Efeso 4:20 - Nouveau Testament en Ngienboum

²⁰ Tá á ké ńgʉa ná pi, mbà Kristo la tè zí’i gẅi légẅiin yɛ̌ ntí tsẅé wɔ́.

Efeso 4:20 ပူးပေါင်းရင်းမြစ်များ

Matio 11:29

Pi píi *kɔ̌’ yɔ́ɔn ńjÿɔ́gɔ lóŋ pi, ḿbiŋ ńzẅíŋ ngie mèŋ n zí’i gẅi pá’ pi ge gÿo, á nue m bʉlé, ntʉ́m wɔ̀ɔn piŋ ńké tè cÿɔ́gte. Mèŋ n ge náa jʉ’ gie pi ge sẅéte ntʉ́m gẅi wó

Lukase 24:47

Á ne ńzɛ́te ngie mé lá’ ńdɔg lezíŋ sɔ́ɔn, ńgɔɔn nò Ssé mbwo lá’a lá’ ngie wɔ̌wɔ́ɔ kúbe mà we, e Ssé lege menò tepòŋ mé. Pú’u, é ké zye Yerósalem.

Ŋwà’ne Jâŋ 6:45

Mé la ŋwe’e tsɛ̀ɛ ŋwà’ne pà *ntsẅì nkʉ̀ Ssé ngie: «E Ssé lê twó yé ge lá’ zí’i nò yé mbwo mânyìŋ tsèm». Nyìŋ lɔɔn ńjú’u nò gie à fóo mbwo Tá, ńzẅíŋe mmó gie à zí’i pʉ̀a, mbà wɛ̌ nyìŋ ge tó tsɛ́ɛ wɔ̀ɔn.

Efeso 4:21

Á lɔɔn ńgwɔ́ ngie pi ka jú’u nò yé, tà mé shwóŋó gẅi nò nénʉ́ ntsèm gie á ne ńdíe yé,

1 Jâŋ 2:27

ńgʉa ná pi, mbà Kristo la náa Zẅìge yé né pi. Yɛ̌ Zẅìge piŋ ńké ńne ńgwɔ́ ná pi, áa mmó gie á gÿo, á té ne ńzɛ́te ngie nyìŋ mesoŋ zí’i gẅi mmó wɔ́, á nue Zẅìge Ndʉalʉ̌a ne ńzí’i gẅi kɔ̀ɔkɔ́ɔ, ammó gie á la’te piŋ ńgwɔ́ nénʉ́, é té cÿɔ̌ nò wɔ́. Pú’u la, pi ké ńda pɔ́ nnɛ́ ná Kristo pá’ Zẅìge Ndʉalʉ̌a la zí’i gẅí.