါင်းရင်းမြစ်များ

Malékuse 3:5

Yěsô paŋ lejÿɔ́g ńdɔg ńdíe wɔ́b, mbùm yé ne ńtsyɛte ńtí tʉʉ twó yɔ́b, á leen ńké ńgɔɔn mbwo mámbàŋa ŋwɛ́ ngie: Siŋe pwó ɔ, á siŋ. Mé gyá á tʉte.

Lukase 21:28

Mɔɔn menò lɔɔn ńdá’ ńgwɔ́ tà ńzye létó, pi zẅí’te gí pɔ́ tè pɔ́g, mélà’mie afʉ̀’ gie Ssé gee kẅile gẅi ndá nkwɔ̀ɔn ne ńku’u.

Ŋwà’ne Jâŋ 3:33

Nyìŋ gẅie à zẅíŋe nò gie à gɔɔn, lɔgɔ ńnyɛɛ ngie e Ssé ee nénʉ́ nà kɔ̀ɔkɔ́ɔ.

Megàŋ ntúm 7:51

Etien la pú ḿbíte tà á ku’, á gɔɔn mbwo pàŋag ntsaŋ ngie: Pi tʉʉ twó tɛ’. Ntʉ́m gẅi pâ nkwaŋá nò gẅi gwɔ́ we pʉ̀a pie pɔ́ té Ssé zsé. Pi giŋé ńdʉ’ʉ nò gie Zẅìge Ssé zɔ̌ gɔ̌ɔn, ńdɔgɔ ńgÿo pɔ́ pá’ pàmangʉa njʉ’ pí.

Roma 8:11

À lɔɔn ńgwɔ́ gie Zẅìge Ssé gẅie à la zíme Yěsô ná legwé áa ná pi, mbà yé nyìŋ gẅie à la zíme Kristo ná legwé, ge gÿo gÿo mbùm gi gie ee ńkwé e lɔgɔ Zẅìge yé gie áa ná pi ńgwɔ́ yé wó.

Roma 8:23

Eshúm ŋwɛ́ zɔ̌ té ńtsẅii gílé pɔ́b wɔ́. Pege yégè pie Ssé la lɔgɔ Zẅìge yé ńgÿo pege gẅiin ntwó mmó nà shúm sie à la ka’a léná né pege, pege yégè giŋé ńgwɔ́ tsɛ̀ɛ ntʉ́m pege ńtsẅii pɔ́ pú’u, ńne ńzẅí’te lyɛ̌’ gie Ssé ge lɔgɔ wégè gÿo púɔ pé ndà’ ndà’, pege gẅiin mbùm yé sẅé, ńtsẅɛ́ ngɔ́’.

1 Korento 1:30

Yé Ssé zɔ la temte gẅia Yěsô Kristo, ńdɔgɔ yé ńgÿo yégè zsé nò. E Ssé fó ná ye ńgyá wégè pá’ pà tè fʉa, ńdɔgɔ wégè ńgÿo pʉ̀a pé, ńzá’ nkÿo pù’ nò tepòŋ ná pege.

1 Korento 15:54

Á ge lá’ gwɔ́ tà yɔɔn mbùm gie e kwě ńdʉ́ lɔɔn, e sele ńcʉ́’ gie e tè gíŋe kwé wɔ́, é ké le gíŋe ńdʉ́ wɔ́, ashwóŋè gie mé la ŋwe’e tsɛ̀ɛ ŋwà’ne Ssé lɔgɔ ḿbumte. Mé la ŋwe’e ngie: Legwé à tè gíŋe ńgwɔ́ wó wɔ́, mé ma’á yé tà ńjÿó ye.

1 Tesalonika 5:19

Tà pi tɔ’ɔ Zẅìge Ssé léfa’a fà’.

Heber 10:29

Tà á lɔɔn ńgwɔ́ pú’u, mbà pi kwǎŋ gí ngie ngʉ̀ngʉ̀ gie á ne ńzɛ́te ngie mé zába twó nyìŋ gẅie à lɔgɔ́ míŋ Ssé ńtóŋ sɛ̌ shúm e ge lá’ ńgwá’a la? Mé gɔɔn nyìŋ gẅie à gwagá nò metse mie e Ssé lɔgɔ ńgwaa *kʉ̀a, é gwɔ́ mie mé la lɔg ńgÿo á cʉ́’ʉ nyìŋ Ssé, á nyìŋ gẅie à zoonté Zẅìge Ndʉalʉ̌a gie á gÿo pege zsé pá’ ntʉ́m Ssé poŋo nzèm pege pú’u.

Heber 3:10

Áa mmó gie á la gÿo anò yɛ̌ kwò pʉ̀a mesoŋ pÿɔ́gɔ wɔ̀ɔn. Tà mèŋ n gɔɔn ngie: Pɔ́ ée fʉ̀’ ntsèm ntʉ́m wɔ́b fó ná mèŋ ńzyɛ́bɛ zyɛ́bɛ. Pɔ́ la lá’ tè lɔgɔ tsɔ̌ tà’ ná menò mie n da ne ńtsẅii mbwo pɔ́b, ńtóŋo tsɔ́ nò wɔ́.

Heber 3:17

Anò pà wɔ̌ piŋ ńdá’ ḿbÿɔ́g Ssé pÿɔ́g ngù’ móm lekùa? Á laa nò pʉ̀a pie pɔ́ la fʉate menò, tà ńgwete nkwòŋo tsẅɛ̀ ńkwéte, mepfó mɔ́b sa jʉ’.