Efeso 4:19 - Nouveau Testament en Ngienboum

¹⁹ Pɔ́ léen ńcʉ́’ pà tè kǔ shʉ́, ńgwá’ mbùm yɔb, ńgwɔ́ nà nò mpfwɔ́’, ńne ńkẅi’i ńgÿo menò tepòŋ ntí ntí té gwoonte mbùm yɔb.

Efeso 4:19 ပူးပေါင်းရင်းမြစ်များ

Malékuse 7:22

ńne ńgÿo gÿɛ́, ńne ńgẅiin kegɔ̀’, ńgẅiin ssé ntʉ́m, ńgẅiin fʉ̀te, ńkúu zɔgɔ́ tepòŋ, ńkwɔ́’ɔ lóŋ, ńtÿɔ́gɔ sóon twó nyìŋ, ńŋá’te nnɛ́, ńdʉ’ʉ ntÿɔgɔ́ ntsèm.

Efeso 4:17

Áa mmó gie á gÿo, mèŋ n ge gɔɔn yɔɔn nò tà cwoŋo gɔɔn né pi á nà lezíŋ Cʉ̀apʉ̀a ngie: Tà pi gíŋe ńgÿo shúm sí pá’ pʉ̀a pie pɔ́ té Ssé zsé la. Pɔ́ gÿo pɔ́ mmó gie nkwaŋá wɔ́b gẅie é té kẅéte shwóŋó wɔ́b ngie pɔ́ gÿo.

Kolosia 3:5

Pá’ áa pú’u la, pi zẅé mà tepòŋ we ndùmo ssé tsetsá’ gẅie aa ná pi. Mé gɔɔn mmó pá’ mbàŋa letóŋ panzwě, é panzwě léfa’ mbàŋa, á mmó pá’ nò mpfwɔ́’, á mmó pá’ ntʉ́m nyìŋ légwá shÿó, pá’ legẅiin tsɔ́ ntí letsɔ̌ɔn shúm, pá’ letÿɔ̌g ntʉ́m nà shúm, á nue letÿɔ̌g ntʉ́m nà shúm, à giŋé ńgwɔ́ pɔ́ tsɔ̌ ntí legu’te shúm ngie ée Ssé.

1 Timote 4:2

Á lɔgɔ ńgwɔ́ ngie mɛ̌ menò ge lá’ kẅɛɛ ncwò pʉ̀a pie pɔ́ cÿɔ nò, ńgwɔ́ pà nkwòŋ menÿɔ́g, mbà pɔ́ léen shÿɔg tà mbùm yɔb cʉ́’ʉ ńcúa wɔ́b pɔ́ téen ńjú’u wɔ́.

1 Piɛ 4:3

Apàa á zɔ̌ɔn ńzá’a pá’ pi ka ne ńgÿo mmó gie pà tézsé Ssé ne ńkwoŋo. Pi kɔ̌ɔn fʉ̀’ʉ menò tà sá’a sǎ’, ńne ńgÿo kɔ̀ɔkɔ́ɔ gie mbùm gi tsóte gẅi légÿo, ḿbʉ́a melù’, ńcú’te ná linɔ́ɔn lépfɛ́ shúm, ńgÿo menò shʉ́, pi kɔ̌ɔn ńzɔ́gɔ pɔ́ lénú melù’, pi kɔ̌ɔn ńgu’te shúm ngie ee messé, á gwɔ́ mmó gie Ssé pǔ tè kwoŋ.

2 Piɛ 2:22

Mbà mmó gie á gÿǒ wɔ́b, á lɔgɔ ḿbúmte pá’ sag lekid la gɔɔn ngie: «Mengwe zé’e ḿbíŋ ńjÿó ze’é yé. Mé sɔgɔ kúnɔ́ɔn tà ńgwaa tsẅé jʉ’ à gʉa ńkele tsɛ̀ɛ tetɔ́b».

Jẅide 1:11

Ndòon ee twó pɔ́b nue pɔ́ cʉmé nà mánzsè we Kain, ńne fʉate menò ńdɔgɔ ńdaba nkáb pá’ Mbalam. Pɔ́ ée pú’u, mbà pɔ́ kéen ńkwé, á nue pɔ́ kéen ńtʉʉ twó mbwo Ssé pá’ Koré.

Ŋwà’ne Ngyà jʉ’ 18:3

ńgwe ssé pú’u, á nue, mengwòŋ ntsèm kéen ńnú melù’ mpfwɔ́’ mé tɛ’, á nue pâ mefùɔ ndùmo ssé tsetsá’ kéen ńgÿo mpfwɔ́’, mbɔɔ pá’ pàtáŋa metʉ̌a pie ée ndùmo ssé tsetsá’ kéen ńcʉ́’ megàŋ nkáb, ńzẅɛ́’ɛ pá’ à ka gẅiin shúm kẅìŋ é gyɔ́ɔn tɛ’.