Efeso 3:9 - Nouveau Testament en Ngienboum

⁹ Mbɔɔ pá’ mèŋ n ge nyɛɛ mángyɛ̌, mé zsé pá’ e Ssé ge gÿo ammó gie à la lá’ ńzáb, mbà á ka zɔɔn ńgwɔ́ pɔ́ ntsèm la, ge pumte pú’u. Yé Ssé gẅie à la nyɛte kɔ̀ɔkɔ́ɔ, à la lÿoon yɛ̌ nò tà ńkú fʉ̀’ɔɔn,

Efeso 3:9 ပူးပေါင်းရင်းမြစ်များ

Matio 10:27

Ànò gie mèŋ n gɔ̌ɔn mbwó pi á tsɛ̀ɛ nzěm, ejʉ’ lɔɔn ńgÿo fɔ́g pi gɔɔn. Ànò gie n demté pɔ́ letuŋó pi, pi gÿo ńkwɔ́’ɔ gyɛ̌ tá sá’a yɛ̌ nò.

Matio 13:35

Á lɔ̌ɔn ńgÿo pú’u, légwɔ́ gie nò yɔɔn gie *ntsẅì nkʉ̀ Ssé la gɔɔn lɔɔn ge pumte. À la gɔɔn ngie: «Mèŋ n ge gÿo lɔg mesagá nò éshwóŋó wɔ́b nò. Mèŋ n ge gÿo shwóŋó wɔ́b menò mie ée lelyěen tà fó fʉ̀’ gie mé la nyɛte njÿó».

Matio 25:34

Fùɔ leen ńké ńgɔɔn né pʉ̀a pie ée nà gwǒŋo pwó yé ye tʉ̀ ngie: Pi pie tá wɔ̀ɔn kěen ńnéŋ mbʉ́lè ná pi, pi tó ńkúu tsɛ̀ɛ lefùɔ sie e Ssé la lá’ nyɛte ńdɔg ńzẅí’te gẅi tà fó lénuŋe ngwòŋ.

Matio 28:19

Pú’u la, pi gʉa ngwòŋo ngwòŋ, ńdɔg pʉ̀a mesoŋ ńgÿo *ngàŋa kwò yɔ́ɔn, ńnu’u wɔ́b ntse ná lezíŋ Tá, mbɔɔ Múɔ, mbɔɔ Zẅìge Ndʉalʉ̌a,

Lukase 24:47

Á ne ńzɛ́te ngie mé lá’ ńdɔg lezíŋ sɔ́ɔn, ńgɔɔn nò Ssé mbwo lá’a lá’ ngie wɔ̌wɔ́ɔ kúbe mà we, e Ssé lege menò tepòŋ mé. Pú’u, é ké zye Yerósalem.

Ŋwà’ne Jâŋ 10:30

Peg Tá wɔ̀ɔn gwɔ́ pɔ́ tà’ nyìŋ.

Ŋwà’ne Jâŋ 5:17

Yěsô tsɔ́’ɔ mbwo pɔ́b ngie: Tá wɔ̀ɔn nyě fa’a pɔ́ fà’ tà ńkú fʉ̀’ɔɔn, mbɔɔ mèŋ yɔ́ɔn mèŋ n giŋé ne fa’a pɔ́ fà’.

Ŋwà’ne Jâŋ 5:19

Yěsô gíŋe ńgɔɔn né pɔ́b ngie: Tà mèŋ shwóŋó gẅí, kwà’ nénʉ́, Míŋ Ssé tè gÿo tsɔ́ mmó pɔ́ lê yé twó wɔ́, à gÿo pɔ́ mmó gie à ne ńgyá Tá we gÿo. Akɔ́ɔkɔ́ɔ gie Tá gÿo, Múɔ giŋé ńgÿo pɔ́ yɛ̌.

Megàŋ ntúm 15:18

É gwɔ́ menò mie aa ńzsé zsě.

Roma 11:25

Mefɛ́ pɔ́ɔn, mèŋ n ne ńkwoŋo ngie pi zsé mmó gie áa ná yɔɔn nò, mbà á la zɔɔn ńgwɔ́ pɔ́ lelyěen, ḿbɔ́gɔ gẅi lékwaŋ ngie pi ee pàzsé nò. Yɛ̌ mmó áa ngie atsɔ́ gwǒŋo pà Israel ne ńtʉʉ twó mbwo Ssé fʉ̀’ɔɔn, tá á ké lěen ńdá’a ńgwɔ́ pɔ́ pú’u wɔ́. Pɔ́ ge tʉʉ twó tà kú fʉ̀’ gie pʉ̀a metsèm pie e Ssé la tsɔ́’, é piŋ tè pà Yuda wɔ́, ge cʉ́me nzèm yé.

1 Korento 2:7

Á gʉa ná peg, mbà peg la’te yég pɔ́ zsé nò Ssé gie ee nkʉ̀’ʉ nò gie e kɔ̌ɔn ńgwɔ́ pɔ́ lelyěen, mbà Ssé la lá’ ńnyɛte ńzáb tà njÿó nyé té gwɔ̌ wó légwɔ́ gie, à ge lá’ lɔg ńnáa legú’ wege.

Efeso 1:4

mbà à la cʉa ná Kristo ńtsɔ́’ɔ wégè, ńdɔg ńgÿo pʉ̀a pé tà fó ńnyé pɔ́ tè nyɛte njÿó pá’ pege ge gwɔ́ mvfò yé é gwɔ́ pʉ̀a ndʉalʉ̌a, é gwɔ́ pàtèfʉa. Á la lɔg pá’ à kwoŋo wégè,

Efeso 3:2

Á ge gǎ wɔ́, mbà pi la jú’ ngie e Ssé zɔ la náa yɔɔn fà’ mbwo mèŋ, légwɔ́ gie mèŋ n gÿo yɔɔn fà’ pi zẅɛ́’. À lɔ̌ɔn ńdɔgɔ ńcÿó pɔ́ gʉm yɔ́ɔn.

Efeso 6:19

Pi sẅíŋte yé mbɔɔ ná yɔ́ɔn twó légwɔ́ gie à ge ńnéŋe shwóŋè ncwò mèŋ, ńgie à gÿo pú’u, légwɔ́ gie n dɔɔn ńnyɛ́’ ncwò wɔ̀ɔn fʉ̀’e kɔ́ wɔ́, n gɔɔn nò té pɔ́g, légwɔ́ gie pʉ̀a ge zsé nò gie nkʉ̀ mbòŋo la lɔg ńtó, mbà á la zɔɔn ńgwɔ́ pɔ́ lelyěen.

Kolosia 1:23

Tá’, á ké ne ńzɛ́te ngie pi záb ntʉ́m ná yé Yěsô ńzsé ngie pi ge tyé té zóŋe, nkwaŋá gẅi e ké ńtyé pɔ́ nà mmó gie pi ne ńzẅí’te mbwo Ssé, mbà pi la jú’u yɛ̌ mmó á fʉ̀’ gie mé la ne ńtsẅii nkʉ̀ mbòŋo mbwo pi, é gwɔ́ pɔ́ wɛ̌ gẅie mé tsẅii mbwo nyìŋ mesoŋ ntsèm. Mèŋ Pɔl à yɔ́ɔn fà’ kéen ńcʉ́’ʉ létsẅi wɛ̌ nkʉ̀.

Kolosia 1:26

À ka tsẅi ngie mèŋ n kyɛ́’ ntsem gie à la lá’ ńdÿoon mbwo pʉ̀a mesoŋ é mejwoŋó mejwoŋó tà fó ngù’. Á ké ńgwɔ́ fʉ̀’ɔɔn, mbà à kéen ńké ńkyɛ́’ yɛ̌ ntsem ńnyɛɛ mbwo pʉ̀a pie ée pé.

Kolosia 3:3

Pi zsé ngie áa nà menò njÿó, mbà pi léen ńkwé. Agẅi le gwɔ́, aa mbwo Kristo á lejʉ́ŋ Ssé, mé té ne ńgyá pá’ à gwɔ̌ wɔ́.

Kolosia 4:3

ńgíŋe ne sẅíŋte Ssé nà ség twó, à ná shÿó peg lɔg shwóŋó nò yé. Mèŋ fo pú’u, ńkyagte nò Kristo gie á la zɔɔn ńdyeen menÿɔ́g pʉ̀a lyeen, mèŋ n gee tsǎŋ pá’ɔɔn ńtí pɔ́ yɛ̌.

2 Tesalonika 2:13

Mefɛ́ mefɛ́, pie e Ssé kwoŋo wɔ́b, á gʉa ná peg, mbà peg gẅiin lésíe Ssé fʉ̀’ ntsèm ńtí gẅí, mélà’mie à la tsɔ́’ɔ gẅi tà fó nzyète légwɔ́ gie pi ge tsẅɛ́. Pi tsẅɛ́ɛ ńtí pá’ a Zẅìge Ndʉalʉ̌a ne ńgÿo pi gwɔ́ pʉ̀a Ssé, mbɔɔ pá’ pi záb ntʉ̀m nà nò gie áa nénʉ́.

1 Timote 3:16

Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

2 Timote 1:9

À la gÿo pege tsẅɛ́, éfaga wégè ńdɔg ńgÿo pʉ̀a pé. À lɔ̌ɔn těen ńgÿo pú’u, éfóo pɔ́ nà mefà’ mbòŋo mie pege fǎ’ wɔ́, à la cÿó pɔ́ gʉme yégè. Pú’u, mbà njÿó la nyé pɔ́ tè gwɔ̌ wó, kwà’ yé zɔ̌ záb ngie à ge gÿo lɔgɔ Yěsô Kristo, é gÿo pú’u, ná pege.

2 Timote 4:17

Cʉ̀apʉ̀a zɔ la tè wɔ̀ɔn gwá’. À la tóonte wɔ̀ɔn tá mèŋ n tsẅi nkʉ̀ wé pá’ á ne ńzɛ́te ngie mé tsẅi, ta pʉ̀a pie é té pà Yuda wɔ́ jú’ metsèm. Á fó ncwò mepú’ ntʉ̀ ńkẅile wɔ̀ɔn.

Titus 1:2

Pú’u mé ńnéŋe ne ńzẅí’te légwɔ́ tèmì gẅie e Ssé la lá’ ńnyé pɔ́ tè pú’ ngwòŋ, ńka’a mbwo pʉ̀a pé. Mé zsé ngie àa těen ńgɔɔn nò mé fa’a kékáŋ wɔ́.

1 Piɛ 1:20

E Ssé la mvɔg ńtsɔ́’ɔ yé ná yɛ̌ nò, tá ńnyɛte njÿó. À kéen ńgʉa ná yɔɔn fʉ̀’ gie á lɔgɔ ńzsote, ńtÿɔ́gɔ yé mangyɛ̌ ńtí gẅí.

Ŋwà’ne Ngyà jʉ’ 13:8

Pʉ̀a metsèm pie ée ndùmo ssé tsetsá’ ge gÿo kẅí’te mvfò yé, é gu’te yé. Mé gɔɔn ngwòŋ pʉ̀a metsèm pie mé la tè ŋwe’e lezíŋ sɔ́b á tsɛ̀ɛ ŋwà’ne le gwɔ́ wó, tà fó fʉ̀’ gie njÿó la zye wɔ́. Aŋwà’ne ŋwɛ́ áa ye mûɔ *Njʉ̀njÿò gẅie mé la zẅé yé.

Ŋwà’ne Ngyà jʉ’ 14:6

N gíŋe ńgyá tsɔ̌ tà’ *cÿɔ́’ Ssé gwɔ́ tàa tÿǒ lefaŋ ńne ńzie, ńgẅiin tsɔ́ nkʉ̀ mbòŋo gẅie ée we tèmì, pá’ à ge gʉa tsẅii mbwo pʉ̀a pie ée ndùmo ssé tsetsá’, á tsɛ̀ɛ mbɔɔ wɛ̌ ngwòŋ wɔ́, á mbwo yɛ̌ ngẅɛ̀ ndá wɔ́, á mbwo pàshwóŋó yɛ̌ ntí shwóŋè wɔ́, á mbwo yɛ̌ ntí ntí nyìŋ mesoŋ wɔ́.

Ŋwà’ne Ngyà jʉ’ 17:8

Nɔ̀ɔn gẅie ɔ̀ gyǎ lɛ, à laa wó, tá’ à ké ńcʉ́’ʉ wó wɔ́. À ge gÿo gíŋe gwɔ́ wó, éfóo tsɛ̀ɛ pÿé té lǎŋ kwɔ́’ gʉa lé jʉ’ gie à ge kúu wó é kúu pyé. Epʉ̀a pie ée ndùmo ssé tsetsá’, mbà mé la tè ŋwe’e lezíŋ sɔ́b tsɛ̀ɛ ŋwà’ne gie á gÿo mé gwɔ́ wó, tà fó fʉ̀’ gie mé la nuŋe njÿó wɔ́, pɔ́ ge gÿo gyá nɔ̀ɔn ŋwɛ́ é mɔɔn tɛ’. Á nue à laa wó, à tè gíŋe ńgwɔ́ wó wɔ́, é ké gÿo gíŋe kẅɛ.

Ŋwà’ne Ngyà jʉ’ 4:11

Ɔ̀ɔ nyìŋ gẅie ɔ̀ ku’ me Cʉ̀apʉ̀a weg, ńgwɔ́ Ssé yeg, ɔ̀ ku’ pá’ à lɔɔn ńgwɔ́ mé náa legú’ mbwo gù, ńná mekù’ mbwo gù, pá’ à lɔɔn ńgwɔ́ gù zɔ̌ gẅiin metʉ̀. Á nue ɔ̀ la gÿo kɔ̀ɔkɔ́ɔ á gwɔ́ wó, gù zɔ la kwoŋ tá sɛ̌ shúm kẅɛɛ tsɛ̀ɛ njÿó, gù zɔ piŋ ńne ńkwoŋo tá é gwɔ́ wó.