Efeso 3:5 - Nouveau Testament en Ngienboum

⁵ E Ssé la tè kyɛ́’te yɔɔn ntsèm ye mbwo pʉ̀a mesoŋ pe fʉ̀’ mvfò wɔ́. Á ké ńgwɔ́ fʉ̀’ɔɔn, mbà à gÿo à Zẅìge yé shʉ̀ashʉ̀a ńkyɛ́’te nò yá yɛ̌ mbwo pʉ̀a pie à la cwoŋo wɔ́b ńdɔg ńgÿo megàŋ ntúm Yěsô mbɔɔ pie à la lɔgɔ wɔ́b ńgÿo pʉ̀a pie é ge ńnéŋe tsẅii nkʉ̀ gẅie é fóo mbwo ye.

Efeso 3:5 ပူးပေါင်းရင်းမြစ်များ

Matio 13:17

Tà mèŋ n ké shwóŋó gẅí, kwà’ nénʉ́, pà*ntsẅì nkʉ̀ Ssé tà ńgyɔ́ɔn, mbàa pàkú’te *lepʉ̌ la tsɔ́ɔn légyá menò mie pi gyá lɛ̂ tɛ’, pɔ́ té gyá, ńtsɔ́ɔn lé jú’ menò mie pi jú’u lɛ̂, pɔ́ té jú’

Matio 20:7

Pɔ́ tsɔ́’ ngie: Á gwǎ gwɔ́, mbà tsɔ̌ nyìŋ kaa tóŋo wég nà fà’ wɔ́. Á gɔɔn né pɔ́b ngie: Pí gʉa gí nká’ mèŋ fa’a fà’.

Matio 23:34

Pi ké ńjú’, mèŋ n ge gÿo túm pà *ntsẅì nkʉ̀ Ssé, pâ pàzsé nò, pâ *pàkyagte lepʉ̌ Mǒsê. Pi zẅéte petsɔ̌, ńkim petsɔ̌ ná tÿǒ nkǐ, ńcúɔ petsɔ́ nê mengwɔɔn á tsɛ̀ɛ *mendá cú’tè mí, éfó metÿǒsoŋ metÿǒsoŋ ńnɔ́ɔn wɔ́b.

Lukase 10:24

Tà mèŋ n ké shwóŋó gẅí, lélÿo *pàntsẅì nkʉ̀ Ssé, mbàa mefùɔ lǎ tsɔ́ɔn légyá menò mie pi gyá lɛ̀ tɛ’, pɔ́ té gyá, ńtsɔ́ɔn lé jú’ menò mie pi ne ńjú’u lɛ̀, pɔ́ té jú’.

Lukase 11:49

Mbà Ssé la tʉ́ njÿó ńdɔg legyè sé ńgɔɔn ngie: «Mèŋ n ge túm pàntsẅì nkʉ̀ pɔ́ɔn tà mbɔɔ megàŋ ntúm pɔ́ɔn á mbwo pɔ́b, pɔ́ tó ńgwoon petsɔ́ ńzẅéte, ńnyɛ petsɔ́ ngɔ́’».

Ŋwà’ne Jâŋ 14:26

Pi ge cʉ́’ nzèm, Tá wɔ̀ɔn lɔg lezíŋ sɔ́ɔn, ńtúmo Ntàg Nzèm gẅi, à gwɔ́ Zẅìge Ndʉalʉ̌a. À tó ńzí’i gẅi shúm ntsèm, ńgÿo pi kímte kɔ̀ɔkɔ́ɔ gie mèŋ n dǎ shwóŋó gẅí.

Ŋwà’ne Jâŋ 16:13

À zẅìge Ndʉalʉ̌a ge gÿo tó, é gÿo pi zsé nò nénʉ́ ntsèm, á nue yé zɔ la’te nò nénʉ́, à tè gÿo gɔɔn pɔ́ yé nò wɔ́. À ge gÿo gɔɔn pɔ́ nò gie à jǔ’, é piŋ shwóŋó gẅi menò mie é ne ńtóo.

Megàŋ ntúm 10:28

Á gɔɔn né pɔ́b ngie: Pi ne ńzsé gí ngie *lepʉ̌ pà Yuda tɔ’ɔ nyìŋ wɔb légwɔ́ shǔ nyìŋ lá’a ndyɛ̀’ɛ. Tà ḿbʉ́ mbɔɔ yé lékúu ndá yé. Tá’, e Ssé ka nyɛɛ wɔ̀ɔn tsɔ́ mmó. À ka nyɛɛ wɔ̀ɔn ngie mèŋ n te gẅiin lékʉ́e tsɔ̌ nyìŋ ngie à gẅiin *lɔ̌’ tà á ne ńzɛ́te ngie mèŋ n dÿɔ́’te yé wɔ́.

Roma 16:25

Pege gu’te Ssé. Yé zɔ ku’u légÿo pi tʉte tʉte nzèm yé. Nkʉ̀ Mbòŋo gẅie mèŋ n tsẅii é gɔɔn nò ná Yěsô Kristo, é ge ne fa’a yɛ̌ fà’. E Ssé lɔgɔ wɔɔn Nkʉ̀ Mbòŋo, ńnyɛɛ mmó gie à la zába ná Kristo, mbà á ka zɔ̌ɔn ńgwɔ́ pɔ́ lelyěen tà fó taa mángù’.

1 Korento 2:10

E Ssé ka piŋ ńgÿo Zẅìge Ndʉalʉ̌a gÿo pege zɔ̌ zsé yɛ̌ nò gie á laa lelyěen. À Zẅìge Ndʉalʉ̌a zɔɔn mwoon zẅi nò ntsèm, tà mbɔɔ menò mie Ssé nyě ńgẅiin pɔ́ tsɛ̀ɛ mvwɔ́’.

Efeso 2:20

Pi cʉ̌’ ńgwɔ́ pɔ́ pá’ mbelég gie mé lɔ̌g ḿbwóon ndá. Acÿó ndá gwɔ́ ngàŋ ntúm Yěsô pâ pà *ntsẅì nkʉ̀ Ssé, Yěsô Kristo lê twó yé gwɔ́ tóon gẅie à pi’ ndá.

Efeso 3:9

Mbɔɔ pá’ mèŋ n ge nyɛɛ mángyɛ̌, mé zsé pá’ e Ssé ge gÿo ammó gie à la lá’ ńzáb, mbà á ka zɔɔn ńgwɔ́ pɔ́ ntsèm la, ge pumte pú’u. Yé Ssé gẅie à la nyɛte kɔ̀ɔkɔ́ɔ, à la lÿoon yɛ̌ nò tà ńkú fʉ̀’ɔɔn,

2 Piɛ 3:2

Pi kímte shwóŋè gie pà *ntsẅì nkʉ̀ Ssé pe Ndʉalʉ̌a la tʉ́ njÿó ńgɔɔn, mbɔɔ *lepʉ̌ sie megàŋ ntúm Yěsô ka zí’i gẅí, éfóo mbwo Cʉ̀apʉ̀a á gwɔ́ nyìŋ gẅie à gÿo pege tsẅɛ́ɛ.

Jẅide 1:17

Tá á gʉa ná pi, mbà meshǔ pɔ́ɔn, pi kímte menò mie megàŋ ntúm Cʉ̀apʉ̀a wege Yěsô Kristo la tʉ́ʉ njÿó ńtsẅii mbwo pi.