Efeso 4:16 - Nouveau Testament en Ngienboum

¹⁶ Yé zɔ gÿo mejʉ’ nnɛ́ cú’te ńtemte ńgwɔ́ tà’a mmó. Menŋàŋ nnɛ́ tà ńgyɔ́ɔn kẅéte légÿo mejʉ’ mbùm temte, yɛ̌ jʉ’e nnɛ́ wɔ́ piŋ ńgwɔ́ tà ne fa’a yé fà’, mbùm nnɛ́ ntsèm pú ńgú’, ńtʉte ńcʉa pɔ́ nà nkwòŋe gie ee tsetsɛ̀ɛ pɔ́b.

Efeso 4:16 ပူးပေါင်းရင်းမြစ်များ

Ŋwà’ne Jâŋ 15:5

Letsiŋé tÿó aa mèŋ, mbwó tÿǒ gwɔ́ gẅí. Nyìŋ gẅie à la nnɛ́ ná mèŋ, mèŋ n da nnɛ́ ná yé yɔ́ɔn, aa nyìŋ gẅie aa ńgÿo shúm mbòŋo tɛ’. Á nue pege lɔɔn tè gwɔ́, pi le tsɔ́ mmó gÿo.

Roma 12:4

Á zɔɔn ńgwɔ́ nà mbùm nnɛ́ nyìŋ mesoŋ, mekèm gwɔ́ mǒ tà ńgyɔ́ɔn ḿbiŋ ńké tè gẅiin tà’a fà’ wɔ́

1 Korento 10:17

Pá’ tà’ mbelég wémɔ’ɔ́ zɔɔ ssé la, pege metsèm púte ḿpfɛ́ɛ wɛ̌ tà’ mbelég á lɔgɔ ńnyɛɛ ngie pege puté ńgwɔ́ pɔ́ tà’ mbùm nnɛ́ yémɔ’ɔ́.

1 Korento 13:13

Pege lɔgɔ pá’ɔɔn ńgyá ngie eshúm sie é ge lá’a gwɔ́ pɔ́ wó ée sétá: Wɔɔn aa lezǎb ntʉ́m nà Ssé, wɔɔn gwɔ́ léńnéŋe ńně ńzẅí’te mmó mbwo Ssé, ńgÿo lékwoŋo nyìŋ mesoŋ. Tá’, atwó ye lÿò nà shúm sɔɔn sétá à gwɔ́ pɔ́ lekwoŋo nyìŋ mesoŋ.

1 Korento 8:1

Á gʉa nà nò pfwɔ́’ɔ mbab gie mé nǎ nà shúm sie mé gu’te ngie ee messé, mbà áa nénʉ́ ngie pi metsèm zɔ́gɔ ńgɔɔn ngie pi zɔ zsé nò mǒ. Tá’ yɛ̌ ntí zsé nò gÿo nyìŋ ŋá’te ŋa’té. Tá mmó gie á gÿo mé kẅi’i ńzáb pɔ́ ntʉ́m nà Ssé, aa nyìŋ lé ně ńkwoŋo fɛ́ we.

Galatia 5:22

Tá’, menò mbòŋo mie Zẅìge Ndʉalʉ̌a gÿo nyìŋ gÿo é mɔɔn ńgwɔ́ légẅiin nkwòŋe, ńgwɔ́ léńnéŋe nê lekág, ńgwɔ́ léńnéŋe lésẅete, ńgwɔ́ légẅiin kwɔ́gɔ nnɛ́, ńgwɔ́ létyé lékẅéte pʉ̀a, ńgwɔ́ légẅiin pòŋo ntʉ́m, ńgwɔ́ léńnéŋe té gwɔ́ ngàŋ mepàb,

Galatia 5:6

Á nue nyìŋ lɔɔn ńda nnɛ́ ná Kristo, mbà mé lépú’u yé kà lényé té pú’u yé wɔ́, á té tsɔ́ nò wɔ́. Lezǎb ntʉ́m ná Kristo ḿbiŋ ńkwoŋ pʉ̀a mesoŋ zɔɔ nò.

Efeso 1:4

mbà à la cʉa ná Kristo ńtsɔ́’ɔ wégè, ńdɔg ńgÿo pʉ̀a pé tà fó ńnyé pɔ́ tè nyɛte njÿó pá’ pege ge gwɔ́ mvfò yé é gwɔ́ pʉ̀a ndʉalʉ̌a, é gwɔ́ pàtèfʉa. Á la lɔg pá’ à kwoŋo wégè,

Efeso 3:17

Mèŋ n giŋé ne sẅíŋte yé ngie à gÿo pi ké ne ńzába ntʉ́m pɔ́ ná Yěsô Kristo. Kristo lɔg pú’u, ńké ne ńnéŋe ńgwɔ́ pɔ́ tsɛ̀ɛ ntʉ́m gẅí. N giŋé ne sẅíŋte ngie à gÿo pi kwoŋ Ssé, ḿbiŋ ńgẅiin nkwòŋe tsetsɛ̀ɛ pi, à cʉa pú’u, pi tyé ńtʉ pá’ tÿǒ gie menŋàŋ mé kúu ssé, mbɔɔ pá’ ndá gie à cÿǒ á kúu ssé.

Efeso 3:7

E Ssé la cÿó pɔ́ gʉm yɔ́ɔn tá ńgÿo n gwɔ́ ngàŋa fà’ létsẅi nkʉ̀ mbòŋo. À la lɔg pɔ́ metʉ̀ mé tá ńgÿo pú’u.

Efeso 4:12

À la záb pɛ̌ pʉ̀a légwɔ́ gie pɔ́ ge kẅéte pʉ̀a Kristo léfa’a fà’a Ssé, acú’tè pʉ̀a Kristo gie áa mbùm nnɛ́ ye, à kẅi’i ńgʉa nê mvfò.

Efeso 4:15

Tà ńcʉ́’ pú’u, pege kwoŋe pege né pege, nyìŋ shwóŋó nò nénʉ́ á mbwo fɛ́ we, ńgú’u nà meshÿó ntsèm, Kristo gÿo pege ne ńdɔgɔ ndɔ́ɔn ndɔ́ɔn ńkẅi’i ńgwɔ́ pá’ yé gẅie aa twó nà mbùm nnɛ́.

Filipo 1:9

Ammo gie mèŋ m biŋ ńnéŋe sẅíŋte Ssé ńtsɔ́ɔn ngie à ná né pi aa yé légÿo pi kẅi’i ńgẅiin nkwòŋe ńdɔg ńgʉa lê mvfò, ńne ńcwoŋo ńzsé Ssé mboŋó, ńne ńzsé tyɛ̀’te gie áa nà nò mbòŋo pɔ́ ye tepòŋ.

Kolosia 2:19

Pɔ́ té ne ńkẅi’i ńdaa nnɛ́ ná Kristo gẅie yé zɔɔ twó wɔ́. Tá mbà twó zɔ̌ náa kɔ̀ɔkɔ́ɔ gie á ge kẅéte mbùm nnɛ́. Atwó zɔ̌ gÿo mejwoŋó nnɛ́ mbɔɔ menŋàŋ nnɛ́ cú’te ńkú’te mbùm nnɛ́, é gú’ pá’ e Ssé ne ńkwoŋo.

Kolosia 2:2

Mèŋ n gÿo pú’u, lélɔg ńnéŋ ntʉ́m wɔ́b, nkwòŋe temte wɔ́b, mbɔɔ pá’ pɔ́ ge nyɛte zsé nò gie aa ná Kristo, éfó mǒ é zsé ntsem Ssé gie à ka gÿo peg zsé, yɛ̌ ntsem gwɔ́ pɔ́ Kristo yé máŋwɛ́.

1 Tesalonika 1:3

Peg ne sẅíŋte Tá wege Ssé fʉ̀’e kɔ́ wɔ́, ńkímte pá’ pi lɔg pá’ pi záb ntʉ́m ná Yěsô éfa’ mefà’, ńkímte ntí fà’ gie pi lɔg nkwòŋe éfa’, ḿbiŋ ńkímte pá’ pi ne ńzẅí’te Cʉ̀apʉ̀a Yěso Kristo té kʉ́a.

1 Tesalonika 2:13

Atsɔ́ mmó gie á gÿo peg sie Ssé fʉ̀’ ntsèm, áa nue peg la shwóŋó nò Ssé mbwo pi, pi jú’, ńzẅíŋ ngie áa shwóŋè Ssé, ńgie á té shwóŋè nyìŋ mesoŋ wɔ́. Á ne fa’a tsɛ̀ɛ ntʉ́m gẅí, pi pie pi ka záb ntʉm gẅi ná Yěso.

1 Tesalonika 3:12

Peg giŋé ne ńdúɔ ngie Cʉ̀apʉ̀a gÿo nkwòŋe gie pi gẅiin tsetsɛ̀ɛ pi, mbɔɔ gie pi gẅiin ná petsɔ́ pʉ̀a mesoŋ metsèm, e kẅi’i kẅi’i, ńgie à gÿo e gwɔ́ pá’ gie peg gẅiin ná pi,

2 Tesalonika 1:3

Mefɛ́ mefɛ́, peg gẅiin léná ndǎg mbwo Ssé nà twó sí ngwòŋ fʉ̀’ ntsèm. Áa mbòŋ ngie mé gÿo pú’u, mélà’mie pi tè ne ńkʉ́a lézáb ntʉ̀m ná yé wɔ́, ńgíŋe ne ńgẅiin nkwòŋe tsetsɛ̀ɛ pi ńdɔgɔ ńgee pɔ́ lê mvfò.

1 Timote 1:5

Ɔ̀ gɔɔn yɛ̌ nò né pɔ́b légwɔ́ gie pɔ́ ge kwoŋ petsɔ́ pʉ̀a tà shwóŋó nò. Lekwoŋo nyìŋ tà shwóŋó nò, à zɛ́te légẅiin ntʉ́m Ndʉalʉ̌a, ńzɛ́te légÿo mmó gie mbùm ɔ̀ té cúa gú mǒ wɔ́, ḿbiŋe ńzɛ́te lézáb ntʉ́m nà Ssé, kwà’ nénʉ́.

1 Piɛ 1:22

Pi ka lɔgɔ lézẅíŋe nò gie áa nénʉ́, ésɔg ntʉ́m gẅí. Légwɔ́ gie pi ge kwoŋ mefɛ́ pi pie pia pɔ̌ zába ntʉ́m nà Ssé, é kwoŋo wɔ́b tà shwóŋó nò. Pú’u la, pi gẅiin kwà’ nkwòŋe tsetsɛ̀ɛ pi, nyìŋ kwoŋo fɛ́ we lê ntʉ́m we ntsèm.

1 Jâŋ 4:16

Á gʉa ná peg, mbà pɔ́ ne ńzsé pá’ Ssé kwoŋo wég pú’u, peg ka gyá yɛ̌ ntí nkwòŋe tà ńzẅíŋ. E Ssé gẅiin pɔ́ nkwòŋe, nyìŋ lɔɔn ńne ńkwoŋo pʉ̀a mesoŋ, mbà ngàŋ la nnɛ́ nà Ssé, e Ssé la nnɛ́ ná yé.