Efeso 3:16 - Nouveau Testament en Ngienboum

¹⁶ n né ńdúɔ mbwo yé ngie à lɔg pá’ legú’ we fǎŋ tɛ’ la, ńzẅíŋ, ńgÿo à Zẅìge yé náa gẅi tʉ̀ légwɔ́ gie ntʉ́m gẅi ge cwoŋo tʉte tɛ’.

Efeso 3:16 ပူးပေါင်းရင်းမြစ်များ

Matio 6:13

Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

Roma 2:29

Tá’ kwà’ nyìŋ Yuda, á nyìŋ Ssé, á gwɔ́ pɔ́ nyìŋ gẅie mé la pú’u yé pɔ́ tsɛ̀ɛ tʉ́m ye. Á gwɔ́ lepú’ gẅie a Zẅìge Ssé zɔ gÿo, tà à tè gwɔ́ pɔ́ gẅie à fóo ná pá’ mé la ŋwe’e tsɛ̀ɛ *lepʉ̌ wɔ́. Wɛ̂ zɔɔ nyìŋ gẅie e Ssé zɔ ná mekù’ mé tà pʉ̀a mésoŋ zɔ té ná.

Roma 7:22

Mèŋ n ge kwà’ tsɛ̀ɛ ntʉ́m mèŋ, *lepʉ̌ Ssé poŋo wɔ̀ɔn tɛ’.

Roma 9:23

Tá e Ssé lɔ̌ɔn ńgíŋe ńkwoŋo lényɛ nzẅìŋ fù’ gie áa tsɛ̀ɛ legú’ we, ńgwɔ́ gie à náa mbwo pʉ̀a pie à tsɔ̌ɔn mezìŋe mɔ́b, é pʉ̀a pie à la lá’ ntʉ́ njÿó ńcwoŋo wɔ́b ńtÿɔ́g, á légẅiin legú’ we ŋwɛ́.

1 Korento 16:13

Tà pi gwá’a lÿɔ̀g ńdyé, pi záb ntʉ́m nà Ssé té kʉ́a, pi gwɔ́ mbàŋa, pi tʉ tʉ.

2 Korento 12:9

é sẅíŋte yé pú’u, á tsɔ́’ ngie, mèŋ n ne ńdíe gú, ńkẅéte gú, ajú ku’ pú’u, á nue ɔ̀ gwɔ̌ tà ne ḿbÿɛ́ɛ pÿɛ̌ tá ńdɔg ńná shÿó pá’ mɔ́ɔn metʉ̀ ge cwoŋo fa’. Áa yɛ̌ tá mèŋ n kwoŋo lévɔg ńdɔg pá’ ḿbÿɛ́ pÿɛ̌ ńka’te, pú’u, ńzsé ngie metʉ̀ Kristo ge tó é gwɔ́ ná mèŋ.

2 Korento 4:16

Áa mmo gie á gÿo peg tè kʉ́a, mbùm nnɛ́ yèg tsɛ ne ńkẅi’i ńkʉ́a kʉ̌a tá’, ntʉ́m wég gwɔ́ tsoló ne shumo shum lyɛ̌’ ntsèm.

Efeso 1:18

Mèŋ n giŋé ne sẅíŋte yé, ngie à gÿo ntʉ́m gẅi zsé kyɛ̀’ yé légwɔ́ gie pi ge cwoŋo zsé mmó gie à lɔ̌ɔn ńtóŋo gẅi ńtí yɛ̌. Mbɔɔ pá’ pi ge zsé máamaa fù’u mbòŋo gie pia petsɔ́ pʉ̀a pie à la tsɔ́’ɔ wɔ́b ge gÿo kẅé, á gwɔ́ mmó gie à la cwoŋte ńzáb né pi.

Efeso 1:7

Míŋ we ŋwɛ́ la lɔg metse mé ńdɔg ńcu’u wégè, pege tsẅɛ́. E Ssé lege mefʉa mégè ńnáa mbwo pege. Yɔɔn áa nò té fʉ̀’ gie e Ssé la lɔg ńcÿó gʉm yégè,

Efeso 2:7

À la gÿo mɔɔn menò pá’ à ge lá’ lɔg la’te ná yɛ̌ kème njÿó wɔ́ gie á ne ńtóo ngie à la cÿó gʉm yégè tà ńcʉa ntí, á fóo ná pá’, à cʉa nà Yěsô Kristo ńgẅiin pòŋo ntʉ́m ná pege pú’u.

Efeso 3:15

gẅie metsìŋe ndá mie ée tÿǒ lepwó mbɔɔ mie ée ndùmo ssé tsetsá’ ntsèm, é gwaa gwɔ́ wó ńzẅɛ́’ɛ pɔ́ yé,

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

Efeso 6:10

Nzsò nzèm nò gie mèŋ n ge shwóŋó gẅí, á gwɔ́ pɔ́ ngie: Pá’ pi la nnɛ́ ná Cʉ̀apʉ̀a la, pi kẅé metʉ̀ mbwo ye. Àa ngàŋ metʉ̀ ntsèm. Pi kẅé metʉ̀ mbwo ye.

Filipo 4:13

Kristo zɔ náa wɔ̀ɔn metʉ̀, tá mèŋ n ku’u légÿo pú’u.

Filipo 4:19

E Ssé yɔ̀ɔn ge lɔg ntí gie aa gẅiin shúm pú’u, é cʉa ná Yěsô Kristo, é náa kɔ̀ɔkɔ́ɔ gie á ne ńzága mbwo pi té sáŋ.

Kolosia 1:11

Peg gǐŋ ne ńdúɔ mbwo Ssé ngie à lɔg pá’ metʉ̀ pɔ́ legú’ e gwɔ́ pɔ́ mé, ńgÿo pi kwa’ ńtʉte tá ńku’u léshÿɔg menò ntsèm té tsyɛte nnɛ́.

Kolosia 1:27

Á nue e Ssé ka gyǎ ngie à ge gÿo pʉ̀a pé zsé mmó gie á la zɔɔn ńdyeen menÿɔ́g pʉ̀a lyeen, ńgwɔ́ gie à la ka’a légÿo ná metúmo metúm, yɛ̌ mmó gẅiin fù’, ḿbiŋ ḿboŋ tɛ’. Yɛ̌ ntsem gwɔ́ ngie pi zsé ngie Kristo aa tsɛ̀ɛ ntʉ́m gẅí, ńne ńgÿo pi zẅí’te fʉ̀’ gie pi ge lá’ kúu tsɛ̀ɛ legú’ Ssé.

Kolosia 2:2

Mèŋ n gÿo pú’u, lélɔg ńnéŋ ntʉ́m wɔ́b, nkwòŋe temte wɔ́b, mbɔɔ pá’ pɔ́ ge nyɛte zsé nò gie aa ná Kristo, éfó mǒ é zsé ntsem Ssé gie à ka gÿo peg zsé, yɛ̌ ntsem gwɔ́ pɔ́ Kristo yé máŋwɛ́.

2 Timote 4:17

Cʉ̀apʉ̀a zɔ la tè wɔ̀ɔn gwá’. À la tóonte wɔ̀ɔn tá mèŋ n tsẅi nkʉ̀ wé pá’ á ne ńzɛ́te ngie mé tsẅi, ta pʉ̀a pie é té pà Yuda wɔ́ jú’ metsèm. Á fó ncwò mepú’ ntʉ̀ ńkẅile wɔ̀ɔn.

Heber 11:34

ḿbyág mentʉ̀ ntʉ̀ mmɔ̌g, ńtsẅɛ́ nně ncù tá mé té lɔg ńzẅé wɔ́b gwɔ́, ńguɔ ḿbiŋ sẅéte tà ḿboŋ, ńtyé tsẅɛɛ ncù, ńgwɔ́ pàlÿɔ́’ ńgwá, ḿbú ńjwoŋ mencwò ncù mie é fóo melá’a ndyɛ̀’ɛ.

1 Piɛ 3:4

Á poŋ ngie à gí kẅìŋe nnɛ́ fó pɔ́ tsɛ̀ɛ ntʉ́m gẅí. Yɛ̌ áa kẅìŋe nnɛ́ gie á ge lá’a zɔ́gɔ ńnéŋe, à gwɔ́ lépʉ́le pʉlé té fa’ ntsaŋ. Áa mbwo Ssé ńgwɔ́ máamáa kẅìŋ.