Efeso 3:4 - Nouveau Testament en Ngienboum

⁴ Pi ge tóŋo yɔɔn ŋwà’ne é jú’ ntí gie mèŋ n dɔg ńzsé ntsèm gie ee nà nò Kristo.

Efeso 3:4 ပူးပေါင်းရင်းမြစ်များ

Matio 13:11

Yěsô tsɔ́’ɔ mbwó pɔ́b ngie: E Ssé lá gÿó ngie pi pɛ zɔ zsé nó nénʉ́ na lefùɔ sé sie ée lelyěen, ńgʉa nà petsɔ́ pʉ̀a à tè gÿo ngie pɔ́ zsé wɔ́.

Lukase 8:10

Á gɔɔn mbwo pɔ́b ngie: E Ssé la gÿo ngie pi pɛ zɔ zsé nò nénʉ́ nà lefùɔ sé sie ée lelyěen. Tá á gʉa ná petsɔ́ pʉ̀a pɔ́ jú’ yɔ́b pɔ́ ndà’ sag legʉa, ńké tè jú’u mmó gie mé lɔgɔ ńgɔɔn wɔ́. Á lɔgɔ ḿbumte ná pá’ mé la ŋwe’e tsɛ̀ɛ ŋwà’ne Ssé ngie: «Pɔ́ ge ne líe jʉ’ pɔ́ le gyá, é ne jú’u, pɔ́ le jú’ tà ńjú’ wɔ́»

Roma 11:25

Mefɛ́ pɔ́ɔn, mèŋ n ne ńkwoŋo ngie pi zsé mmó gie áa ná yɔɔn nò, mbà á la zɔɔn ńgwɔ́ pɔ́ lelyěen, ḿbɔ́gɔ gẅi lékwaŋ ngie pi ee pàzsé nò. Yɛ̌ mmó áa ngie atsɔ́ gwǒŋo pà Israel ne ńtʉʉ twó mbwo Ssé fʉ̀’ɔɔn, tá á ké lěen ńdá’a ńgwɔ́ pɔ́ pú’u wɔ́. Pɔ́ ge tʉʉ twó tà kú fʉ̀’ gie pʉ̀a metsèm pie e Ssé la tsɔ́’, é piŋ tè pà Yuda wɔ́, ge cʉ́me nzèm yé.

Roma 16:25

Pege gu’te Ssé. Yé zɔ ku’u légÿo pi tʉte tʉte nzèm yé. Nkʉ̀ Mbòŋo gẅie mèŋ n tsẅii é gɔɔn nò ná Yěsô Kristo, é ge ne fa’a yɛ̌ fà’. E Ssé lɔgɔ wɔɔn Nkʉ̀ Mbòŋo, ńnyɛɛ mmó gie à la zába ná Kristo, mbà á ka zɔ̌ɔn ńgwɔ́ pɔ́ lelyěen tà fó taa mángù’.

1 Korento 13:2

Á lɔɔn ńgwɔ́ e Ssé cÿó gem yɔ́ɔn mèŋ n tsẅi nkʉ̀ gẅie é fóo mbwo ye, ńzsé nò nà kɔ̀ɔkɔ́ɔ gie áa lelyěen, ḿbiŋ ńzsé nò nà shúm ntsèm. À lɔɔn ńgwɔ́ mèŋ n záb ntʉ́m wɔ̀ɔn nà Ssé, tà ńku’u légÿo mekwɛ́ sẅɛ́’te nnɛ́, tá ńké ńgwɔ́ gie n dɔɔn tè kwoŋo nyìŋ mesoŋ wɔ́, mbà mèŋ n tè tsɔ́ mmó wɔ́.

1 Korento 4:1

Pú’u la, pi líe wég pá’ pafa’a fà’ Kristo mbɔɔ pá’ pʉ̀a pie pɔ́ gẅiin nò nà lekyɛ’té nò Ssé gie á laa lelyěen é shwóŋ pʉ̀a.

2 Korento 11:6

Ndyɛ̌’ áa nò ngie mèŋ m bubte pubte tá’, ńgʉa nà le zsé nò Ssé, atsɔ́ *lɔ̌’ té kẅɛ. Peg léen ńnyɛɛ wɛ̌ le gwɔ́ mbwo pi á nà mentí tà ńgyɔ́ɔn, ngwòŋ fʉ̀’ ntsèm gẅie á la ná shÿó.

Efeso 1:9

Áa yɛ̌ tá pege zsé mmó gie à la záb, mbà á la zɔɔn ńgwɔ́ pɔ́ lelyěen. Yɛ̌ mmó gwɔ́ gie à la tʉ́ njÿó, á poŋo yé poŋ, á záb ngie à ge lá’ lɔgɔ Kristo é gÿo à pumte,

Efeso 3:3

À la kyɛ́’te mmó gie á la zɔɔn ńdyeen menÿɔ́g pʉ̀a lyeen, ńnyɛɛ wɔ̀ɔn, pá’ mèŋ n zɔ̌ɔn ńŋwe’e tsɛ̀ɛ yɔɔn ŋwà’ne éshwóŋó gẅi la. Mèŋ n kaa ŋwe’e á sag wɔ́.

Efeso 3:9

Mbɔɔ pá’ mèŋ n ge nyɛɛ mángyɛ̌, mé zsé pá’ e Ssé ge gÿo ammó gie à la lá’ ńzáb, mbà á ka zɔɔn ńgwɔ́ pɔ́ ntsèm la, ge pumte pú’u. Yé Ssé gẅie à la nyɛte kɔ̀ɔkɔ́ɔ, à la lÿoon yɛ̌ nò tà ńkú fʉ̀’ɔɔn,

Efeso 5:32

Yɔɔn ntsèm ee wó tɛ’, n gɔɔn pá’ɔɔn ná Kristo mbɔɔ ná cú’tè pʉ̀a pé.

Efeso 6:19

Pi sẅíŋte yé mbɔɔ ná yɔ́ɔn twó légwɔ́ gie à ge ńnéŋe shwóŋè ncwò mèŋ, ńgie à gÿo pú’u, légwɔ́ gie n dɔɔn ńnyɛ́’ ncwò wɔ̀ɔn fʉ̀’e kɔ́ wɔ́, n gɔɔn nò té pɔ́g, légwɔ́ gie pʉ̀a ge zsé nò gie nkʉ̀ mbòŋo la lɔg ńtó, mbà á la zɔɔn ńgwɔ́ pɔ́ lelyěen.

Kolosia 1:26

À ka tsẅi ngie mèŋ n kyɛ́’ ntsem gie à la lá’ ńdÿoon mbwo pʉ̀a mesoŋ é mejwoŋó mejwoŋó tà fó ngù’. Á ké ńgwɔ́ fʉ̀’ɔɔn, mbà à kéen ńké ńkyɛ́’ yɛ̌ ntsem ńnyɛɛ mbwo pʉ̀a pie ée pé.

Kolosia 2:2

Mèŋ n gÿo pú’u, lélɔg ńnéŋ ntʉ́m wɔ́b, nkwòŋe temte wɔ́b, mbɔɔ pá’ pɔ́ ge nyɛte zsé nò gie aa ná Kristo, éfó mǒ é zsé ntsem Ssé gie à ka gÿo peg zsé, yɛ̌ ntsem gwɔ́ pɔ́ Kristo yé máŋwɛ́.

Kolosia 4:3

ńgíŋe ne sẅíŋte Ssé nà ség twó, à ná shÿó peg lɔg shwóŋó nò yé. Mèŋ fo pú’u, ńkyagte nò Kristo gie á la zɔɔn ńdyeen menÿɔ́g pʉ̀a lyeen, mèŋ n gee tsǎŋ pá’ɔɔn ńtí pɔ́ yɛ̌.

1 Timote 3:16

Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

1 Timote 3:9

Á zɛ́te ngie pɔ́ kú’te nò nénʉ́ gie á laa lelyěen, e Ssé nyɛɛ wégè, ńkú’te nà ntí gie mbùm yɔb tè cúa wɔ́b gwɔ́.