Efeso 4:17 - Nouveau Testament en Ngienboum

¹⁷ Áa mmó gie á gÿo, mèŋ n ge gɔɔn yɔɔn nò tà cwoŋo gɔɔn né pi á nà lezíŋ Cʉ̀apʉ̀a ngie: Tà pi gíŋe ńgÿo shúm sí pá’ pʉ̀a pie pɔ́ té Ssé zsé la. Pɔ́ gÿo pɔ́ mmó gie nkwaŋá wɔ́b gẅie é té kẅéte shwóŋó wɔ́b ngie pɔ́ gÿo.

Efeso 4:17 ပူးပေါင်းရင်းမြစ်များ

Lukase 16:28

Á nue mefɛ́ pɔ́ɔn pe mbàŋa ée mbʉ̀a métʉ̀a. Mèŋ n tsɔ́ɔn ngie Nǎzalo piŋ ńkága tuŋó yɔ́b, ńnáa wɔ́b ntÿɔ́gɔ́ ḿbɔ́gɔ pá’ pɔ́ ge lá’ gíŋe tó kú yɔ́b tsɛ̀ɛ yɔɔn jʉ’e ngɔ́’.

Megàŋ ntúm 14:15

Meshǔ pég, pi fa’a légÿo kɔ́ pɛ́’ɛ̀? Peg léen ńgwɔ́ pɔ́ pʉ̀a mesoŋ pá’ pi! Peg tǒ pɔ́ létsẅi nkʉ̀ mbòŋo mbwo pi, é gwɔ́ ngie pi gwá’ messé mɛ́ mie é té tsɔ́ mmó ku’, ésele nnɛ́ ńtó ńkẅɛ́te Ssé gẅie aa ntentʉ́. Yé zɔ la gÿo tÿǒ lépwó pɔ́ tsetsá’, mbɔɔ ntse tê pàa, tà mbɔɔ shúm ntsèm sie ée wó.

Megàŋ ntúm 18:5

Silas pɔ́ Timoté gÿo ńgwɔ́ tà fó Makedonia ńtó, Pɔl cʉ́’ ńnéŋe twó pɔ́ ndà’ léshwóŋó nò Ssé, ńne ńnyɛte ńkyagte, éshwóŋó pà Yuda ngie Yěsô zɔɔ *Nzà’nkÿo gẅie pɔ́ tsẅé ḿbyɛ́bɛ.

Megàŋ ntúm 2:40

Piɛ la gíŋ ńcwoŋo ńgɔ́ɔn nò mbwo pɔ́b lelɔg shwóŋó wɔ́b mmó gie à ne ńzsé nà Yěsô, ńně ńkẅiŋte wɔ́b ńgɔɔn ngie: Pi fó nùɔ pʉ̀a pie ée tsɛ̀ɛ njÿó fʉ̀’ɔɔn gie á léen fʉa mánzsè ńkẅɛ ńzsé ngie pi ge tsẅɛ́.

Megàŋ ntúm 20:21

ńdɔg pú’u, ńtóŋ pà Yuda, mbɔɔ pʉ̀a pie é té pà Yuda wɔ́, ńgie pɔ́ sele nnɛ́ ńcʉ́me nzèm Ssé, ńzáb ntʉ́m ná Cʉ̀apʉ̀a wege Yěsô.

Roma 1:21

Pɔ́ zsé Ssé, tá pɔ́ té gu’te yé, ésíe yé pá’ á ne ńzɛ́te ngie mé gÿo pú’u, nà Ssé wɔ́. Tà ńcʉ́’ pú’u, mbà legyè sɔ́b la fʉte wɔ́b pɔ́ fʉa mánzsè, ntʉ́m wɔ́b gẅie é gẅiin pɔ́ gʉ̀gʉ̀ nzsenò gÿo pɔ́ gwé tsɛ̀ɛ nzěm.

1 Korento 1:12

N ka fó mǒ ńjú’ ngie awɔ̌wɔ́ɔ tsetsɛ̀ɛ pi ńcʉ́’ʉ shwóŋó pɔ́ nà ye ntí. Tsɔ̌ nyìŋ gwaa ne gɔɔn ngie aa nyìŋ we Pɔl, wetsɔ́ ne ńgɔɔn ngie aa nyìŋ we Apolos. Wetsɔ̌ gwɔ́ ne gɔɔn ngie aa nyìŋ Kéfas, wetsɔ́ ne ńgɔɔn ngie aa nyìŋ we Kristo.

1 Korento 15:50

Mefɛ́ pɔ́ɔn, n dɔgɔ pá’ɔɔn ńgɔɔn ngie: À lɔɔn ńgwɔ́ nyìŋ le lɔg mbùm nnɛ́ yɔɔn gie e gẅiin mbab nnɛ́ nê metse lɔɔn, ńdɔg ńkúu tsɛ̀ɛ *lefùɔ Ssé wɔ́. À lɔɔn ńgwɔ́ shúm sie é lʉ́ pâ sie é té lʉ́ le teme tà’a jʉ’ wɔ́.

2 Korento 9:6

Pi zsé ngie nyìŋ lɔɔn ḿbye mmó á té gyɔ́ɔn, mbà á ge lá’a fʉ̀’e lélag shúm, à lag é le gyɔ́ɔn, ḿbye á gyɔ́ɔn, mbà á ge lá’a fʉ̀’e lélag shúm, à lag é gyɔ́ɔn.

Galatia 3:17

Pi jú’u nò gie mèŋ fa’a légɔɔn. E Ssé la gwɔ́ zye ńka’a nò mbwo Ábalam. *Lepʉ̌ lá’ ńgwɔ́ tó, mbà é cʉ̌a ngù’ nkÿo lekùa lê móm ntá. É ké tè gʉa nà *kʉ̀a yɔ́b Ábalam ḿbyága tsɔ́ mmó, ńdɔg pú’u, ńgÿo ammó gie à la ka’a mbwo Ábalam cʉa sẅɛ̀ɛ wɔ́.

Galatia 5:3

Mèŋ n ge gíŋe gɔɔn nà tsɔ́ légʉa á mbwo wɛ̌ nyìŋ wɔ́ gẅie à zɛ́te ngie mé pú’u yé, ngie à gẅiin légÿo shúm ntsèm sie *lepʉ̌ Mǒsê ne ńzɛ́te.

Efeso 1:22

E Ssé léen ńnéŋ shúm ntsèm á mbwo yé. E Ssé la gwɔ́ tà ńnéŋe kɔ̀ɔkɔ́ɔ nà mbwo mé, ńgÿo á gwɔ́ mbwo cú’tè pʉ̀a Ssé, ńgwɔ́ twó, légwɔ́ gie pʉ̀a cú’tè ge ne jú’u ncwò yé.

Efeso 4:22

mbà á ne ńzɛ́te ngie pi kẅɛɛ ná nzẅìŋe mà gẅie mé la lɔg ńzyé gẅí, ndʉŋ ndʉŋ pá’ nyìŋ sẅɛɛ nzẅìŋe nzsǒ ná yé ńgwá’a la. Wɛ̌ mà aa gẅie à kɔ̌ɔn ńcʉa nà shúm tepòŋ sie à kɔ̌ɔn ńtsɔ́ɔn, ńkẅi’i ḿbÿɔ́g pÿɔ́g. Sɛ̌ shúm tepòŋ gwɔ́ shúm sie é fʉte nyìŋ fʉte.

Kolosia 2:18

Pi pɔ́ɔn pá’ à lɔɔn ngwɔ́ etsɔ́ pʉ̀a tó ḿbaba gẅi pi pyé ntsɔ’ɔ́ fà’ ncù gẅie Kristo la jÿó ńná né pi. Mèŋ n gɔɔn pʉ̀a pie pɔ́ gɔɔn ngie pɔ́ ná mbùm yɔb ssé tɛ’, ńgwɔ́ pʉ̀a pie pɔ́ gú’te *mecÿɔ́’ Ssé. Pɔ́ gíŋe ńdɔg shúm sie pɔ́ gɔɔn ngie e Ssé nyɛ̌’ nÿɔ́g mɔ́b pɔ́ gyá ńdɔg ńŋá’te sẅɛ̀ɛ sẅɛ̀ɛ. Pɛ̌ pʉ̀a gẅiin pɔ́ nkwaŋá pʉ̀a mesoŋ, é gÿo pɔ́ zẅíŋ pɔ́ mmóm.

Kolosia 2:4

Mèŋ shwóŋó gẅi mɔɔn menò ḿbɔ́gɔ tsɔ̌ nyìŋ létó ńdɔgɔ shwóŋè gie mé neŋé ssé ńtáŋte, ésele twó gí.

1 Tesalonika 4:6

Tá á gʉa nà nò manzwě, tà nyìŋ gÿo nò tepòŋ ná fɛ́ we, tà á zɔɔn fó fʉte yé fʉte, mélà’mie Cʉ̀apʉ̀a wege ge lá’ néŋ ngɔ́’ twó pʉ̀a pie pɔ́ gÿo pú’u. Peg la lá’ shwóŋó gẅi tà shwóŋ.

1 Timote 5:21

Mèŋ n dɔ̌g lezíŋ Ssé, ńdɔg lezíŋ Yěsô Kristo mbɔɔ lezíŋ *mecÿɔ́’ Ssé pie Ssé la tsɔ́’ ńgɔɔn mbwo gù ngie: Cwoŋo ńjú’u mmó gie mèŋ n gee ngɔ̌ɔn. Pɔ́ɔn lélíe shÿó nyìŋ, kà ńdɔg pɔ́ metùŋ wɔ́ ńgÿo mmó ná nyìŋ.

1 Timote 6:13

Mèŋ n tsẅii yɔɔn nò né gú, ńtyé mvfò Ssé gẅie à gÿo shúm ntsèm gwɔ́ wó, mbɔɔ mvfò Yěsô Kristo gẅie à la tyé mvfò Ponte *Pilato ńgɔɔn nò nénʉ́ gie à zsé.

2 Timote 4:1

Mèŋ n tyé mvfò Ssé mbɔɔ mvfò Yěsô Kristo gẅie à cʉ’ʉ́ ńtó tǒ léŋag pʉ̀a metʉ̀ lâ mepfó ssé, mbɔɔ ná pá’ à ge gÿo tó ńnuŋe lefùɔ sé, n cwoŋo ńgɔɔn né gù ngie:

1 Piɛ 1:18

Pi zɔɔn ne ńzsé tʉ̀ nzẅìŋ mmó gie e Ssé la ná tá ńdɔg ńkẅile gẅi nà ntí leńnéŋe gie e tè kẅéte, é gie metá pi la zí’i gẅí, yɛ̌ mmó á té pá’ tʉ̌ gɔ̂l kà nkáb wɔ́ gie nzẅìŋ ge fó lyɛ̌’ mag wɔ́.

2 Piɛ 2:18

Pɔ́ lɔgɔ mmó gie pɔ́ zí’i pʉ̀a ńŋá’te, tá é gwɔ́ pɔ́ fÿɔ́g sẅɛ̀ɛ gie é zẅɛɛ. Pɔ́ gɔɔn mbwo pʉ̀a ngie ńgwɔ́ nyìŋ gÿo kɔ̀ɔkɔ́ɔ gie mbùm nyìŋ mesoŋ tsɔ́ɔn, tá á gwɔ́ nò shʉ́. Pɔ́ lɔg pú’u, éshwoŋte pʉ̀a pie pɔ́ ka nyé ńkẅɛɛ tsetsɛ̀ɛ pʉ̀a pie ée nà mánzsè tepòŋ,