Efeso 3:20 - Nouveau Testament en Ngienboum

²⁰ Yé Ssé, à ku’u légÿo kɔ̀ɔkɔ́ɔ ná pege, ńgÿo tà ńkwa’ ḿbú ńtɔ́g pá’ pege ne ńdúɔ, mbɔɔ pá’ pege ne ńkwaŋa. À gwɔ́ gÿo ńdɔg pɔ́ metʉ̀ mé mie é fa’a tsɛ̀ɛ mentʉ́m mégè.

Efeso 3:20 ပူးပေါင်းရင်းမြစ်များ

Matio 3:9

Pi pɔ́ɔn lélɔg pɔ́ ndà’ ncwò gẅi ńgɔɔn ngie: Peg ee ngẅɛ̀ Ábalam. Tà mèŋ n ké shwóŋó gẅí, e Ssé ku’u lésele metóon pɔ̀ɔn ńdɔg ńgÿo ngẅɛ̀ Ábalam

Ŋwà’ne Jâŋ 10:10

Antsǒŋ tó yé pɔ́ léjʉ, pɔ́ lézẅé, pɔ́ lécʉŋte. Mèŋ n ka tǒ légwɔ́ gie pʉ̀a mesoŋ ge gẅiin le gwɔ́ gẅie aa kwà’ wɛ̌ pɔ́ ntsèm.

Roma 16:25

Pege gu’te Ssé. Yé zɔ ku’u légÿo pi tʉte tʉte nzèm yé. Nkʉ̀ Mbòŋo gẅie mèŋ n tsẅii é gɔɔn nò ná Yěsô Kristo, é ge ne fa’a yɛ̌ fà’. E Ssé lɔgɔ wɔɔn Nkʉ̀ Mbòŋo, ńnyɛɛ mmó gie à la zába ná Kristo, mbà á ka zɔ̌ɔn ńgwɔ́ pɔ́ lelyěen tà fó taa mángù’.

Roma 4:21

ńkwa’ ne ńcwoŋo ńzsé ngie Ssé gẅiin metʉ̀ lélɔg ńgÿo ammó gie yé Ssé kǎ’ á pumte.

1 Korento 2:9

Mé la zɔɔn ńŋwe’e tsɛ̀ɛ ŋwà’ne Ssé ngie: Ammó gie nyìŋ mesoŋ laa gyá ńké te jú’, Mbà à laa fó ńkwaŋte wɔ́ E Ssé la nyɛte yɛ̌ mmó ńzáb Légwɔ́ gie pʉ̀a pie é kwoŋo yé ge gÿo zẅɛ́’.

2 Korento 9:8

E Ssé piŋ ńku’ pá’ ńgwɔ́ á ná shúm mbóŋo mentí mentí né pi, légwɔ́ gie pi ge gwɔ́ fʉ̀’ ntsèm é gẅiin shúm sie é ne ńzɛ́te mbwo pi, tà gíŋ gẅiin mbɔɔ sie ńgwɔ́ pi lɔg fa’ mefà’ mbòŋo nzsè nzsè.

Efeso 1:19

Mèŋ n giŋé ne sẅíŋte yé ngie à gÿo pi zsé ngie metʉ̀ mé pú fáŋ ńcʉa metʉ̀ ntsèm, mbɔɔ ngie à gÿo pi zsé pá’ mɛ̌ metʉ̀ tóonte wégè pàzáb ntʉ́m ná ye pú’u.

Efeso 3:7

E Ssé la cÿó pɔ́ gʉm yɔ́ɔn tá ńgÿo n gwɔ́ ngàŋa fà’ létsẅi nkʉ̀ mbòŋo. À la lɔg pɔ́ metʉ̀ mé tá ńgÿo pú’u.

Kolosia 1:29

Pi jú’u mmó gie mèŋ n kwé mǒ. Mèŋ n kě ńdɔgɔ pɔ́ metʉ̀ mie é fóo mbwo Kristo tá fa’a yɔɔn fà’. Mɛ̌ metʉ̀ kwa’ ńgwɔ́ soŋ nnɛ́ mèŋ ńne fa’a.

1 Timote 1:14

Cʉ̀apʉ̀a wege Yěsô Kristo, la gÿo nò mbòŋo yé ná mèŋ tà á zyɛ́’. Á la gÿo mèŋ n záb ntʉ́m ná yé, mèŋ m biŋ ńkwoŋ petsɔ́ pʉ̀a. Á fóo ná pá’ mèŋ n da nnɛ́ ná yé.

Heber 11:19

Tá Ábalam tyé lélɔgɔ yé ńnuŋe pwɔ́’, á nue à la ne ńzsé tsɛ̀ɛ ntʉ́m yé ngie, e Ssé kǔ’ mbàa lezíme nyìŋ gẅie à kwě. Áa mmó gie á la gÿo e Ssé piŋe míŋ we mbwo yé, tà á cʉ́’ ńgwɔ́ pɔ́ pá’ fʉ̀’ gie múɔ zimé nà legwé la, ńdɔgɔ pú’u, ńtʉ́ʉ njÿó ńnyɛɛ fʉ̀’ʉ nò

Heber 7:25

Áa mmó gie á gíŋe ńgÿo á ku’u légÿo pʉ̀a pie pɔ́ ne ńdɔgɔ yé ńtsóte nnɛ́ nê lejʉ́ŋ Ssé, pɔ́ tsẅɛ́ ndà’ ndà’. Pú’u nue yé Yěsô aa ńgwɔ́ pɔ́ wó, pá’ à ge sẅíŋte Ssé nà twó yɔ́b.

Ŋwà’ne Jâg 4:12

E Ssé gíle yé zɔ zába *lepʉ̌, ḿbiŋe ńzá’a ntsaŋ pʉ̀a, yé gíle yé zɔ ku’u légÿo nyìŋ tsẅɛ́ kà légÿo á kwé wɔ́. Ɔ̀ kwǎŋ jú ngie ɔ́ɔ wɔ̌ tà ńtúu *lɔ̌’ fɛ́ gù?

2 Piɛ 1:11

À gwɔ́ pú’u, mé lá’ shʉa shʉa ńtsɔ́’ nzsè gie e gee ńkúu tsɛ̀ɛ lefùɔ tèmì se Yěsô Kristo, ńná né pi. Aa Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ.

Jẅide 1:24

Agù’te gwɔ́ mbwo Ssé, yé gẅie à ku’u létÿɔ́’te gẅi tà pi é le gwé, yé gẅie à ku’u légÿo pi kẅɛ ńtyé nà jʉ’ʉ legú’ gie kwà’ yé aa wó tà *lɔ̌’ á le ná pi wɔ́, pi piŋ ńne ńkága kǎg,