Efeso 4:18 - Nouveau Testament en Ngienboum

¹⁸ Menkwaŋá mɔ́b gwɔ́ pɔ́ me tsɛ̀ɛ nzěm. Pɔ́ gʉa nà leńnéŋe we sẅé gẅie Ssé ne náa, ńgwɔ́ pɔ́ megʉ̀, ńtí nue pɔ́ té mánzsè Ssé zsé. Mbà ntʉ́m wɔ́b léen shÿɔg.

Efeso 4:18 ပူးပေါင်းရင်းမြစ်များ

Matio 13:15

Á nue ntʉ́m pà lá’ pɛ̂ leen shÿɔg pɔ́ leen ńziŋe metuŋó mɔ́b, ńkábte menÿɔ́g mɔ́b, ńdɔgɔ tě ńkwoŋo lélɔg menÿɔ́g mɔ́b ńgyá jʉ’ wɔ́, lélɔg metuŋó mɔ́b ńjú’u nò wɔ́, lélɔg legye sɔ́b ńkwaŋa nò wɔ́. Pɔ́ té kwoŋo lékube mà wɔ́b gwɔ́, ńdɔgɔ tě ńkwoŋo ngie n gÿo pɔ́ zeŋe wɔ́».

Malékuse 3:5

Yěsô paŋ lejÿɔ́g ńdɔg ńdíe wɔ́b, mbùm yé ne ńtsyɛte ńtí tʉʉ twó yɔ́b, á leen ńké ńgɔɔn mbwo mámbàŋa ŋwɛ́ ngie: Siŋe pwó ɔ, á siŋ. Mé gyá á tʉte.

Ŋwà’ne Jâŋ 12:40

«E Ssé kéen ńgÿo menÿɔ́g mɔ́b fʉ. À kéen ńjÿɔ́’ legyè sɔ́b, légwɔ́ gie pɔ́ té lɔg menÿɔ́g gyá jʉ’ wɔ́, pɔ́ le lɔg legyè sɔ́b ńzsé nò wɔ́; à cʉa pú’u, pɔ́ le kúbe mà wɔb à gÿo pɔ́ zeŋe wɔ́».

Megàŋ ntúm 17:30

E Ssé piŋ ńké ńcʉ́’ʉ sáŋa yɛ̌ fʉ̀’ gie nyìŋ mesoŋ kɔ̌ɔn ńgÿo pú’u ńdɔgɔ ńgʉe gʉe wɔ́. Àa fʉ̀’ɔɔn, ńne ńtóŋo ngwòŋ pʉ̀a metsèm, á tsɛ̀ɛ melá’ ntsèm ngie pɔ́ kúbe mà wɔ́b.

Megàŋ ntúm 3:17

Mefɛ́ pɔ́ɔn, mèŋ n cwoŋo ne ńzsé mboŋó ngie pi lâ mefùɔ pí ka lɔg pɔ́ gʉ̀gʉ̀ tá ńgÿo yɔɔn ntí nò nà Yěsô.

Roma 1:28

Pá’ pɔ́ la lʉ’ʉ lézsé Ssé lá, e Ssé la nyé wɔ́b, legyè sɔ́b sie é té tyé zɔ̌ cʉ́’ʉ sá’a wɔ́b pɔ́ cʉ́’ʉ ńgÿo pɔ́ mmó gie pɔ́ kɔ’ɔ́ tè gÿo wɔ́.

Roma 11:25

Mefɛ́ pɔ́ɔn, mèŋ n ne ńkwoŋo ngie pi zsé mmó gie áa ná yɔɔn nò, mbà á la zɔɔn ńgwɔ́ pɔ́ lelyěen, ḿbɔ́gɔ gẅi lékwaŋ ngie pi ee pàzsé nò. Yɛ̌ mmó áa ngie atsɔ́ gwǒŋo pà Israel ne ńtʉʉ twó mbwo Ssé fʉ̀’ɔɔn, tá á ké lěen ńdá’a ńgwɔ́ pɔ́ pú’u wɔ́. Pɔ́ ge tʉʉ twó tà kú fʉ̀’ gie pʉ̀a metsèm pie e Ssé la tsɔ́’, é piŋ tè pà Yuda wɔ́, ge cʉ́me nzèm yé.

Roma 11:7

Áa pú’u, ńdɔgɔ ńgwɔ́ lêkɔ́? Á lɔgɔ ńgwɔ́ ngie ammó gie pà Israel la ne fa’a pɔ́ la tè gyá métsèm wɔ́. Etsɔ̌ ntá’ pʉ̀a tsetsɛ̀ɛ pɔ́b pie e Ssé la tsɔ́’ zɔ̌ la gyá. Á cʉ́’ʉ pfwɔ’ e Ssé nyé wɔ́b pɔ́ tiŋ ndʉ̀’.

Roma 2:19

Ɔ̀ kwà’ ne ńgyá nà jú twó ngie ɔ́ɔ nyìŋ gẅie à kíbe pwó mefʉ̀ menÿɔ́g, ńne ńkyɛ’ɛ pʉ̀a pie ée tsɛ̀ɛ nzěm,

1 Korento 1:21

Áa pú’u, pá’ɔɔn á nue pʉ̀a mesoŋ la tè lɔgɔ yɔ́b zse nò, ńzsé Ssé wɔ́, tà mbɔɔ pá’ e Ssé ne shʉ̀ashʉ̀a ńnyɛɛ zsé nò yé. Áa mmó gie á la gÿo e Ssé záb ngie à ge gÿo pʉ̀a pie pɔ́ zǎb ntʉ́m ná ye tsẅɛ́, éfó ná yɔɔn nò gie pege ne ńgɔɔn, epʉ̀a ne ńgyá ngie é gwɔ pɔ́ menò pʉ̀a lɔɔn.

1 Korento 2:8

Tsoon tà’ nà shúm tepòŋ sie é sá’a yɔɔn njÿó laa zsé yɛ̌ zsé nò wɔ́. Pɔ́ la gwé’e ńzsé yɛ̌ zsé nò, mbà pɔ́ la tè gÿo mé kime Ndè nà tÿǒ nkǐ, á Ndè gẅie à gẅiin legú’ wɔ́.

2 Korento 3:14

Tá’, á la zɔɔn ńgwaa wɔ́, mbà legyè sɔ́b léen ńjÿɔ́’ɔ, é léen ńjÿɔ́’ɔ jÿɔ́’ɔ tà ńkú lyɛ̌’ɔɔn, á nue pɔ́ gwɔ́ tóŋo ŋwà’ne Nzẅìŋe *Kʉ̀a, nkǔɔ yá yɛ̌ nyé ńgwɔ́ pɔ́ wó, é nyé ńgwɔ́ pɔ́ wó, mélà’mie nyìŋ lɔɔn ńnyé té la nnɛ́ ná Kristo, yɛ̌ nkǔɔ nyé ńgwɔ́ pɔ́ wó.

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

Galatia 4:8

Pi laa tsɔ́ fʉ̀’ pi tè ne ńzsé Ssé wɔ́, ńgwɔ́ menkwɔɔn shúm sie mé kwaŋ ngie ée messé, tá’ e tè Ssé wɔ́.

Efeso 2:1

Pi laa tsɔ́ fʉ̀’ ńgwɔ́ mbwo Ssé, mbà pi léen ńkwé ńtí pá’ pi láa ngàŋa mefʉa ńgíŋ ńgwɔ́ pàgÿo menò tepòŋ.

Efeso 2:12

Pi gíŋ ńkímte ngie á kaa fʉ̀’ ayɛ̌, pi tè ne ńzsé ngie tsɔ̌ nyìŋ aa wó ńgwɔ́ *Nzà’nkÿo, tà mé gẅiin lézẅí’te yé wɔ́. Pi gwɔ́ tsetsɛ̀ɛ pʉ̀a Israel ńgwɔ́ pɔ́ megʉ̀, pi tè nò nà *kʉ̀a yɔ́ba Ssé gẅiin tà mbɔɔ nà mmó gie e Ssé la ka’a mbwo pɔ́b. Pi laa gí tsɛ̀ɛ yɔɔn njÿó, pi tè ne ńzẅí’te tsɔ́ mmó wɔ́, ńgíŋe tè ne ńzsé Ssé wɔ́.

Kolosia 1:21

Pi gí, pi laa tsɔ́ fʉ̀’ pi tè lejʉ́ŋ Ssé wɔ́, ńgwɔ́ pɔ́ ngʉ̀a shʉ̀shʉ̀a, ńgwɔ́ megàŋ mbù Ssé, á nue pi lɔ̌ɔn ńkwaŋa nò tepòŋ, ńgÿo pɔ́ yɛ̌.

1 Tesalonika 4:5

Tà á le zẅíŋ nkwaŋá tepòŋ jÿó yé pá’ é jÿó pʉ̀a pie é té Ssé zsé wɔ́.

Heber 5:2

Pá’ yé nùŋe pwɔ́’ giŋé ńkʉ́a yé kʉ́a nà meshÿó ntsèm la, ńgwɔ́ á jú’u mmó gie á gÿo tá pʉ̀a pie pɔ́ té ne ńzsé mmó gie pɔ́ gÿo yɛ̌ wɔ́, mbɔɔ pʉ̀a pie é fʉa mánzsè, éfʉa nò mbwo Ssé.

Heber 9:7

Tá ńgʉa ná lûm we tsoló, *anùŋe pwɔ́’ we lÿò gílé yé zɔ̌ kúu jʉ’ó tà’ legʉ̀a ná ngù’u lá’, ńké těen ńkúu jʉ’ó té gẅiin metse mie à lɔgɔ ńtóo mvfò Ssé ńnyɛɛ ńtí menò tepòŋ mé yé, mbɔɔ me petsɔ́ pʉ̀a wɔ́.

Ŋwà’ne Jâg 4:4

Pii pàlaŋ nzèm pʉ́a. Pi tè ne ńzsé ngie nyìŋ gẅie aa shǔ shúm njÿó, cʉ̌’ ńgwɔ́ pɔ́ ngàŋ mbù Ssé wɔ́ ka? Nyìŋ gẅie à kwoŋ shúm njÿó cʉ̌’ ńgwɔ́ pɔ́ ngàŋ mbù Ssé.

1 Piɛ 1:14

Pi jú’ ncwò Ssé, pá’ penkʉ́ pie é jú’u ncwò, tà pi gíŋe ńzẅíŋ menkwaŋá tepòŋ mie é kɔ́ɔn sá’a gẅi fʉ̀’ gie pi ka nyě tè zsě Kristo gíŋe sá’a gẅí.

1 Jâŋ 2:11

Tá nyìŋ gẅie à pʉa fɛ́ we, aa nyìŋ gẅie ngÿǒ menò ée me tsɛ̀ɛ nzěm, á giŋe tsɛ̀ɛ nzěm, ńké tè ne ńzsé jʉ’ gie à gee né wó wɔ́, mélà’mie nzěm léen ńgÿo á fʉ̀.