Efeso 3:6 - Nouveau Testament en Ngienboum

⁶ Ntsèm ŋwɛ́ e yɔɔn, á fó ná nkʉ̀ mbòŋo, epʉ̀a pie é té pà Yuda wɔ́, gẅiin yɔ́b mmó nà shúm sie e Ssé la ka’a mbwo pʉ̀a pé pà Yuda. Pɔ́ ée mekèm tà’ mbùm nnɛ́, ńgíŋe ńgẅiin yɔ́b nò ná mmó gie e Ssé la fó ná Yěso Kristo ńka’a mbwo pʉ̀a mesoŋ.

Efeso 3:6 ပူးပေါင်းရင်းမြစ်များ

1 Korento 12:12

Ndʉŋ ndʉŋ pá’ mbùm nnɛ́ e gwɔ́ pɔ́ tà’ la, tà mbɔɔ pá’ e gẅiin mekèm mbùm tà é gyɔ́ɔn gyɔ̌ɔn la, mekèm mbùm tsɛ ńgyɔ́ɔn tɛ’ tá’, ńké ńcú’te ńgwɔ́ pɔ́ tà’ mbùm nnɛ́ la, á gíŋe ńgwɔ́ pɔ́ pú’u, ná Kristo.

1 Korento 12:27

Á gʉa nà mbùm Kristo, mbà pi pɛ lɔgɔ ńgwɔ́ yɛ̌, wɛ̌ nyìŋ wɔ́ ná pi, gwɔ́ tà’a kèm nà mbùm ŋwɛ́.

Galatia 3:14

Yɔɔn nò gwɔ́ pá’ɔɔn légwɔ́ gie e Ssé ge fó nà mmó gie Yěsô Kristo, gẅie aa nà ngẅɛ̀ Ábalam gÿǒ, é pú néŋ mbʉ́lè ná pʉ̀a pie é té pà Yuda wɔ́, é cʉa ná Ábalam, mbɔɔ légwɔ́ gie pege ge lɔg pá’ pege záb ntʉ́m ná Kristo é gẅiin Zẅìge gie e Ssé la ka’a mbwo pege.

Galatia 5:24

Pʉ̀a pie ée pe Yěsô Kristo léen ńgwá’ shúm tepòŋ sie é póŋ mbùm nnɛ́ yɔb, lâ sie mbùm nnɛ́ ŋwɛ́ zɔ tsɔ̌ɔn, tá á gwɔ́ pɔ́ pá’ fʉ̀’ gie pɔ́ léen ńkim mbùm nnɛ́ ŋwɛ́ nà tÿǒ nkǐ la.

Efeso 3:3

À la kyɛ́’te mmó gie á la zɔɔn ńdyeen menÿɔ́g pʉ̀a lyeen, ńnyɛɛ wɔ̀ɔn, pá’ mèŋ n zɔ̌ɔn ńŋwe’e tsɛ̀ɛ yɔɔn ŋwà’ne éshwóŋó gẅi la. Mèŋ n kaa ŋwe’e á sag wɔ́.

Efeso 5:30

á nue pege gwɔ́ pɔ́ mekèm mbùm ye.

Efeso 5:7

Pú’u la, tà pia yɛ̌ ntí pʉ̀a teme tsɔ́ nò.

Kolosia 2:19

Pɔ́ té ne ńkẅi’i ńdaa nnɛ́ ná Kristo gẅie yé zɔɔ twó wɔ́. Tá mbà twó zɔ̌ náa kɔ̀ɔkɔ́ɔ gie á ge kẅéte mbùm nnɛ́. Atwó zɔ̌ gÿo mejwoŋó nnɛ́ mbɔɔ menŋàŋ nnɛ́ cú’te ńkú’te mbùm nnɛ́, é gú’ pá’ e Ssé ne ńkwoŋo.

1 Jâŋ 1:3

Ammó gie peg la gyá ḿbiŋ ńjú’, áa yɛ̌ gie peg shwóŋó gẅi gí, ńzsé ngie pi ge temte ná peg, pege metsèm pú ńtemte ná Tá mbɔɔ ná Míŋ we Yěsô Kristo.

1 Jâŋ 2:25

Kristo la ka’a mbwo pege ngie, pega Ssé ge lá’a gwɔ́ pɔ́ fʉ̀’ ntsèm.