Efeso 3:13 - Nouveau Testament en Ngienboum

¹³ Pá’ Ssé ka gÿo pú’u la, mèŋ sẅíŋte gẅi ngie tà pi gyá pá’ mèŋ n ne ńgyá ngɔ́’ nà twó sí, ńkʉ́a. Yɛ̌ ngɔ́’ e né ńkẅéte gẅí, ńgwɔ́ mbwo pi ńgwɔ́ pɔ́ cÿɔ́’ɔ lefùɔ.

Efeso 3:13 ပူးပေါင်းရင်းမြစ်များ

Megàŋ ntúm 14:22

ńgiŋe ńtóonte ntʉ́m pʉ̀a Kristo ngie tà pɔ́ kʉ́a ná lézáb ntʉ́m nà Yěsô, ńne ńgɔɔn né pɔ́b ngie: Á ne ńzɛ́te ngie pâ pɔ̌ cʉa tsɛ̀ɛ ngʉ̀ngʉ̀ tà ńgyɔ́ɔn tá ńkúu tsɛ̀ɛ *lefùɔ Ssé.

2 Korento 1:6

Peg lɔɔn ne ńgyá ngɔ́’, mbà pi ge zẅɛ́’, e Ssé cʉa mǒ, ńtóonte gẅí, pi ké ńgwɔ́ pɔ́ ná mánzsè Ssé. Á lɔɔn ńgwɔ́ gie e Ssé ne ńtóonte wég, mbà á gwɔ́ pɔ́ lélɔg ńtóonte gẅí, pú’u pi ku’u léshÿɔg á ná fʉ̀’ gie ntí ngɔ́’ gie e ne ńkúu wég, e kǔ gẅi gí.

2 Korento 4:1

Pú’u la, pá’ e Ssé la lɔg pɔ́ tsɔ́ɔn mezìŋe yé, ńnáa yɔɔn fà’ mbwo peg la, peg tè kʉ́a wɔ́.

Galatia 6:9

Tà pege ke ńkʉ́a legÿo nò mbòŋo, á nue pege lɔɔn gÿo nò mbòŋo ńdɔg ńgʉa pɔ́ lé mvfò, mbà fʉ̀’ ge lá’ ku’, e Ssé gÿo pege lág shúm tɛ’.

Efeso 3:1

Áa mmó gie á gÿo, mèŋ Pɔl gẅie mèŋ n gee ndá tsǎŋ ńtí nue mèŋ sa’á nò Yěsô Kristo mbwo pi pie pi tè pà Yuda wɔ́, mèŋ n ne sẅíŋte Ssé fʉ̀’ ntsèm ná twó sí.

Filipo 2:18

Tà mbàa pi gí pi kág, pege pú ńkág métsèm.

Kolosia 1:24

Áa fʉ̀’ɔɔn ngɔ́’ gie mèŋ n ne ńgyá ná twó gí gÿo mèŋ n kág kǎg. Ngɔ́’ gie mèŋ n gee tsoló áa pfwɔ́’ɔ ngɔ́’ Kristo gie mèŋ n gyá ntí mbùm ye gie áa cú’tè pʉ̀a pé.

2 Tesalonika 3:13

Ńgʉa ná pi, mefɛ́ mefɛ́, tà pi kʉ́a légÿo pɔ́ menò mie ée mbòŋ.